சென்னையில் தங்கம் விலை மீண்டும் சரசரவென சரிவு... ஒரே நாளில் சூப்பர் சரிவு

சென்னை: சென்னையில் தங்கம் விலை மீண்டும் சரசரவென சரிந்துள்ளது ஒரே நாளில் சவரனுக்கு ரூ.304 குறைந்து ரூ.30, 256க்கு விற்பனையாகிறது.

சென்னையில் டிசம்பர் 2வது வாரத்தில் 29 ஆயிரம் ரூபாய்க்கு விற்பனையான தங்கத்தின் விலை தை நெருங்கும் நிலையில் ஜனவரி பிறந்த போது 30 ஆயிரத்தை தொட்டது..

ஜனவரி 2ம் தேதி ரூ.28,880க்கு விற்பனையான ஒரு பவுன் தங்கத்தின் விலை அதற்கு மறுநாளே அதாவது ஜனவரி 3ம் தேதி 640 அதிகரித்து, ரூ.30,520க்கு விற்பனையானது. ஜனவரி 4, 5ம் தேதிகளில் 30,656க்கும் ஒரு சவரன் தங்கம் விற்பனையானது.

ஜனவரி 6ம் தேதி 31,168க்கும், ஜனவரி 7ம் தேதி சற்று குறைந்து 30904க்கும் விற்பனையானது. ஜனவரி 8ம் தேதி அன்று ஒரு சவரன் தங்கம் விலை ரூ. 31176க்கு விற்பனையாகி பொதுமக்களை அதிரவைத்தது. இந்நிலையில் 9ம் தேதி நிலவரப்படி சென்னையில் ஒரேடியாக ஒரு சவரனுக்கு 736 ரூபாய் சரிந்து ரூ.30440க்கு விற்பனையானது. அடுத்த நாளான 10 ம் தேதி மேலும் 40 ரூபாய் குறைந்து ரூ.30400 க்கு விற்பனையானது.

இந்நிலையில் சனிக்கிழமை மற்றும் ஞாயிற்றுக்கிழமைகளில் ஒரு சவரன் தங்கம் விலை ரூ.160 அதிகரித்து ரூ. 30560 க்கு விற்பனையானது. இந்நிலையில் திங்கள்கிழமையான இன்று(ஜனவரி 13) சென்னையில் 22 கேரட் தங்கத்தின் விலை சவரனுக்கு ரூ.304 குறைந்து ரூ.30, 256க்கு விற்பனையானது. ஒரு கிராம் தங்கத்தின் விலை ரூ.3782 ஆக உள்ளது.

சென்னையில் வெள்ளியின் விலை ஒரு கிராம் 50 ரூபாய்க்கும் பார் வெள்ளி ஒருகிலோ 50 ஆயிரம் ரூபாய்க்கு விற்பனையானது. முன்னதாக 12ம் தேதியை ஒப்பிடும் போது 600 ரூபாய் குறைந்துள்ளது.

English summary

today gold rate in chennai: today 8 gram gold rs. 3025, one gram gold rate is rs.3782