ஸ்ரீபெரும்பதூரில் அசராமல் அடிக்கும் திமுக.. 2-வது இடத்தில் யாரு தெரியுமா? தந்தி டிவி எக்சிட் போல்

சென்னை: ஸ்ரீபெரும்பதூர் லோக்சபா தொகுதியில் திமுகவின் டிஆர் பாலு எளிதில் வெற்றி பெற வாய்ப்புள்ளது என்றே தந்தி டிவி கருத்துக் கணிப்பு முடிவுகள் கூறுகின்றன. அதாவது திமுகவிற்கு வெற்றி வாய்ப்பு சதவிகிதம் 44 ஆக உள்ளது என்று தந்தி டிவி கருத்துக்கணிப்பில் கூறப்பட்டுள்ளது.

லோக்சபா தேர்தலுக்கான வாக்குப்பதிவு முடிந்துள்ள நிலையில் தேர்தலுக்கு பிந்தைய கருத்துக்கணிப்பு முடிவுகள் வெளியாகியுள்ளன. தமிழகத்தில் திமுக கூட்டணியே பெரும்பான்மையான இடங்க்களில் வெற்றி பெறும் என்று கணிப்புகள் கூறுகின்றன.

தமிழகத்தில் உள்ள 39 தொகுதிகளிலும் யாருக்கு வெற்றி பெற வாய்ப்புள்ளது என்ற கருத்த்துக்கணிப்புகளும் வெளியாகியுள்ளன. அந்த வகையில் தந்தி டிவி வெளியிட்ட கருத்துக்கணிப்பு முடிவுகளில் ஸ்ரீபெரும்பதூர் தொகுதியில் யாருக்கு வெற்றி வாய்ப்பு உள்ளது என்ற விவரங்கள் வெளியாகியுள்ளன.

ஸ்ரீபெரும்பதூர் தொகுதியில் திமுக சார்பில் சிட்டிங்க் எம்பியாக இருக்கும் டிஆர் பாலுவும் அதிமுகவில் பிரேம்குமாரும் போட்டியிடுகிறார்கள். பாஜக தலைமையிலான தேசிய ஜனநாயக கூட்டணியில் தமிழ் மாநில காங்கிரஸ் கட்சியும் போட்டியிடுகிறது. விஎன் வேணுகோபால் (தமாக), ரவிச்சந்திரன் ( நாம் தமிழர் கட்சி) என களத்தில் உள்ளனர். 4 முனை போட்டி நிலவுகிறது.

இந்த தொகுதியில் டிஆர் பாலு எளிதில் வெற்றி பெற வாய்ப்புள்ளது என்றே கருத்துக் கணிப்பு முடிவுகள் கூறுகின்றன. அதாவது திமுகவிற்கு வெற்றி வாய்ப்பு சதவிகிதம் 44 ஆக உள்ளது. அதிமுகவிற்கு 29 சதவிகிதமும் தமாகவிற்கு 13 சதவிகிதமும் உள்ளதாக தந்திடிவி கருத்துக்கணிப்பில் கூறப்பட்டுள்ளது.

முந்தைய தேர்தல் முடிவுகள்: ஸ்ரீபெரும்புதூர் லோக்சபா தொகுதியில் 8 முறை திமுக வென்றுள்ளது. அந்த வகையில் ஸ்ரீபெரும்பதூர் திமுக கோட்டையாக பார்க்கப்படுகிறது. 1999, 2004- ஆம் ஆண்டு நடைபெற்ற தேர்தலில் திமுகவை சேர்ந்த ஆ.கிருஷ்ணசாமி தொடர்ந்து 2 முறை வெற்றி பெற்றார். 2009-ம் ஆண்டு திமுகவை சேர்ந்த டி.ஆர்.பாலு வெற்றி பெற்றார்.

2014-ம் ஆண்டு நடைபெற்ற நாடாளுமன்ற தேர்தலில் அதிமுகவை சேர்ந்த கே.என்.ராமசந்திரன் வெற்றி பெற்றார். 2019-ம் ஆண்டு நடைபெற்ற லோக்சபா தேர்தலில் திமுகவை சேர்ந்த டி.ஆர்.பாலு வெற்றி பெற்றார்.

2004- ஆம் ஆண்டு லோக்சபா தேர்தல் முடிவுகள்:
கிருஷ்ணமூர்த்தி (திமுக)- 5,17,617
வேணுகோபால் (அதிமுக): 2,82,271

2009- தேர்தல் முடிவுகள்:
டிஆர் பாலு (திமுக): 3,52,641
பாமக; ஏகே மூர்த்தி (பாமக):3,27,605
தேமுதிக (அருண் சுப்ரமணியன்): 84,530

2014 தேர்தல் முடிவுகள்:
கேஎன். ராமச்சந்திரன் (அதிமுக); 5,45,820
ஜெகத்ரட்சகன் (திமுக); 4,43,174
மதிமுக: மாசிலாமணி: 1,87,094

2019- தேர்தல் முடிவுகள்:
டிஆர் பாலு (திமுக): 7,93,281
வைத்திலிங்க்கம் (பாமக); 2,85,326
ஸ்ரீதர் (மக்கள் நீதி மய்யம்): 1,35,525.

English summary

Sriperumbudur Lok Sabha Exit Poll Results LIVE: Thanthi TV poll results suggest that DMK's TR Balu is likely to win the Sriperumpathur Lok Sabha constituency easily. That means DMK has a 44 percent chance of winning, according to the Thanthi TV survey.