திடீருன்னு டிவிய பார்த்தா.. பாவாடை, ஜாக்கெட் மட்டும்தான்.. நெளிய வைக்கிறாங்களே.. லாக்டவுன் அட்டகாசம்
சென்னை: லாக்டவுன்.. மொத்த குடும்பமும் வீட்டுக்குள்.. பிரபல சேனலில் ஒரு பழைய சீரியலை வைக்கச் சொல்கிறார் அம்மா. மற்றொரு பக்கம், அப்பா உட்கார்ந்துகொண்டு அந்த நியூஸ் சேனலை வைப்பா, என்கிறார்.
ஓடிக்கொண்டிருப்பதோ, ஒரு 24 மணி நேர மியூசிக் சேனல். ஆளாளுக்கு அடுத்து எந்த சேனலை மாற்றலாம் என டிவியை உற்று பார்த்துக் கொண்டிருக்கும்போது, திடீரென ஒரு இளம்பெண் உள்பாவாடையுடன் தோன்றி, அங்கேயும், இங்கேயும் நடக்கிறார். படுக்கிறார், குளிக்கிறார், கீழே பாவாடை, மேலே ஜாக்கெட்.. அவ்வளவுதான் அவரது மொத்த ஆடையும்.
டோட்டல் குடும்பமும் அப்படியே ஷாக் ஆகிறது. இது ஏதோ ஒரு வீடு இரு வீட்டு சம்பவம் அல்ல. தமிழகத்தில் 90 சதவீதத்திற்கும் மேற்பட்ட வீடுகளில் கடந்த சில நாட்களில் ஒரு நாளில் எப்போவாவது ஒருமுறையாவது இந்த ஷாக்கை அனுபவித்திருப்பார்கள்.
இது ஏதோ ஆணுறை விளம்பரமோ, அல்லது பாலியல் மருத்துவரின் புரோகிராமுக்கு, போடப்படும் முன்னோட்டமோ கிடையாது. பாவாடை நிறுவனத்தின் விளம்பரம்.
"என்னதான் பாவாடை விளம்பரமாக இருந்தாலும், ஒரு நியாயம் வேண்டாமா.." என்று மைன்ட் வாய்ஸ் சொல்லுவதை தவிர்க்க முடிவதில்லை.
முன்பாவது, இல்லத்தரசிகள் மட்டும் வீட்டில் இருப்பார்கள். குழந்தைகள் பள்ளிகளுக்கும், ஆண்கள் வேலைகளுக்கு வெளியேயும் சென்றிருப்பார்கள். இப்போது வேறு வழியின்றி, பாட்டி, தாத்தா முதல், பேரன் பேத்தி வரை ஒன்றாக ஒரே டிவி பார்த்துக் கொண்டிருக்கும் போது இப்படியான காட்சிகள் வருவது, நெளிய வைத்து விடுகிறது.
சிறுவர்கள் பார்க்க முடியாத அளவுக்கான காட்சிகளை இரவு 11 மணிக்கு மேல் ஒளிபரப்பலாம் என்பது நெறிமுறை. ஆனால் விளம்பரங்களுக்கு கட்டுப்பாடு இல்லை என்பதை காரணம் காட்டி பட்டப்பகலில் பாவாடை விளம்பரம் இப்படி பட்டவர்த்தனமாக வருவது தவிர்க்கப்படலாம்தான்.
Click it and Unblock the Notifications
Sign in with Google