சன் டிவியில் சுந்தர் சி படமே இனி போட மாட்டாங்க.. அப்படியே ராகவா லாரன்ஸையும்.. நெட்டிசன் பங்கம்
சென்னை: இயக்குனுர் சுந்தர் சி அதிமுக தலைமையிலான தேசிய ஜனநாயகக் கூட்டணியில் இடம் பெற்றுள்ள புதிய நீதிக்கட்சி சார்பில் மதுரை மத்தி தொகுதியில் இயக்குநர் சுந்தர் சி போட்டியிட உள்ளார். சுந்தர் சி படத்தில் நடிக்க உள்ளதால் இனி அவரது அரண்மனை திரைப்படங்களை சன்டிவியில் போட முடியாது.. அப்படியே ராகவா லாரன்ஸையும் இழுத்துவிட்டால், புண்ணியமாக போகும் என்று பேய் படங்களால் பாதிக்கப்பட்டவர்கள் கிண்டல் செய்து மீம்ஸ் போட்டிருக்கிறார்கள்.
இயக்குநரும், நடிகருமான சுந்தர்.சி, புதிய நீதிக் கட்சி சார்பில் மதுரை தொகுதியில் வேட்பாளராகக் களம் இறங்குகிறார் என்று ஏசி சண்முகம் அறிவித்துள்ளார். தேசிய ஜனநாயகக் கூட்டணியின் அங்கமாக, அதிமுகவின் 'இரட்டை இலை' சின்னத்தில் சுந்தர் சி போட்டியிடுகிறார். அதுவும் யாரை எதிர்த்து களம் காண்கிறார் தெரியுமா? மதுரை மத்திய தொகுதியில், தி.மு.க-வின் முக்கிய தலைவர்களில் ஒருவரும் அமைச்சருமான பி.டி.ஆர். பழனிவேல் தியாகராஜனை எதிர்த்து களம் இறங்குகிறார்.
அரண்மணை 3, அரண்மணை படத்தை புதிய நீதிக்கட்சி தலைவர் ஏ.சி.சண்முகத்தின் தயாரிப்பு நிறுவனம் தயாரித்துள்ளது. அதேபோல் புதிய படங்களான மூக்குத்தி அம்மன் 2, புருஷன் போன்றவற்றை புதியநீதி கட்சி தலைவர் ஏசி சண்முகம் தான் தயாரிக்கிறார்.. இந்த சூழலில் தான் திடீரென வேட்பாளராக சுந்தர் சி களம் இறங்கி இருப்பது பரபரப்பை ஏற்படுத்தி உள்ளது. பாஜக துணை தலைவர் குஷ்புவின் கணவரான சுந்தர் சி வேட்பாளராக ஆகி இருப்பது ஆச்சரியமாக பார்க்கப்படுகிறது.
சன் டிவி சுந்தர் சி
இதனிடைய இந்தச் செய்தியை வைத்து, சுந்தர் சி-யின் 'அரண்மனை' பட வரிசைகளால் பாதிக்கப்பட்ட நெட்டிசன்கள் செம ஜாலியான மீம்ஸ்களை வெளியிட்டு வருகிறார்கள். "இனிமேல் சுந்தர் சி படங்களை சன் டிவியில் போட முடியாது" என்பதுதான் சமூக வலைதளங்களின் டாப் கமெண்ட். அவர் வேட்பாளராக அறிவிக்கப்பட்டு விட்டால், தேர்தல் நடத்தை விதிகளின்படி அவரது படங்களைத் தொலைக்காட்சிகளில் ஒளிபரப்ப இயலாது. இதைச் சுட்டிக்காட்டி, "அப்பாடா.. கொஞ்ச நாளைக்காவது அந்த அரண்மனை பேய் கிட்ட இருந்து தப்பிச்சோம்" எனப் பதிவிட்டு வருகிறார்கள். ஏனெனில் அடிக்கடி சன்டிவியில் அரண்மனை பேய் படங்கள்தான் ஓடும். இனி தேர்தல் முடிவு வரும் வரை போட முடியாது.
ராகவா லாரன்ஸுக்கும் அழைப்பு
சுந்தர் சி-யைத் தொடர்ந்து, 'காஞ்சனா' பட வரிசைகளை எடுத்து வரும் ராகவா லாரன்ஸையும் யாராவது ஏதாவது ஒரு கூட்டணியில் இழுத்து வேட்பாளராக அறிவித்துவிட்டால், ஒட்டுமொத்தமாகப் பேய் படங்களின் தொல்லை தீரும் எனப் பேய் படங்களால் 'பாதிக்கப்பட்டவர் ' கிண்டலாகக் கோரிக்கை வைத்து மீம்ஸ் போட்டிருக்கிறார். "தேர்தல் பிரசாரத்திற்குச் செல்லும் இடங்களில் எல்லாம் 'அரண்மனை 5' கதையைச் சொல்லி ஓட்டு கேட்பாரோ?" என்று கிண்டல் செய்து வருகிறார்கள்.
Click it and Unblock the Notifications
Sign in with Google