தர்மன் சண்முகரத்னத்தால் தமிழர்களுக்கு பெருமை! சிங்கப்பூர் அதிபருக்கு முதல்வர் ஸ்டாலின் வாழ்த்து!

சென்னை: சிங்கப்பூர் அதிபராக தேர்வாகியுள்ள தமிழர் தர்மன் சண்முகரத்னத்துக்கு முதலமைச்சர் ஸ்டாலின் வாழ்த்து தெரிவித்துள்ளார்.

இது குறித்து சமூக வலைதளங்களில் அவர் விடுத்துள்ள வாழ்த்துப் பதிவு வருமாறு;

''சிங்கப்பூரின் ஒன்பதாவது அதிபராகத் தேர்ந்தெடுக்கப்பட்டுள்ள திரு. தர்மன் சண்முகரத்னம் அவர்களுக்கு வாழ்த்துகள். உங்களது தமிழ் மரபும், அசர வைக்கும் தகுதிகளும் எங்களைப் பெருமை கொள்ளச் செய்வதோடு, சிங்கப்பூரின் பன்முகத்தன்மையையும் வெளிக்காட்டுகிறது.தங்களது பதவிக்காலம் மிக வெற்றிகரமானதாக அமைந்திட விழைகிறேன்.''

''Congratulations Thiru. Tharman Shanmugaratnam on being elected as the ninth President of Singapore. Your Tamil heritage and impressive qualifications make us proud and reflect the diversity of Singapore's population. Wishing you a successful term.'' இவ்வாறு அவர் தனது பதிவில் கூறியிருக்கிறார்.

அதேபோல் தமிழ் வம்சாவளியை சேர்ந்த தர்மன் சண்முகரத்னத்துக்கு தமிழக அரசியல் கட்சித் தலைவர்கள் பலரும் தங்கள் வாழ்த்துகளை தெரிவித்த வண்ணம் உள்ளனர். தமிழ் வம்வாவளியை சேர்ந்தவர்கள் அமெரிக்கா, இங்கிலாந்து, சிங்கப்பூர், மலேசியா, பப்புவானியூகினியா என உலகின் பல நாடுகளிலும் உயர் பதவிகளை அடைந்திருப்பது குறிப்பிடத்தக்கது.

English summary

Chief Minister Stalin has congratulated Tharman Shanmugaratnam, a Tamilian who has been elected as the President of Singapore.