ராகுலுடன் ஸ்டாலின் தொலைபேசியில் பேச்சு- சோனியாவின் உடல்நிலை குறித்து விசாரித்தார்

Published: Monday, February 3, 2020, 14:04 [IST]

Subscribe to Oneindia Tamil

சென்னை: காங்கிரஸ் மூத்த தலைவர் ராகுல் காந்தியை தொலைபேசியில் தொடர்பு கொண்டு திமுக தலைவர் ஸ்டாலின் இன்று பேசினார். அப்போது காங்கிரஸ் இடைக்கால தலைவர் சோனியா காந்தியின் உடல்நலம் குறித்து ராகுலிடம் ஸ்டாலின் விசாரித்தார்.

காங்கிரஸ் தலைவராக சோனியா காந்தி பதவி வகித்த காலத்தில் அவருக்கு உடல்நலம் பாதிக்கப்பட்டது. இதனால் அமெரிக்காவில் அவர் சிகிச்சை மேற்கொண்டார்.

Stalin dials Rahul on Soina Gandhis health

இதனையடுத்து காங்கிரஸ் தலைவராக ராகுல் காந்தி பொறுப்பேற்றார். ஆனால் கடந்த ஆண்டு லோக்சபா தேர்தலில் காங்கிரஸ் கட்சி படுதோல்வி அடைந்தது. இதனால் ராகுல் காந்தி தமது கட்சித் தலைவர் பதவியை ராஜினாமா செய்தார்.

அப்போது சோனியா காந்தியை கங்கிரஸ் கட்சியின் இடைக்கால தலைவராக அக்கட்சியின் செயற்குழு தேர்வு செய்தது. இந்நிலையில் டெல்லி கங்கா ராம் மருத்துவமனையில் சோனியா காந்தி நேற்று இரவு அனுமதிக்கப்பட்டார்.

அவருக்கு காய்ச்சல்தான் என்றும் மருத்துவ பரிசோதனைகளுக்காக அனுமதிக்கப்பட்டிருப்பதாகவும் காங்கிரஸ் தரப்பில் தெரிவிக்கப்பட்டது. இந்நிலையில் காங்கிரஸ் மூத்த தலைவர் ராகுல் காந்தியை திமுக தலைவர் ஸ்டாலின் இன்று தொலைபேசியில் தொடர்பு கொண்டு பேசினார். அப்போது சோனியா காந்தியின் உடல்நலம் குறித்து ராகுலிடம் ஸ்டாலின் சாரித்தார்.

Published On February 3, 2020