ஓகே சொன்ன ஆளுநர்.. தொழிலாளர்களே! இனி இதெல்லாம் உங்க உரிமை - வெளியான அரசாணை.. குடிநீர் டூ ரெஸ்ட் ரூம்

சென்னை: தொழிலாளர் நலனுக்கான பணியிடத்தில் இருக்க வேண்டிய வசதிகள் தொடர்பாக சட்டமன்றத்தில் நிறைவேற்றப்பட்ட நிறைவேற்றப்பட்ட மசோதாவுக்கு ஆளுநர் ஒப்புதல் அளித்த நிலையில், அது அரசிதழில் வெளியிடப்பட்டு உள்ளது.

இதுகுறித்து வெளியான அறிவிப்பில், "தமிழ்நாடு மாநிலச் சட்டப்பேரவையின் பின்வரும் சட்டமானது 2023 ஆம் ஆண்டு மே திங்கள் 17 ஆம் நாளன்று ஆளுநரின் ஏற்பிசைவைப் பெற்றது மற்றும் அது பொதுத் தகவலுக்காக இதன்மூலம் வெளியிடப்படுகிறது:-

சட்ட எண். 20/2023. 1947ஆம் ஆண்டு தமிழ்நாடு கடைகள் மற்றும் நிறுவனங்கள் சட்டத்தை மேலும் திருத்தம் செய்வதற்கானதொரு சட்டமுன்வடிவு.

இந்தியக் குடியரசின் எழுபத்தி நான்காம் ஆண்டில் தமிழ்நாடு மாநிலச் சட்டமன்றப் பேரவையினால் பின்வருமாறு சட்டமியற்றப்படுவதாகுக:-

1. (1) இந்தச் சட்டம், 2023 ஆம் ஆண்டு தமிழ்நாடு கடைகள் மற்றும் நிறுவனங்கள் குறுந்தலைப்பு (திருத்தச்) சட்டம் என வழங்கப்பெறும்.

(2) இது, அரசு, அறிவிக்கையின் வாயிலாக குறித்திடலாகும் அத்தகைய தேதியன்று நடைமுறைக்கு வருதல் வேண்டும்.

2. தமிழ்நாடு கடைகள் மற்றும் நிறுவனங்கள் சட்டத்தின் 22-A 22-B, 22-C, ஆம் பிரிவுக்கு பின்பு, பின்வரும் பிரிவுகளானவை உட்புகுத்தப்படுதல் வேண்டும். அதாவது:-

"22-B. குடிநீர் - பணியமர்த்துநர் ஒவ்வொருவரும், கடை அல்லது நிறுவனத்தில் பணிபுரியும் அனைத்து நபர்களுக்கும், வசதியாக அமைந்துள்ள பொருத்தமான இடங்களில், போதிய அளவு சுகாதாரமான குடிநீரை வழங்குவதற்கும் பராமரிப்பதற்கும் பயனுள்ள ஏற்பாட்டினைச் செய்தல் வேண்டும்.

22-C. கழிப்பிடம் மற்றும் சிறுநீர் கழிப்பிடம்.- பணியமர்த்துநர் ஒவ்வொருவரும், வகுத்துரைக்கப்படலாகிறவாறு, போதிய எண்ணிக்கையில் கழிப்பிடம் மற்றும் சிறுநீர்க் கழிப்பிடங்களை ஏற்பாடு செய்து தருதல் வேண்டும். அவை பணிபுரியும் நபர்களுக்கு வேலை நேரத்தின் அனைத்து நோங்களிலும், அணுகக்கூடியவாறு மிகவும் வசதியானதாக அமைந்திருத்தல் வேண்டும்.

22-D. ஓய்வறை மற்றும் உணவறை. - (1) பணியமர்த்துநர் ஒவ்வொருவரும், பணிபுரியும் நபர்களுக்காக, குடிநீர் வசதியுடன் கூடிய போதிய மற்றும் பயனுள்ள ஓய்வறை மற்றும் உணவறையினை ஏற்பாடு செய்து தருதல் வேண்டும்.

(2) ஓய்வறை மற்றும் உணவறையானது, போதிய காற்றோட்டத்துடனும் வெளிச்சத்துடனும் இருத்தல் வேண்டும் மற்றும் அவை சுத்தமாகவும் சீரொழுங்காகவும் பராமரிக்கப்படுதல் வேண்டும்.

(3) ஓய்வறை மற்றும் உணவறையானது, போதிய நாற்காலிகள் அல்லது சாய்வு இருக்கைகளுடன் அமைக்கப்பட்டிருத்தல் வேண்டும்.

22-E. முதலுதவி.- பணியமர்த்துநர் பணியமர்த்துதர் ஒவ்வொருவரும், வகுத்துரைக்கப்படலாகிறவாறான முதலுதவி வசதிகளை பணியுரியும் இடத்தில், ஏற்பாடு செய்து தருதல் வேண்டும்." என்று குறிப்பிடப்பட்டு உள்ளது.

English summary

The Bill passed by the Legislative Assembly regarding workplace amenities for labor welfare has been gazetted by the Governor assent.