Tamil Nadu Budget 2026 Live: மகளிர் குழுக்களுக்கு.. தங்கம் தென்னரசு சர்ப்ரைஸ்

Updated: Tuesday, February 17, 2026, 12:12 [IST]

Subscribe to Oneindia Tamil

சென்னை: தமிழக சட்டப்பேரவையில் இன்று 2026-2027 ஆம் ஆண்டுக்கான இடைக்கால பட்ஜெட்டை நிதி அமைச்சர் தங்கம் தென்னரசு தாக்கல் செய்தார். நிதித்துறை அமைச்சர் தங்கம் தென்னரசு பட்ஜெட் உரையை வாசித்து வருகிறார். சட்டமன்ற தேர்தல் நடைபெற்று வரும் மே மாதம் புதிய அரசு தேர்வு செய்யப்பட இருக்கிறது. ஆகவே, இந்த கூட்டத் தொடரில் இடைக்கால பட்ஜெட் தாக்கல் செய்யப்பட்டு, ஏற்கனவே அறி விக்கப்பட்டுள்ள திட்டங்களுக்கு நிதி ஒதுக்கப்படும்.

தேர்தலுக்கு பிறகு மே மாதத்தில் அமையும் புதிய அரசு, முழு பட்ஜெட்டை தாக்கல் செய்யும்.இது இடைக்கால பட்ஜெட் என்றாலும் இந்த பட்ஜெட் மீது பெரும் எதிர்பார்ப்புகள் ஏற்பட்டுள்ளன.

Tamil Nadu Budget 2026 Interim Budget Thangam Thennarasu 2026

Feb 17, 2026, 12:40 pm IST

* மதிப்பு கூட்டு பொருட்களுக்காக ரூ.50 கோடி ஒதுக்கீடு செய்யப்பட்டுள்ளது. * சோழவந்தான் வெற்றிலை, பண்ருட்டி பலாப்பழம் உள்ளிட்ட 9 பொருட்களுக்கு புவிசார் குறியீடு. * 496 பட்டதாரி இளைஞர்கள், வேளாண் சார்ந்த தொழில்கள் தொடங்க மானியம் வழங்கப்பட்டுள்ளது. 20 லட்சம் ஏக்கர் பரப்பளவில் சிறுதானியங்கள் சாகுபடி செய்யப்பட்டுள்ளன

Feb 17, 2026, 12:38 pm IST

186 லட்சம் மெட்ரிக் டன் நெல் கொள்முதல்

* விவசாயிகளிடம் 5 ஆண்டுகளில் 186 லட்சம் மெட்ரிக் டன் நெல் கொள்முதல் செய்யப்பட்டுள்ளது. ரூ.175 கோடி செலவில் 3.4 லட்சம் மெட்ரிக் டன் கொள்ளளவில் வெங்காய சேமிப்பு கிடங்குகள் அமைக்கப்பட்டுள்ளன.

* இலவச தென்னங்கன்று வழங்க ரூ.78.42 கோடி ஒதுக்கீடு செய்யப்பட்டுள்ளது. ஆதி திராவிட விவசாயிகளுக்கு ரூ.62 கோடியில் திட்டங்கள். அரசின் திட்டங்களால் 17,035 ஆதி திராவிட விவசாயிகள் பயனடைந்துள்ளனர்.

* 15 புதிய உழவர் சந்தைகள் அமைக்கப்பட்டுள்ளன. ரூ.27 கோடியில் குளிர்பதன கிடங்குகள் அமைக்கப்பட்டுள்ளன.

Feb 17, 2026, 12:37 pm IST

கலைஞர் வேளாண் வளர்ச்சித் திட்டம்

* அனைத்து கிராமங்களிலும் வேளாண் வளர்ச்சி அடையும் விதமாக, கலைஞர் வேளாண் வளர்ச்சித் திட்டம் செயல்படுத்தப்பட்டு இருக்கிறது. இதன்படி 10,000 சிறுபாசன குளங்கள் மேம்படுத்தப்பட்டுள்ளன. விரைவில் வேளாண் காடுகள் கொள்கை வெளியிடப்பட இருக்கிறது.

Feb 17, 2026, 12:36 pm IST

ரூ.20 ஆயிரம் கோடி நிவாரணம்

* பயிர் சேதங்களுக்கு ரூ.20 ஆயிரம் கோடி நிவாரணம் வழங்கப்பட்டு இருக்கிறது. பயிர் சேத நிவாரணத்தால் 25 லட்சம் விவசாயிகள் பயனடைந்துள்ளனர் - அமைச்சர் பன்னீர்செல்வம்

Feb 17, 2026, 10:40 am IST

மக்கள் நல்வாழ்வு துறைக்கு ரூ.22,090 கோடி ஒதுக்கீடு செய்யப்பட்டுள்ளதாக அமைச்சர் தங்கம் தென்னரசு அறிவிப்பு

Feb 17, 2026, 10:39 am IST

ரூ.500 கோடி மதிப்பீட்டில் தமிழ்நாடு செமிகண்டக்டர் இயக்கம் நடைமுறைப்படுத்தப்படும்- தங்கம் தென்னரசு

தரமணியில் மேம்பட்ட செமிகண்டக்டர் தொழில்நுட்ப மையம் அமைக்கப்படுகிறது- தங்கம் தென்னரசு

Feb 17, 2026, 10:20 am IST

8 லட்சம் வீடுகள் இலக்கு

கலைஞர் கனவு இல்லம் திட்டத்தின் கீழ் கூடுதலாக ஒரு லட்சம் வீடுகள் கட்டி தரப்படும். தற்போது வரை 1.71 லட்சம் கான்கிரீட் வீடுகள் கட்டப்பட்டுள்ளன. அடுத்த 2030 ஆண்டுக்குள் 8 லட்சம் கான்கிரீட் வீடுகள் கட்டுவதற்கு இலக்கு நிர்ணயிக்கப்பட்டுள்ளது.

Feb 17, 2026, 10:10 am IST

மாற்றுத் திறனாளிகள்,கனவரால் கைவிடப்பட்டோர், முதியோர் உதவித் தொகைக்காக ரூ.5,463 கோடி ஒதுக்கீடு

தமிழ்ப் புதல்வன் திட்டத்தின் மூலம் இதுவரை 5,40,511 மாணவர்கள் ரூ.1000 பெறுகிறார்கள்

புதுமைப்பெண் திட்டத்தில் 6,95,296 மாணவிகள் பயனடைந்து வருகிறார்கள்

தமிழகத்தில் கடந்த 5 ஆண்டுகளில் 38 கலை மற்றும் அறிவியல் கல்லூரிகள் அமைக்கப்பட்டுள்ளன

உயர் கல்வித் துறைக்கு ரூ.8,505 கோடி ஒதுக்கீடு செய்யப்பட்டுள்ளது - தங்கம் தென்னரசு

Feb 17, 2026, 10:04 am IST

ரூ.902 கோடியில் நெல்லை, கோவை, திருச்சியில் நவீன நூலகங்கள் அமைக்கப்பட்டு வருகின்றன - தங்கம் தென்னரசு

பள்ளிக் கல்வித்துறைக்கு ரூ.48,534 கோடிக்கு நிதி ஒதுக்கீடு செய்யப்பட்டுள்ளது - தங்கம் தென்னரசு

Feb 17, 2026, 9:53 am IST

விடியல் பயணத் திட்டத்தின் மூலமாக பெண்கள் 881 கோடி முறை அரசு பேருந்துகளில் பயணம் செய்துள்ளனர். பெண்களின் வளர்ச்சி திட்டங்களில் தமிழ்நாடு முன்னணியில் உள்ளது.

Feb 17, 2026, 9:53 am IST

அரசு மருத்துவமனையில் பாதுகாப்பான பிரசவத்தில் இந்தியாவிலேயே தமிழகம் முதலிடம். பிரசவத்தின் போது உயிரிழப்பு தேசிய சராசரியை விட தமிழ்நாட்டில் மிகவும் குறைவாக உள்ளது.

Feb 17, 2026, 9:49 am IST

சோழர் அருங்காட்சியம், நவாய் அருங்காட்சியம், நொய்யல் அருங்காட்சியம் என மொத்தம் ரூ.285 கோடியில் அருங்காட்சியங்கள் அமைக்கப்பட்டு வருகின்றன. உலகத் தரத்தில் கீழடி மற்றும் பொருநை அருங்காட்சியம் திறந்து வைக்கப்பட்டு பெரிய வரவேற்றை பெற்றுள்ளது.

Feb 17, 2026, 9:49 am IST

தமிழகத்தில் 10,649 புதிய வீடுகள் கட்டித் தரப்படும் - தங்கம் தென்னரசு

இலங்கை தமிழர்களுக்கு ரூ.630 கோடியில் புதிய வீடுகள் - நிதி அமைச்சர் தங்கம் தென்னரசு

Feb 17, 2026, 9:49 am IST

மகளிர் சுய உதவி குழுக்களுக்கு அதிக நிதி ஒதுக்கப்பட்டுள்ளது - அமைச்சர் தங்கம் தென்னரசு

புதிய அருங்காட்சியகங்கள் ரூ.285 கோடி மதிப்பில் அமைக்கப்பட உள்ளன - அமைச்சர் தங்கம் தென்னரசு

தமிழக சட்டப்பேரவையில் இடைக்கால பட்ஜெட்டை நிதி அமைச்சர் தங்கம் தென்னரசு வாசித்து வருகிறார்

Feb 17, 2026, 9:45 am IST

நாட்டின் இரண்டாவது பெரிய பொருளாதார மாநிலமாக தமிழ்நாடு உள்ளது - தங்கம் தென்னரசு

இரட்டை இலக்க பொருளாதார இலக்கை அடைய பல திட்டங்களை செயல்படுத்திய முதல்வர் ஸ்டாலினுக்கு நன்றி - தங்கம் தென்னரசு

9:45 AM, 17 Feb

9:49 AM, 17 Feb