ஆம்னி பஸ்களை தூக்கி சாப்பிடும் அரசு வால்வோ பஸ்கள்! எந்த ரூட்களில் இயக்கப்படும்.. டிக்கெட் எவ்வளவு!

Updated: Wednesday, December 24, 2025, 19:14 [IST]

Subscribe to Oneindia Tamil

சென்னை: அரசு விரைவு போக்குவரத்து கழகத்திற்காக 20 மல்டி ஆக்சில் பேருந்துகள் வாங்கப்பட்டுள்ளன. இந்த பேருந்துகள் மாநிலம் முழுக்க பல்வேறு ரூட்களில் இயக்கப்பட உள்ளது. இந்தப் பேருந்துகளின் சேவையை முதல்வர் ஸ்டாலின் தொடங்கி வைத்தார். இதற்கிடையே இந்த 20 பேருந்துகள் எந்த ரூட்டில் இயக்கப்படும்.. இதற்கான கட்டணம் என்ன என்பது குறித்த விவரங்கள் வெளியாகியுள்ளன.

தமிழ்நாட்டைப் பொறுத்தவரை மற்ற எந்தவொரு மாநிலத்தைக் காட்டிலும் விரிவான ஒரு பேருந்து சேவையைக் கொண்ட மாநிலமான இருக்கிறது. தமிழகத்தில் பெரும்பாலான பகுதிகளில் ஓவர்நைட்டில் சென்னைக்குச் சென்று சேரும் அளவுக்கு ஒரு விரிவான பேருந்து சேவை இருக்கிறது. இதுபோன்ற நீண்ட தூரப் பேருந்து சேவையை SETC இயக்கி வருகிறது.

Tamil Nadu Launches 20 Volvo Luxury AC Buses Full Fare Details from Chennai to Key Destinations

பேருந்துகள்

இந்த அரசு விரைவுப் போக்குவரத்துக் கழகத்திற்குப் புதிதாக 20 மல்டி ஆக்சில் பேருந்துகள் வாங்கப்பட்டுள்ளன. ஏசி வசதி கொண்ட இந்த பேருந்துகள் பொதுமக்களின் பேருந்து அனுபவத்தை மொத்தமாகப் புரட்டிப் போடும் என்பதில் சந்தேகம் இல்லை. இந்த பேருந்து சேவையை முதல்வர் மு.க. ஸ்டாலின் இன்று தொடக்கி வைத்தார். இதற்கிடையே இந்த பேருந்துகள் எந்த வழித்தடங்களில் இயக்கப்படும்... இதற்கான கட்டணம் எவ்வளவு என்பது குறித்த விவரங்கள் இப்போது வெளியாகியுள்ளது.

அதிகபட்சம்

அதிகபட்சமாக சென்னையில் இருந்து நாகர்கோவிலுக்கு ரூ.1,275 கட்டணம் வசூலிக்கப்படும் என்றும் இந்த ரூட்டில் 2 பேருந்துகள் இயக்கப்படும் என்றும் அறிவிக்கப்பட்டுள்ளது. அதேபோல சொன்னை டூ திருச்செந்தூருக்கு ரூ.1170 கட்டணமாக நிர்ணயம் செய்யப்பட்டுள்ளது. சென்னையில் இருந்து நெல்லை வரை ரூ.1054 கட்டணமாக நிர்ணயம் செய்யப்பட்டுள்ளது. இந்த ரூட்களிலும் தலா இரண்டு பேருந்துகள் இயக்கப்படும் என அறிவிக்கப்பட்டுள்ளது.

குறைந்தபட்சமாக என்றால் சென்னை டூ சேலம் ரூ.600 நிர்ணயம் செய்யப்பட்டுள்ளது. இந்த ரூட்டில் ஒரு பேருந்து மட்டுமே இயக்கப்படுகிறது. அதேபோல சென்னை டூ திருச்சி (2 பேருந்துகள்) ரூ.625 மற்றும் சென்னை டூ தஞ்சை (ஒரு பேருந்து) ரூ.700 நிர்ணயம் செய்யப்பட்டுள்ளது. இந்த வால்வோ பேருந்துகள் இயக்கப்படும் ரூட் மற்றும் கட்டணங்கள் குறித்த முழு விவரம்

கட்டண விவரம்

சென்னை TO மதுரை (2 பேருந்துகள்)- ₹845
சென்னை TO திருநெல்வேலி (2 பேருந்துகள்)- ₹1,054
சென்னை TO திருச்செந்தூர் (2 பேருந்துகள்)-₹1,170
சென்னை TO தஞ்சாவூர் (1 பேருந்து)- ₹700
சென்னை TO சேலம் (1 பேருந்து) - ₹600
சென்னை TO திருப்பூர் (2 பேருந்துகள்)- ₹860
சென்னை TO பெங்களூர் (2 பேருந்துகள்)- ரூ.735
சென்னை TO திருச்சி (2 பேருந்துகள்)- ₹625
சென்னை TO கோவை (2 பேருந்துகள்)- ரூ.935
கோவை TO பெங்களூர் (2 பேருந்துகள்)- ரூ.770
சென்னை TO நாகர்கோவில் (2 பேருந்துகள்)- ரூ. 1,275

நோட் பண்ணுங்க

சென்னையில் இருந்து இயக்கப்படும் பேருந்துகள் கிளாம்பாக்கம் பேருந்து நிலையத்தில் இருந்தே இயக்கப்படுகிறது. மேலும், சென்னை செல்லும் பேருந்துகளும் கிளாம்பாக்கம் வரை மட்டுமே செல்கிறது.

முழுக்க முழுக்க குளிர்சாதன வசதியுடன் இருக்கும் இந்தப் பேருந்துகளுக்குக் கிலோமீட்டருக்கு ரூ.1.70 கட்டணமாக நிர்ணயம் செய்யப்பட்டுள்ளது. அதன்படி எத்தனை கிமீ தூரத்திற்கு இயக்கப்படுகிறதோ.. அதற்கேற்பக் கட்டணம் நிர்ணயம் செய்யப்பட்டுள்ளது. இவை மற்ற அரசு சொகுசு பேருந்துகளை விட சற்று அதிகம் போலத் தோன்றினாலும், உண்மையில் இது தனியார் மல்டி ஆக்சில் பேருந்துகளை விடக் குறைவு என்றே பயணிகள் சொல்கிறார்கள்.