சிக்கிமை தொடர்ந்து தமிழக முதல்வர் செய்த காரியம்.. பிபிஇ கிட்டுடன் ஸ்டாலின்.. டிரென்டாக்கும் மக்கள்!

Updated: Monday, May 31, 2021, 10:13 [IST]

Subscribe to Oneindia Tamil

சென்னை: சிக்கிம் முதல்வருக்கு அடுத்தபடியாக பிபிஇ கிட்டுடன் முதல்வர் ஸ்டாலின், கொரோனா நோயாளிகளிடம் நலம் விசாரித்தது இன்றும் டிரென்டிங்கில் உள்ளது.

கடந்த 7 ஆம் தேதி தமிழக முதல்வராக மு.க.ஸ்டாலின் ஆட்சி பொறுப்பேற்றார். தமிழகத்தில் சட்டசபை தேர்தலில் கூட்டணிகளுக்கு சீட்டு ஒதுக்குவது முதல் வேட்பாளர் தேர்வு வரை, பதவியேற்பு முதல் அமைச்சர் பதவிக்கு தேர்வு செய்தது முதல் அனைத்து நடவடிக்கைகளையும் மிகவும் கவனத்துடனே அவர் எடுத்து வைத்து வருகிறார்.

தமிழகத்தில் கொரோனா தொற்று பாதிப்பில் சென்னைக்கு பிறகு கோவை உள்ளது. நேற்றைய தினம் அதிக தொற்றுகளுடன் இடம்பிடித்து சென்னையை பின்னுக்கு தள்ளியது கோவை.

ஆய்வு

இந்த நிலையில் கோவையில் உள்ள ஈஎஸ்ஐ மருத்துவமனையில் ஆய்வு செய்ய சென்ற ஸ்டாலின் திடீரென பிபிஇ கிட் அணிந்து கொண்டு கொரோனா வார்டில் உள்ள நோயாளிகளிடம் நலம் விசாரித்தார். அவரது வயதை சிறிதும் பொருட்படுத்தாமல் பிபிஇ கிட் அணிந்து கொண்டு சர்வ சாதாரணமாக கொரோனா வார்டு சென்றது நோயாளிகளுக்கு நம்பிக்கையை ஏற்படுத்தியுள்ளது.

டிவிட்டர்வாசிகள்

அரசு எப்போதும் மக்களின் பக்கம்தான் என்பதை நிரூபித்துள்ளது. நேற்று முதல் #WeStandWithStalin எனும் ஹேஷ்டேக் ட்விட்டரில் டிரென்டாகி வருகிறது. எந்த தலைவரும் செய்ய துணியாத காரியத்தை ஸ்டாலின் செய்துள்ளதாக டிவிட்டர்வாசிகள் கொண்டாடி வருகிறார்கள். என்னதான் சிக்கிம் முதல்வர் சனிக்கிழமை அன்று பிபிஇ கிட்டுடன் கொரோனா வார்டுக்கு சென்றாலும் அங்கு கேஸ்கள் குறைவாகவே உள்ளதாலும் ஆனால் தமிழகத்தில் ஸ்டாலின் சென்ற கோவை மாவட்டத்தில் கேஸ்கள் அதிகரித்து வருவதாலும் ஸ்டாலினை கொண்டாடுகிறார்கள்.

கவலை

அதே நேரம் அவரது வயதை கருத்தில் கொண்டு கவலையும் தெரிவித்து வருகிறார்கள். இவரை போல் ஓர் முதல்வரை தமிழகம் இதுவரை கண்டதில்லை. கொரோனா வார்டுக்குள் செல்ல வேண்டாம் என அக்கறை மிகுந்த அறிவுரைகள் சொல்லப்பட்டாலும் தம் உயிரையும் பணயம் வைத்து போராடும் மருத்துவர்களுக்கு நம்பிக்கை அளிக்கவே சென்றார்.