திமுக-அதிமுக வெல்லக்கூடிய தொகுதிகள் பட்டியல்.... இழுபறி தொகுதிகள் எவை... தந்திடிவி கணிப்பு
Recommended Video
சென்னை: தமிழகம் மற்றும் புதுவையில் தேர்தல் நடந்து முடிந்த 39 மக்களவை தொகுதிகளில் எந்தெந்த தொகுதிகளை திமுக -அதிமுக பிடிக்க வாய்ப்பு உள்ளது என்பது பற்றியும், இழுபறி உள்ள தொகுதிகள் பட்டியலையும் தந்தி டிவி கருத்துக்கணிப்புகளை நடத்தி வெளியிட்டுள்ளது.
இறுதிகட்ட மக்களவை தேர்தல் நேற்று முடிந்த நிலையில் நேற்று மாலை தேசிய மற்றும் மாநில ஊடகங்கள் கருத்துக்கணிப்புகளை வரிசையாக வெளியிட்டன.
எல்லா ஊடகங்களுமே பாஜக அதிக இடங்களில் வெல்ல வாய்ப்பு இருப்பதாக தெரிவித்துள்ளன. மாநில கட்சிகளும் குறிப்பிட்ட அளவு வெற்றி பெறும் என தெரிவித்தன.
தமிழக ஊடகங்கள்
இதேபோல் தமிழகத்தில் வேலூர் தவிர (தேர்தல் நடக்கவில்லை) 38 தொகுதிகளில் பெரும்பாலானவற்றை திமுக கூட்டணியே கைப்பற்றும் என கணித்துள்ளன. புதிய தலைமுறை, நியூஸ் 18 தமிழ்நாடு உள்பட தமிழக ஊடகங்களும் திமுக கூட்டணியே தமிழகத்தில் அதிக இடங்களில் வெல்லும் என தெரிவித்தன.
12 ஆயிரம் பேரிடம் கேள்வி
இந்நிலையில் தமிழகம் மற்றும் புதுவையில் சுமார் 11 ஆயிரத்து 700பேரிடம் கருத்துக்கணிப்புகளை நடத்தி உள்ளதாக கூறியுள்ள தந்திடிவி, 39 நாடாளுமன்ற தொகுதிகளுக்கான அதன் கணிப்புகளை வெளியிட்டுள்ளது.
திமுக தொகுதிகள்
அதன்படி திமுக கூட்டணிக்கு 19 தொகுதிகளில் வெற்றி வாய்ப்பு இருப்பதாக தந்திடிவி கூறியுள்ளது.அவற்றின் விவரம் பின்வருமாறு: மத்திய சென்னை, வட சென்னை, ஸ்ரீபெரும்புதூர், காஞ்சிபுரம், கடலூர், கள்ளக்குறிச்சி, பெரம்பலூர், திருச்சி, தஞ்சாவூர், நாகப்பட்டினம், மயிலாடு துறை. கரூர், ஈரோடு, சிவகங்கை, விருதுநகர், தென்காசி, திண்டுக்கல், நீலகிரி, தூத்துக்குடி.
அதிமுக தொகுதிகள்
அதிமுக மற்றும் பாஜக கூட்டணி 5இடங்களில் வெல்ல வாய்ப்பு உள்ளதாக ஒரு பட்டியலை வெளியிட்டுள்ளது. அதன் விவரம் பின்வருமாறு திருவள்ளூர், கிருஷ்ணகிரி, சேலம், பொள்ளாச்சி, தேனி, திருப்பூர்
இழுபறி தொகுதிகள்
திமுக,அதிமுக இடையே இழுபறி உள்ளதாக 14 தொகுதிகளின் பட்டியலையும் தந்திடிவி வெளியிட்டுள்ளது. இதன் விவரம் பின்வருமாறு, கன்னியாகுமரி, அரக்கோணம், விழுப்புரம், ஆரணி, சிதம்பரம், கோவை, ராமநாதபுரம், தர்மபுரி, மதுரை, நாமக்கல், திருவண்ணாமலை, தென் சென்னை, திருநெல்வேலி, புதுச்சேரி.
Click it and Unblock the Notifications
Sign in with Google