சேலம் திமுகவில் திடீர் அதிரடி.. வீரபாண்டி ராஜா பொறுப்பாளர் பதவியிலிருந்து நீக்கம்..!

சென்னை: சேலம், நாமக்கல் மாவட்ட திமுகவில் நிர்வாகிகள் அதிரடியாக மாற்றப்பட்டு உள்ளனர். சேலம் கிழக்கு மாவட்ட திமுக பொறுப்பாளராக இருந்த வீரபாண்டி ஆ ராஜா திமுக தேர்தல் பணிக்குழு செயலாளராக நியமிக்கப்பட்டுள்ளார்.

சேலம், நாமக்கல் மாவட்ட திமுகவில் நிர்வாகிகளை மாற்றி அக்கட்சியின் பொதுச்செயலாளர் க.அன்பழகன் அறிவிப்பு வெளியிட்டுள்ளார்.

இதன்படி, சேலம் கிழக்கு மாவட்ட திமுக பொறுப்பாளராக இருந்து வந்த வீரபாண்டி ஆ ராஜா அந்த பொறுப்பில் இருந்து நீக்கப்பட்டு அவருக்கு புதிய பொறுப்பு வழங்கப்பட்டுள்ளது. திமுக தேர்தல் பணிக்குழு செயலாளராக வீரபாண்டி ஆ.ராஜா நியமிக்கப்பட்டுள்ளார்.

வீரபாண்டி ஆ ராஜாவுக்கு பதில் சேலம் கிழக்கு மாவட்ட திமுக பொறுப்பாளராக எஸ்,ஆர்.சிவலிங்கம் நியமிக்கப்பட்டுள்ளார். இதேபோல் சேலம் மேற்கு மாவட்ட திமுக பொறுப்பாளராக டி.எம் செல்வகணபதி நியமிக்கப்பட்டுள்ளார்.

நாமக்கல் கிழக்கு மாவட்ட திமுக பொறுப்பாளராக இருந்த காந்தி செல்வன் நீக்கப்பட்டு அவருக்கு பதில் நாமக்கல் கிழக்கு மாவட்ட திமுக பொறுப்பாளராக கே.ஆர்.என்.ராஜேஷ்குமார் நியமிக்கப்பட்டுள்ளார்.

English summary

Salem Namakkal DMK District Administrators sacked, new Administrators appointed, veerapandi a raja removed from Salem East District DMK Administrator