'உங்களில் ஒருவன்' படித்து பாராட்டிய 'சூப்பர் ஸ்டார்' ரஜினிகாந்த்.. நன்றி கூறிய முதல்வர் ஸ்டாலின்..!

சென்னை : 'உங்களில் ஒருவன்' படித்துவிட்டு, தொலைபேசியில் பாராட்டிய நண்பர் 'சூப்பர் ஸ்டார்' ரஜினிகாந்துக்கு நன்றி என தமிழக முதல்வர் ஸ்டாலின் தனது ட்விட்டர் பக்கத்தில் பதிவிட்டுள்ளார்.

தமிழக முதல்வர் மு.க.ஸ்டாலின் தனது வாழ்க்கை அனுபவங்கள் அடங்கிய 'உங்களில் ஒருவன்' (பாகம் -1) என்ற சுயசரிதையை எழுதியுள்ளார்.

இதில், அவரது பள்ளி- கல்லூரி காலங்கள், இளமை பருவம், ஆரம்ப நிலை அரசியல் பங்களிப்பு, திருமண வாழ்க்கை, மிசா போராட்டம் என 1976ஆம் ஆண்டு வரை உள்ள 23 ஆண்டு கால நினைவுகளை பதிவு செய்துள்ளார்.

உங்களில் ஒருவன் நூல்

கடந்த சில நாட்களுக்கு முன்பு சென்னை - நந்தம்பாக்கத்தில் உள்ள 'சென்னை வர்த்தக மைய கூட்டரங்கில் இன்று உங்களில் ஒருவன் நூல் வெளியீட்டு விழா நடைபெற்றது. அகில இந்திய காங்கிரஸ் கமிட்டியின் முன்னாள் தலைவர் ராகுல் காந்தி எம்.பி. இந்த விழாவில் சிறப்பு விருந்தினராக கலந்துகொண்டு புத்தகத்தை வெளியிட்டார்.

முதல்வர் ஸ்டாலின்

இந்த நிகழ்ச்சியில் கேரள முதலமைச்சர் பினராயி விஜயன், ஜம்மு - காஷ்மீர் முன்னாள் முதலமைச்சர் உமர் அப்துல்லா, பீகார் மாநில எதிர்க்கட்சித் தலைவர் தேஜஸ்வி யாதவ், கவிஞர் வைரமுத்து, நடிகர் சத்யராஜ் உள்ளிட்ட இந்தியாவின் பல்வேறு பகுதிகளில் இருந்து பல அரசியல் கட்சி தலைவர்கள், பிரபலங்கள் கலந்து கொண்டு வாழ்த்துரை வழங்கினார்கள். முதல்வர் மு.க ஸ்டாலின் விழாவில் ஏற்புரை நிகழ்த்தினார்.

சூப்பர் ஸ்டார் ரஜினிகாந்த்

இந்நிலையில் முதல்வர் ஸ்டாலின் எழுதிய உங்களில் ஒருவன் புத்தகம் திமுக தலைவர் ஸ்டாலின் சார்பில் பிரபல நடிகர் சூப்பர் ஸ்டார் ரஜினிகாந்துக்கு அனுப்பி வைக்கப்பட்டது. பல பணிகளுக்கு இடையேயும் ரஜினிகாந்த இந்த புத்தகத்தை முழுமையாக படித்து முடித்ததோடு, முதல்வர் ஸ்டாலினை தொடர்பு கொண்டு புத்தகம் மிகச் சிறப்பாக வந்திருப்பதாக பாராட்டியுள்ளார்.

தொலைபேசியில் பாராட்டு

இந்நிலையில் 'உங்களில் ஒருவன்' படித்துவிட்டு, தொலைபேசியில் பாராட்டிய நண்பர் 'சூப்பர் ஸ்டார்' ரஜினிகாந்துக்கு நன்றி என தமிழக முதல்வர் ஸ்டாலின் தனது ட்விட்டர் பக்கத்தில் பதிவிட்டுள்ளார். இதுகுறித்து பதிவிட்டுள்ள முதல்வர் ஸ்டாலின், " 'உங்களில் ஒருவன்' படித்துவிட்டு, தொலைபேசியில் பாராட்டிய நண்பர் 'சூப்பர் ஸ்டார்' @rajinikanth அவர்களுக்கு நன்றி! உங்களது வாழ்த்தின் ஒவ்வொரு சொல்லும் எனக்கு மகிழ்ச்சியை மட்டுமல்ல; இன்னும் இன்னும் இந்த நாட்டு மக்களுக்காக உழைத்துக் கொண்டே இருக்க வேண்டும் என்ற ஊக்கத்தை அளிக்கிறது!" என பதிவிட்டுள்ளார்.

English summary

After reading 'ungalil oruvan', Tamil Nadu Chief Minister Stalin posted on his Twitter page thanking his friend 'Superstar' Rajinikanth for praising him on the phone.