சீமான், விஜயலட்சுமி வீடியோ.. காட்டிக் கொடுத்த "சீமான்" வலது கரம்.. வீடியோவில் வீரலட்சுமி 'திடுக்'
சென்னை: நாம் தமிழர் கட்சி தலைமை ஒருங்கிணைப்பாளர் சீமானும் நடிகை விஜயலட்சுமியும் இருக்கும் வீடியோ தம்மிடம் இருப்பதாக சீமானின் வலது கரம் ஒருவர் தமக்கு தொலைபேசியில் தொடர்பு கொண்டு தகவல் தெரிவித்தார் என வீடியோ பதிவில் தமிழர் முன்னேற்றப் படை தலைவர் வீரலட்சுமி தெரிவித்துள்ளார்.
சீமான் மீது நடிகை விஜயலட்சுமி 2011-ம் ஆண்டு திருமண மோசடி புகார் கொடுத்திருந்தார். பின்னர் இந்த புகாரை நடிகை விஜயலட்சுமி திரும்பப் பெற்றுக் கொண்டார். ஆனால் கர்நாடகா சென்ற விஜயலட்சுமி, தொடர்ந்து சீமானுக்கு எதிராக வீடியோக்களை வெளியிட்டு வந்தார்.
மீண்டும் சீமான் மீது புகார்: பின்னர் கடந்த ஆகஸ்ட் மாதம் சென்னை வந்து மீண்டும் சீமான் மீது திருமண மோசடி, கருக்கலைப்பு உள்ளிட்ட ஏராளமான புகார்களை போலீசில் தெரிவித்தார். அப்போது நடிகை விஜயலட்சுமிக்கு தமிழர் முன்னேற்றப் படை தலைவர் வீரலட்சுமி ஆதரவாக இருந்தார். நடிகை விஜயலட்சுமியை தமது கட்டுப்பாட்டிலும் வைத்திருந்தார்.
வீரலட்சுமி vs விஜயலட்சுமி: இந்த புகாரின் அடிப்படையில் விஜயலட்சுமியிடம் போலீசார் விசாரணை நடத்தி மருத்துவ பரிசோதனை நடத்தினர். மேலும் சீமானுக்கும் போலீசார் சம்மன் அனுப்பினர். ஆனால் திடீரென விஜயலட்சும் மீண்டும் புகாரை வாபஸ் பெற்றுக் கொண்டு பெங்களூர் திரும்பினார். அப்போது, வீரலட்சுமி தம்மை சித்ரவதை செய்ததாக குற்றம்சாட்டினார் விஜயலட்சுமி.
வீரலட்சுமி vs நாம் தமிழர் கட்சி: இதனையடுத்து நாம் தமிழர் கட்சியினருக்கும் வீரலட்சுமி தரப்புக்கும் இடையே தொடர்ச்சியாக மோதல்கள் நடைபெற்று வருகின்றன. வீரலட்சுமிக்கு எதிராக சீமானும், சீமானுக்கு எதிராக வீரலட்சுமியும் மான நஷ்ட ஈடு வழக்கு நோட்டீஸ் கொடுத்ததாகவும் தகவல்கள் வெளியாகி இருந்தன.
சீமான், விஜயலட்சுமி வீடியோ: தற்போது வீரலட்சுமி புதிய வீடியோ பதிவு ஒன்றை வெளியிட்டுள்ளார். அந்த வீடியோ பதிவில், நாம் தமிழர் கட்சியில் சீமானுக்கு மிக நெருக்கமான, சீமானுடனே இருக்கக் கூடிய ஒருநபர்தான் தம்மிடம் தொலைபேசியில் பேசுவதாகவும் சீமானும் விஜயலட்சுமியும் இருக்கும் வீடியோ தம்மிடம் இருப்பதாகவும் தெரிவித்தார் என குறிப்பிட்டு அந்த மர்ம நபர் பேசும் போன் உரையாடல் ஒலிப்பதிவையும் வீரலட்சுமி இணைத்துள்ளார்.
திமுக பின்னணியா?: அத்துடன், இப்படி நாம் தமிழர் கட்சி நிர்வாகிகள், சீமானுக்கு நெருக்கமானவர்கள் கொடுக்கும் தரவுகள் அடிப்படையில் தாம் போலீசில் புகார் கொடுத்தால் எனக்குப் பின்னால் திமுக இருக்கிறது என நாம் தமிழர் கட்சியினர் திசை திருப்புவதாகவும் வீரலட்சுமி அதில் குற்றம்சாட்டி இருக்கிறார்.
Click it and Unblock the Notifications
Sign in with Google