பிளஸ் 2 மாணவர்கள் கவனத்திற்கு.. வேதியியல் பாடத்திற்கு போனஸ் மதிப்பெண்கள் அறிவிப்பு!
சென்னை: பிளஸ் 2 பொதுத்தேர்வில் வேதியியல் வினாத்தாள் தொடர்பாகப் புகாரை வந்த நிலையில், போனஸ் மதிப்பெண்கள் குறித்த அறிவிப்பு வெளியிடப்பட்டுள்ளது.
கொரோனா பரவல் காரணமாகக் கடந்த 2020 முதலே ஆன்லைன் வாயிலாகவே பாடங்கள் நடத்தப்பட்டு வந்தது.
வைரஸ் பாதிப்பு குறைந்துள்ள நிலையில், இந்தாண்டு தான் நேரடி வகுப்புகளும் தொடங்கப்பட்டது. அதேபோல இந்த ஆண்டு மாநிலத்தில் 10, 11, 12ஆம் வகுப்பு மாணவர்களுக்குப் பொதுத்தேர்வும் நடைபெறுகிறது.
தமிழகத்தில் +2 மாணவர்களுக்கு மே 5 முதல் மே 28 வரை பொதுத்தேர்வு நடைபெற்றது. தமிழகம் மற்றும் புதுச்சேரியில், மொத்தம் 8.37 லட்சம் மாணவ, மாணவிகள் +2 பொதுத்தேர்வை எழுதினர்.
இதில் வேதியியல் வினாத்தாளில் சில கேள்விகள் தவறாக இருந்ததாக மாணவர்களும் ஆசிரியர்களும் தெரிவித்தனர். இந்தச் சூழலில் இரு கேள்விகளுக்கு போனஸ் மதிப்பெண்களை அரசு தேர்வுகள் இயக்கம் அறிவித்துள்ளது.
அதன்படி, பகுதி 1-ல் கேள்வி எண் 9 அல்லது கேள்வி எண் 5-ஐ எழுதிய மாணவர்களுக்கும் , பகுதி 2-ல் கேள்வி எண் 29-ஐ எழுதிய மாணவர்களுக்கும் முழு மதிப்பெண்கள் வழங்கப்படும் என்று அரசுத் தேர்வுகள் இயக்ககம் அறிவித்துள்ளது.
வினா எண் தவறாக இருந்ததாக எழுந்த புகார் எழுந்த நிலையில், அரசு தேர்வுகள் இயக்ககம் இந்த அறிவிப்பை வெளியிட்டுள்ளது.
Click it and Unblock the Notifications
Sign in with Google