தமிழகத்தில் இருந்து இலங்கைக்கு நாளை முதல் கப்பல் போக்குவரத்து- 2 மணிநேர பயணம்- ரூ.5,000 கட்டணம்!

சென்னை: தமிழ்நாட்டின் நாகப்பட்டினம் துறைமுகத்தில் இருந்து இலங்கையின் யாழ்ப்பாணம் காங்கேசன்துறை துறைமுகத்துக்கு நாளை முதல் கப்பல் போக்குவரத்து இயக்கப்படுவது உறுதியாகி உள்ளது. நாகப்பட்டினத்தில் இருந்து காலை 10 மணிக்கு புறப்படும் பயணிகள் கப்பல் பிற்பகல் 2 மணிக்கு காங்கேசன்துறை துறைமுகத்தை சென்றடையும். நாகப்பட்டினத்தில் இருந்து காங்கேசன்துறை துறைமுகம் செல்வதற்காக ஒருவழிப் பயண எக்கானமி கட்டணம் ரூ. 4,997; பிரீமியம் எக்கானமி கட்டணம் ரூ.7,500 என நிர்ணயிக்கப்பட்டுள்ளன.

தமிழ்நாட்டுக்கும் இலங்கைக்கும் இடையேயான கப்பல் போக்குவரத்து பல முறை மேற்கொள்ளப்பட்டன. ஆனால் இந்த கப்பல் போக்குவரத்து பல்வேறு காரணங்களால் அவ்வப்போது நிறுத்தப்பட்டு விடுவது வழக்கமாகிவிட்டது.

இந்த நிலையில் நாகப்பட்டினம் - யாழ்ப்பாணம் காங்கேசன்துறை துறைமுகம் இடையே மீண்டும் கப்பல் போக்குவரத்து தொடங்கப்படும் என அறிவிக்கப்பட்டது. இதற்காக அந்தமானில் இருந்து சிவகங்கை என்ற கப்பல் வரவழைக்கப்பட்டு சோதனை ஓட்டமும் மேற்கொள்ளப்பட்டது. மேலும் ஆகஸ்ட் 16-ந் தேதி முதல் கப்பல் போக்குவரத்து தொடங்கும் என அறிவிக்கப்பட்டது. ஆனால் திடீரென இந்த அறிவிப்பில் குழப்பம் ஏற்பட்டது.

இந்த நிலையில் ஆகஸ்ட் 16-ந் தேதி -நாளை காலை 10 மணிக்கு நாகப்பட்டினம் துறைமுகத்தில் இருந்து யாழ்ப்பாணம் காங்கேசன்துறை துறைமுகத்துக்கு பயணிகள் கப்பல் புறப்படும் என அதிகாரப்பூர்வமாக அறிவிக்கப்பட்டுள்ளது. நாகப்பட்டினத்தில் இருந்து காலை 10 மணிக்கு புறப்படும் இந்த கப்பல் பிற்பகல் 2 மணிக்கு யாழ்ப்பாணம் காங்கேசன்துறை துறைமுகத்தை சென்றடையும். ஒருவழிப் பயண கட்டணமாக எக்கானமி பிரிவில் ரூ.5,000; பிரீமியர் எக்கானமி பிரிவில் ரூ. 7,500 கட்டணம் நிர்ணயிக்கப்பட்டுள்ளது.

இதனையடுத்து நாளை மறுநாள் யாழ்ப்பாணம் காங்கேசன்துறை துறைமுகத்தில் இருந்து காலை 10 மணிக்கு புறப்பட்டு பிற்பகல் 2 மணிக்கு நாகப்பட்டினத்தை பயணிகள் கப்பல் வந்தடையும்.

இதன் பின்னர் ஆகஸ்ட் 18-ந் தேதி முதல் நாள்தோறும் நாகப்பட்டினத்தில் இருந்து காலை 8 மணிக்கு புறப்படும் இந்த கப்பல் பகல் 12 மணிக்கு இலங்கையை சென்றடையும். பின்னர் இலங்கையில் இருந்து பிற்பகல் 2 மணிக்கு புறப்பட்டு மாலை 6 மணிக்கு நாகப்பட்டினத்தை வந்தடையும்.

இலங்கைப் பயணம் மேற்கோள்வதற்காக www.sailindsri.com என்ற இணையதளத்தில் முன்பதிவு செய்யப்படுகிறது.

English summary

Tamil Nadu-Sri Lanka ferry service will resume from tomorrow morning from Nagapattinam.