மதுரைக்கு போகாதடி vs வந்தாய் ஐயா வந்தாய் ஐயா.. மோடி வருகையால் போர்க்களமான டிவிட்டர்.. வைரல்!
சென்னை: பிரதமர் மோடியின் தமிழக வருகைக்கு எதிராக டிவிட்டரில் #GoBackModi என்ற டேக் எப்போதும் போல் வைரலாகி வருகிறது. அதே சமயம் மோடிக்கு வருகையை ஆதரித்து #TNWelcomesModi டேக் வைரலாகி வருகிறது. இது டிவிட்டரே பெரிய போர்க்களமாக இருக்கிறது.
மதுரை தோப்பூரில் அமைய இருக்கும் எய்ம்ஸ் மருத்துவமனைக்கு அடிக்கல் நாட்டுவதற்காக பிரதமர் மோடி இன்று தமிழகம் வர உள்ளார். காலை 11 மணிக்கு மோடி மதுரை வருகிறார்.
இதனால் தமிழகத்தில் பாதுகாப்பு பலப்படுத்தப்பட்டுள்ளது. மதுரை தோப்பூரில் ரூ.1264 கோடியில் எய்ம்ஸ் மருத்துவமனை அமைய இருக்கிறது.
கோபேக் மோடி டிரெண்ட்
எப்போதும் போல இந்த முறையும் பிரதமர் மோடியின் வருகைக்கு எதிராக தமிழகத்தில் நிறைய போராட்டங்களுக்கு ஏற்பாடு செய்யப்பட்டு இருக்கிறது. பிரதமர் மோடி இன்றுதான் தமிழகம் வருகிறார். ஆனால் நேற்றே #GoBackModi டேக் டிரெண்டாக தொடங்கிவிட்டது. நேற்றே #GoBackModi டேக் தேசிய அளவில் முதலிடம் பிடித்தது. இப்போதுவரை இது முதலிடத்தில் இருக்கிறது.
இன்னொரு பதிலடி
இதற்கு பதிலடியாக பாஜக ஆதரவாளர்கள் #TNWelcomesModi என்றும் டேக்கை உருவாக்கி டிரெண்ட் செய்து வருகிறார்கள். பிரதமர் மோடியை தமிழகம் வரவேற்பதாக இவர்கள் டிவிட் செய்து வருகிறார்கள். இது ஆச்சர்யமாக இந்திய அளவில் இரண்டாவது இடம் பிடித்து இருக்கிறது.
போர் ஆமாம் போர்
இதேபோல் #GoBackSadistModi என்று மோடிக்கு எதிராகவும், #MaduraiThanksModi என்று மோடிக்கு ஆதரவாகவும் இன்னும் சில டேக்குகள் டிரெண்ட் ஆகி வருகிறது. இரண்டு தரப்பினரும் மாறி மாறி டிவிட்டரில் போஸ்ட் செய்து இந்திய அளவில் வைரலாக சண்டையிட்டு வருகிறார்கள்.
|
பெரிய சந்தோசம்
தமிழ்நாடு வரும் பிரதமர் மோடியை வரவேற்பதில் எங்களுக்கு பெரிய மகிழ்ச்சையாக இருக்கிறது என்று பாஜக ஆதரவாளர் டிவிட் செய்து இருக்கிறார்.
|
மதுரைக்கு வந்தாய் ஐயா
அந்த வகையில் பிரதமர் மோடிக்காக பாகுபலி படத்தின் பாடலை எல்லாம் வைத்து எடிட் செய்து நிறைய வீடியோக்களை வெளியிட்டு இருந்தனர். பாஜக இளைஞரணியின் தமிழக துணைத்தலைவர் எஸ்.ஜி சூர்யா தனது டிவிட்டர் பக்கத்தில் இதற்காக வீடியோ எடிட் செய்து ஷேர் செய்து இருக்கிறார்... வந்தாய் ஐயா.. வந்தாய் ஐயா!
|
மதுரைக்கு போகாதடி
ஒரு பக்கம் மதுரைக்கு வந்தாய் ஐயா என்று பாஜகவினர் பாட்டு போட்டு டிரெண்ட் செய்கையில் இன்னொரு பக்கம் பாஜக எதிர்ப்பாளர்கள் ''மதுரைக்கு போகதடி'' என்று ''எச பாட்டு'' பாடி மோடிக்கு எதிராக #GoBackModi டேக்கை வைரல் செய்து வருகிறார்கள்.
|
வாங்க வாங்க
பிரதமர் மோடியை மதுரைக்கு வரவேற்கிறேன். பிரதமர் மோடி மதுரையில் இருக்கும் உலகப் புகழ்பெற்ற தமிழர்களின் கலை அடையாளமான மதுரை மீனாட்சி அம்மன் கோவிலில் வந்து தரிசனம் செய்ய வேண்டும் என்று இவர் கோரிக்கை வைத்து அவரை வரவேற்று இருக்கிறார்.
|
இவர்கள்தான் தமிழர்கள்
மொத்த இந்தியாவும் தமிழர்களிடம் இருந்து பாடம் கற்க வேண்டும். எப்படி ஒரு விஷயத்தை அணுக வேண்டும், எப்படி ஒன்றை டிரெண்ட் செய்ய வேண்டும் என்பதை என்று இவர் கூறியுள்ளார்.
Click it and Unblock the Notifications
Sign in with Google