‛யம்மாடியோவ்’.. 176 ஆண்டுகளில் இல்லாத வெயில்! வாரி சுருட்டிய ஜூன்.. வெளியான ஷாக் ரிப்போர்ட்

Updated: Saturday, July 15, 2023, 15:52 [IST]

Subscribe to Oneindia Tamil

சென்னை: தமிழ்நாடு மட்டுமல்லாது உலகம் முழுவதும் கடந்த ஜூன் மாதத்தில் 174 ஆண்டுகளில் இல்லாத அளவுக்கு வெப்பநிலை பதிவாகியுள்ளதாக சர்வதேச பெருங்கடல் மற்றும் வளிமண்டல ஆய்வு அமைப்பு (என்ஓஏஏ) தெரிவித்துள்ளது.

வழக்கமாக ஏப்ரல் மாதம் தொடங்கும் வெயில் மே முழுவதும் வாட்டி வதைக்க தொடங்கும். ஆனால் இந்த முறை மார்ச் மாதமே வெயில் வாட்ட தொடங்கிவிட்டது. சரியாக சொல்வதெனில் பிப்ரவரி இறுதியிலிருந்தே வெயில் கொளுத்தியது. தென்னிந்தியாவும் சரி, வட இந்தியாவும் சரி ஒட்டு மொத்த நாடே வெயிலால் கடுமையான அவஸ்தையை எதிர்கொண்டது. தமிழ்நாட்டில் பல்வேறு இடங்களில் சுமார் 100 டிகிரி ஃபாரன்ஹீட் வரை வெயில் வாட்டியது.

Scientists report that the maximum temperature was recorded last June only after 174 years

இது மக்களின் அன்றாட வாழ்க்கையை பெரிய அளவில் பாதித்தது. ஐடி நிறுவனங்களில் வேலைக்கு செல்வோர் தொடங்கி, அன்றாட கூலி தொழில் செய்பவர்கள் உட்பட பலர் பாதிக்கப்பட்டனர். பலர் வெயிலால் ஏற்படும் அக்கி, அம்மை உள்ளிட்ட நோய்களால் பாதிக்கப்பட்டனர். இன்னும் ஒருபடி மேலே சென்று சிலர் வெயிலால் மயக்கமடைந்து உயிரிழந்தனர். உத்தரப் பிரதேசம், பீகார், மத்தியப் பிரதேசம் உள்ளிட்ட மாநிலங்களிலும் வெயிலின் தாக்கம் அதிகமாக தெரிந்தது.

இந்நிலையில், சர்வதேச பெருங்கடல் மற்றும் வளிமண்டல ஆய்வு அமைப்பு (என்ஓஏஏ) அதிர்ச்சி அறிக்கை ஒன்றை வெளியிட்டுள்ளது. அதாவது, தமிழ்நாடு மட்டுமல்லாது உலகம் முழுவதும் கடந்த ஜூன் மாதத்தில் 174 ஆண்டுகளில் இல்லாத அளவுக்கு வெப்பநிலை பதிவாகியுள்ளதாக கூறியுள்ளது.

ஜூன் மாதத்தில் உலகின் சராசரி வெப்பநிலை 20ம் நூற்றாண்டின் சராசரி வெப்பநிலையை விட 1.89 டிகிரி டிகிரி ஃபாரன்ஹீட் அதிகமாகப் பதிவாகியுள்ளது. அதாவது இது கடந்த 174 ஆண்டுகளில் பதிவு செய்யப்பட்ட வெப்பநிலையைவிட அதிகமாகும். இதே கடந்த 2020ம் ஆண்டு ஜூன் மாதத்தில் இது 0.23 டிகிரி ஃபாரன்ஹீட்டாக அதிகரித்திருந்தது. இதன் காரணமாக உலகம் முழுவதும் உள்ள பெருங்கடல்களின் அளவானது உயர்ந்தது. அண்டார்டிகாவில் பனி பாறைகளின் அளவு குறைந்தது.

இது பல இடங்களில் வெள்ளம், எதிர்பாராத பருவநிலை மாற்றம், திடீர் மழை, திடீர் வெயில், சூறாவளி, புயல் என முன்கூட்டியே கணிக்க முடியாத வானிலை மாற்றங்கள் ஏற்படும். இது மனித சமூகத்திற்கு மட்டுமல்லாது, பறவைகள், விலங்குகளுக்கும் பாதிப்பை ஏற்படுத்தும் என்று சர்வதேச பெருங்கடல் மற்றும் வளிமண்டல ஆய்வு அமைப்பு கூறியுள்ளது.