Sowmiya: சவுமியா அன்புமணியின் சொத்து மதிப்பு ரூ 65.94 கோடி! 365 பவுன் தங்கம்! 26 கிலோ வெள்ளி!

சென்னை: தருமபுரி சட்டசபை தொகுதியில் போட்டியிடும் சவுமியா அன்புமணியின் சொத்து மதிப்பு விவரங்கள் வெளியாகியுள்ளன. அவர் இன்று வேட்புமனு தாக்கல் செய்த நிலையில் பிரமாண பத்திரத்தை தாக்கல் செய்திருந்தார்.

தருமபுரி தொகுதியில் அதிமுக கூட்டணியில் பாமக வேட்பாளராக சவுமியா அன்புமணி போட்டியிடுகிறார். அவர் கடந்த 2024-ஆம் ஆண்டு நடந்த மக்களவைத் தேர்தலில் தருமபுரி எம்பி தொகுதியில் போட்டியிட்டு 2ஆம் இடம் பிடித்தார்.

பாமக ராமதாஸ் அணி, அன்புமணி அணி என பிளவுப்பட்டுள்ள நிலையில் அன்புமணி அணிக்கே மாம்பழச் சின்னம் என தேர்தல் ஆணையம் தெரிவித்துள்ளது. இந்த நிலையில் மாம்பழச் சின்னத்தை அன்புமணிக்கு கொடுக்கக் கூடாது என கூறி ராமதாஸ் வழக்கு பதிந்துள்ளார்.

இந்த நிலையில் தமிழக சட்டசபை தேர்தலில் அதிமுகவுடன் அன்புமணி பாமக கூட்டணி அமைத்துள்ளது. அக்கட்சிக்கு 18 தொகுதிகள் ஒதுக்கீடு செய்யப்பட்டன. அதில் தருமபுரி தொகுதியில் சவுமியா அன்புமணி போட்டியிடுகிறார்.

இன்று வேட்புமனு தாக்கல் செய்ய கடைசி நாள் என்பதால் வேட்புமனுவை சவுமியா தாக்கல் செய்தார். அந்த மனுவுடன் சொத்து விவரம், குற்ற வழக்குகளை குறிப்பிட்டு பிரமாண பத்திரத்தை தாக்கல் செய்திருந்தார்.

அதில் சவுமியாவின் சொத்து மதிப்பு ரூ 65.94 கோடியாகும். அதில் ரூ. 17.15 கோடி அசையும் சொத்தும், ரூ 48.79 கோடி அசையா சொத்தும் இருக்கிறது.

அது போல் அவரது கணவர் அன்புமணிக்கு ரூ 1.51 கோடி அசையும் சொத்து, 6.85 லட்சம் மதிப்பில் அசையா சொத்து இருப்பதாகவும் குறிப்பட்டுள்ளது.

சவுமியா அன்புமணி பல்வேறு போராட்டங்களில் கலந்து கொண்ட போது பதிவு செய்யப்பட்ட வழக்கு விவரங்களும் அந்த பிரமாண பத்திரத்தில் குறிப்பிடப்பட்டுள்ளது.

சவுமியா கையில் 2.25 லட்சம் ரொக்கமும், கணவர் கையில் ரூ 60 ஆயிரமும் மகள் சஞ்சுத்ரா கையில் 20 ஆயிரமும் சொத்து மதிப்பு இருப்பதாக தெரிவித்துள்ளார். அது போல் ரூ.9.47 லட்சத்தில் ஹோண்டா ஜாஸ் கார், ரூ 53.59 லட்சத்தில் பென்ஸ் கார் இருப்பதாகவும் குறிப்பிடப்பட்டுள்ளது.

அது போல் வெள்ளி 26.44 கிலோ எடை கொண்டவை இருக்கின்றன. அதன் மதிப்பு ரூ 68.74 லட்சமாகும். அன்புமணியிடம் 2.50 கிலோ எடை கொண்ட ரூ 6.50 லட்சம் மதிப்பிலான வெள்ளி இருப்பதாக குறிப்பிடப்பட்டுள்ளது.

சவுமியாவிடம் 2927 கிராம் ரூ 4.26 கோடி மதிப்பிலான தங்க நகைகளும் அன்புமணியிடம் 960 கிராமில் ரூ 1.39 கோடி மதிப்பிலான தங்கம் இருப்பதாக குறிப்பிடப்பட்டுள்ளது. அது போல் 151.151 காரட் சுமார் 1.64 கோடியில் வைர நகைகள் இருப்பதாக பிரமாண பத்திரத்தில் குறிப்பிடப்பட்டுள்ளது.

English summary

Soumya Anbumani, contesting from the Dharmapuri Assembly constituency, has disclosed her asset details through an affidavit submitted along with her nomination papers. The declaration has drawn public and political attention as part of the mandatory transparency process during elections.