SIR:வாக்காளர் பட்டியலில் பெயர் சேர்க்க இன்று கடைசி நாள்.. பிப்.17-ல் இறுதி வாக்காளர் பட்டியல்!

சென்னை: வரைவு வாக்காளர் பட்டியலில் இடம் பெறாதவர்கள் தங்களது பெயரை வாக்காளர் பட்டியலில் சேர்க்க இன்று கடைசி நாள் என அறிவிக்கப்பட்டுள்ளது. வாக்காளர் பட்டியலில் திருத்தப் பணிகளுக்கு விண்ணப்பிப்பதற்கான கால அவகாசம் இன்றுடன் நிறைவு பெறும் நிலையில், அடுத்த மாதம் 17 ஆம் தேதி இறுதி வாக்காளர் பட்டியல் வெளியாகிறது.

தமிழ்நாட்டில் வாக்காளர் பட்டியலில் பெயர் சேர்ப்பு, நீக்கம், முகவரி மாற்றம் உள்ளிட்ட திருத்தப் பணிகளுக்கு விண்ணப்பம் அளிப்பதற்கான அவகாசம் இன்றுடன் நிறைவடைகின்றன.

தமிழ்நாட்டில் வாக்காளர் பட்டியல் சிறப்பு தீவிர திருத்தப் பணிகள் நடைபெற்று வருகின்றன. எஸ்.ஐ.ஆர் கணக்கெடுபு பணி கடந்த நவ.4 முதல் டிச.14-ம் தேதி வரை நடைபெற்று வந்த நிலையில், கடந்த டிசம்பர் 19ஆம் தேதி வரைவு வாக்காளர் பட்டியல் வெளியிடப்பட்டது. அதன்​படி, தமிழகத்​தில் 5.43 கோடி வாக்​காளர்​கள் உள்​ளனர். 97.37 லட்​சம் பேர் நீக்​கப்​பட்​டனர்.

அதில், உயிரிழந்தவர்கள், முகவரி மாறியவர்கள் உள்பட 97 லட்சம் வாக்காளர்களின் பெயர்கள் நீக்கப்பட்டன. இதில் இறந்​தவர்​கள் மட்​டும் 26.94 லட்​சம் பேர், முகவரி​யில்இல்​லாதவர்​கள் 66.44 லட்​சம்பேர், ஒன்​றுக்கு மேற்​பட்ட இடங்​களில் வாக்​குரிமை உள்​ளவர்​கள் 3.98 லட்​சம் பேர் நீக்​கப்​பட்​டுள்​ளனர்.

அதனைத் தொடர்ந்து, வாக்காளர் பட்டியலில் பெயர் சேர்ப்பு, நீக்கம் உள்ளிட்டவை தொடர்பாக விண்ணப்பிக்க ஜனவரி 18 ஆம் தேதி வரை தேர்தல் ஆணையம் அவகாசம் அளித்திருந்தது. இதற்காக, தமிழ்நாடு முழுவதும் தேர்தல் ஆணையத்தால் சனி மற்றும் ஞாயிற்றுக்கிழமைகளில் சிறப்பு முகாம்கள் நடத்தப்பட்டன.

எஸ்​ஐஆர் படிவங்​களை முறை​யாக பூர்த்தி செய்​யாதவர்​கள் 12 லட்​சம் பேருக்கு அழைப்பு கடிதம் அனுப்பி விசா​ரணை நடத்​தப்​பட்டு வருகிறது. இதுதொடர்​பான அறி​விப்​புகள் பிப்​.10-ம் தேதி வெளி​யிடப்பட உள்​ளது. வாக்​காளர் பட்​டியலில் பெயர் சேர்ப்​ப​தற்கு விண்​ணப்​பிக்க வும் பெயர் சேர்க்க ஏது​வாகவும் கடந்த வார விடு​முறை நாட்​களான டிச.27, 28, ஜன. 3, 4, 10, 11 ஆகிய தேதி​களில் தமிழகம் முழு​வதும் 75 ஆயிரம் வாக்​குச்​சாவடிகளி​லும் சிறப்பு முகாம்​கள் நடத்​தப்பட்​டன.

இதுவரை ஒட்டுமொத்தமாக சுமார் 12 லட்சத்து 80 ஆயிரம் பேர் வாக்காளர் பட்டியலில் பெயர் சேர்க்க விண்ணப்பித்து இருப்பதாக தேர்தல் ஆணையம் தெரிவித்துள்ளது. வாக்​காளர் பட்​டியலில் பெயர் சேர்ப்​ப​தற்கு விண்​ணப்​பிக்க இன்று கடைசி நாள். வாக்காளர் பட்டியலில் திருத்தப் பணிகளுக்கு விண்ணப்பிப்பதற்கான கால அவகாசம் இன்றுடன் நிறைவு பெறும் நிலையில், அடுத்த மாதம் 17ஆம் தேதி இறுதி வாக்காளர் பட்டியல் வெளியாகிறது.

English summary

It has been announced that today is the last day for those whose names are not included in the draft electoral roll to add their names to the voters' list. The deadline for applying for corrections to the electoral roll ends today, and the final electoral roll will be published on Feb 17.