தமிழக அரசு ஊழியர்களுக்கான அகவிலைப்படி 12%-ல் இருந்து 17% ஆக அதிகரிப்பு

சென்னை: தமிழக அரசு ஊழியர்களுக்கு தற்போது வழங்கப்பட்டு வரும் 12% அகவிலைப்படியானது 17% ஆக உயர்த்தப்பட்டு அரசாணை வெளியிடப்பட்டுள்ளது.

தமிழக அரசு ஊழியர்களுக்கு கடந்த மே மாதம் அகவிலைப்படி 9%-ல் இருந்து 12% ஆக அதிகரிக்கப்பட்டது. அந்த அகவிலைப்படி உயர்வானது ஜனவரி 1-ந் தேதியில் இருந்து முன்தேதியிட்டு வழங்கப்படும் எனவும் அறிவிக்கப்பட்டது.

இந்நிலையில் தமிழக அரசு ஊழியர்களுக்கான அகவிலைப்படி மேலும் 5% அதிகரிக்கப்பட்டு 17% ஆக உயர்த்தப்பட்டுள்ளது. இதற்கான அரசாணை இன்று வெளியிடப்பட்டது.

மத்திய அரசு ஊழியர்களுக்கு 5% அகவிலைப்படி உயர்வு வழங்கப்பட்டதால் தமிழக அரசும் இந்நடவடிக்கையை மேற்கொண்டுள்ளது. இந்த உயர்வானது ஜூலை 1-ந் தேதி முன்தேதியிட்டு வழங்கப்படும்.

English summary

Tamilnadu Govt today announced 5% DA Hike for its employees.