சென்னையில் நாளை இண்டர்வியூ.. TCS ஐடி நிறுவனம் தரும் சூப்பர் சான்ஸ்! செம வாய்ப்பு
சென்னை: முன்னணி ஐடி நிறுவனமான டிசிஎஸ்ஸில் இருந்து புதிய வேலைவாய்ப்பு குறித்த அறிவிப்பு வெளியாகி உள்ளது. இதற்கான இண்டர்வியூ நாளை (ஜூன் 21) சென்னையில் நடைபெற உள்ளது. தகுதி மற்றும் விருப்பம் உள்ளவர்கள் இண்டர்வியூவில் பங்கேற்கலாம்.
டிசிஎஸ் ஐடி நிறுவனத்தில் தற்போது வெப் டெவலப்பர் (Web Developer) பணிக்கு ஆட்கள் தேர்வு செய்யப்பட உள்ளனர். இந்த பணிக்கு ஏதாவது ஒரு பிரிவில் டிகிரி முடித்திருக்க வேண்டும். 10, பிளஸ் 2, டிகிரி என்ற வரிசையில் கல்லூரி படிப்பை முடித்திருக்க வேண்டும். கல்வி மற்றும் பணியில் 2 ஆண்டுக்கு மேலாக இடைவெளி இருக்க கூடாது.
மேலும் சம்பந்தப்பட்ட பிரிவில் குறைந்தபட்சம் 4 ஆண்டு முதல் 10 ஆண்டு வரை பணி அனுபவம் கொண்டவர்கள் விண்ணப்பம்செய்யலாம். அவர்களக்கு Webmethods ஸ்கில்ஸ் இருக்க வேண்டும். அதேபோல் சாப்ட்வேர் ஏஜி புராடெக்ஸில் இண்டகிரேஷன் புராஜெக்ட்ஸில் பணியாற்றிய அனுபவம் இருக்க வேண்டும்.
இதற்கான இண்டர்வியூ சென்னையில் நாளை (ஜூன் 21) நடைபெற உள்ளது. இண்டர்வியூவில் பங்கேற்க விரும்புவோர் நாளை காலையிலேயே Tata Consultancy Services, Taramani 100 Feet Road, 165/1A New Colony Road, Velachery, Chennai, Tamil Nadu 600042 என்ற முகவரிக்கு செல்ல வேண்டும். இண்டர்வியூவுக்காக பதிவு நாளை காலை 9 மணி முதல் மதியம் 1 மணி வரை நடைபெற உள்ளது.
இண்டர்வியூவுக்கு செல்வோர் தங்களின் பணி அனுபவம் தொடர்பான கடிதம், ரிலிவிங் கடிதம் உள்ளிட்டவற்றை வைத்திருக்க வேண்டும். அதேபோல் ரெஸ்யூம், அரசு அடையாள அட்டை, ஒரு பாஸ்போர்ட் சைஸ் போட்டோ வைத்திருக்க வேண்டும். தற்போதைய அறிவிப்பில் பணிக்கான சம்பளம் குறித்து எதுவும் தெரிவிக்கப்படவில்லை. இதுபற்றி கடைசி கட்ட இண்டர்வியூவில் தெரிவிக்கப்படும்.
பணிக்கான அதிகாரப்பூர்வ அறிவிப்பு மற்றும் விண்ணப்பம் செய்ய Click Here
Click it and Unblock the Notifications
Sign in with Google