சென்னை உயர்நீதிமன்ற தலைமை நீதிபதியாக கங்காபூர்வாலாவை பரிந்துரைத்த கொலிஜியம்.. யார் இவர்?

சென்னை: சென்னை உயர்நீதிமன்றத்தின் தலைமை நீதிபதியாக காங்காபூர்வாலாவை நியமிக்க உச்சநீதிமன்ற கொலிஜியம் பரிந்துரைத்துள்ளது. யார் இவர்? என்பது பற்றிய தகவலும், அதேநேரத்தில் சென்னை உயர்நீதிமன்றத்தின் பொறுப்பு தலைமை நீதிபதியாக செயல்பட்ட டி ராஜா ராஜஸ்தானுக்கும் மாற்ற பரிந்துரைக்கப்பட்டுள்ள விபரம் வெளியாகி உள்ளது.

இந்தியாவில் உயர்நீதிமன்றம் நீதிபதிகளை நியமிப்பதற்கான பரிந்துரைகளை உச்சநீதிமன்றத்தின் கொலிஜியம் மேற்கொண்டு வருகிறது. தற்போது இந்த கொலிஜியம் உச்சநீதிமன்ற தலைமை நீதிபதி டிஒய் சந்திரசூட், நீதிபதிகளான சஞ்சய் கிஷன் கவுல், எம் ஜோசப், எம்ஆர் ஷா மற்றும் அஜய் ரஷ்டோகி ஆகியோருடன் செயல்பட்டு வருகிறது.

சென்னை உயர்நீதிமன்றத்தின் தலைமை நீதிபதியாக முனீஸ்வர்நாத் பண்டாரி இருந்தார். இவர் கடந்த ஆண்டு செப்டம்பர் மாதம் ஓய்வு பெற்றார். இதையடுத்து புதிதாக தலைமை நீதிபதி நியமனம் செய்யப்படவில்லை. இதனால் பொறுப்பு தலைமை நீதிபதியாக துரைசாமி செயல்பட்டு வந்தார். இவரும் ஓய்வு பெற்றதை தொடர்ந்து டி ராஜா பொறுப்பு தலைமை நீதிபதியாக பணியாற்றிவார். இவர் விரைவில் ஓய்வு பெற உள்ளார். அதாவது வரும் மே மாதம் இவர் ஓய்வு பெற உள்ளார்.

இதனால் சென்னை உயர்நீதிமன்றத்துக்க தலைமை நீதிபதி நியமனம் என்பது அவசியமானது. இந்நிலையில் தான் ஒடிசா தலைமை நீதிபதி முரளிதரை, சென்னை உயர்நீதிமன்றத்துக்கு மாற்றப்படலாம் என்ற தகவல் வெளியானது. இந்நிலையில் தான் சென்னை உயர்நீதிமன்ற தலைமை நீதிபதியாக எஸ்வி கங்காபூர்வாலாவை நியமிக்க பரிந்துரை செய்து உச்சநீதிமன்ற கொலிஜியம் இன்று பரிந்துரை செய்துள்ளது.

சென்னை உயர்நீதிமன்ற நீதிபதியாக பரிந்துரைக்கப்பட்டள்ள எஸ்வி கங்காபூர்வாலா தற்போது மும்பை உயர்நீதிமன்றத்தில் பொறுப்பு தலைமை நீதிபதியாக செயல்பட்டு வருகிறார். இந்த பரிந்துரையின்போது சென்னை உயர்நீதிமன்றத்துக்கு கட்டாயம் தலைமை நீதிபதி தேவை என்பது தெரிவிக்கப்பட்டுள்ளது.

மேலும் சென்னை உயர்நீதிமன்ற பொறுப்பு தலைமை நீதிபதியாக உள்ள டி ராஜாவை ராஜஸ்தானுக்கு மாற்றவும் கொலிஜியம் பரிந்துரைத்துள்ளது. ஓய்வு காலத்தை குறிப்பிட்டு பணி மாற்றத்தை மறுபரிசீலனை செய்ய ஏற்கனவே டி ராஜா கோரிக்கை வைத்த நிலையில் அது நிராகரிக்கப்பட்டுள்ளது என்பது குறிப்பிடத்தக்கது.

English summary

The Supreme Court collegium has recommended the appointment of Kangapoorwala as the Chief Justice of the Madras High Court. who is he? At the same time, D Raja, who served as the Chief Justice of the Madras High Court, has been recommended to be transferred to Rajasthan.