தொடர்ந்து சதம்னா எப்படி? தக்காளி 1 கிலோ ரூ100; பச்சை மிளகாய் 1 கிலோ ரூ60- பொதுமக்கள் தவிப்பு!

சென்னை: தமிழ்நாட்டின் பல மாவட்டங்களில் தக்காளி விலை 1 கிலோ ரூ100-க்கு விற்பனையாகிறது. பச்சை மிளகாய் தற்போது 1 கிலோ ரூ60 முதல் ரூ100க்கு விற்பனை செய்யப்படுவதால் பொதுமக்கள் தவித்து வருகின்றனர்.

தமிழ்நாட்டின் பல மாவட்டங்களில் தக்காளி விளைச்சல் குறைந்துள்ளது. வெளிமாநிலங்களில் இருந்து வரவேண்டிய தக்காளி வரத்தும் வெகுவாக குறைந்துவிட்டது. உதாரணமாக சென்னை கோயம்பேடுக்கு ஒரு நாளைக்கு வெளி மாநிலங்களில் இருந்து 1200 டன் தக்காளி வரவேண்டும். ஆனால் வெறும் 600 முதல் 700 டன் தக்காளி வரத்துதான் இருக்கிறது. இதனால் தக்காளி விலை மிக கடுமையாக உயர்ந்து கொண்டே இருக்கிறது.

தக்காளி விலை சென்னை கோயம்பேடு காய்கறி சந்தை உள்ளிட்ட பல மாவட்டங்களில் 1 கிலோ தக்காளி சில்லறை விலையில் ரூ100 வரை விற்பனை செய்யப்படுகிறது. இதேபோல் இதுவரை கணிசமான விலைக்கே போகாமல் இருந்த பச்சை மிளகாய் தற்போது 1 கிலோ ரூ60 முதல் ரூ100 வரை விற்பனையாகிறது. காய்கறிகளின் கணிசமான விலை உயர்வு பொதுமக்களை மிகவும் தத்தளிக்க வைத்திருக்கிறது.

சென்னை கோயம்பேடு சந்தை நிலவரம்:

• தக்காளி ரூ100
• சின்ன வெங்காயம் ரூ80
• உருளைகிழங்கு ரூ30
• கேரட் ரூ70
• பீன்ஸ் ரூ120
• கத்திரி ரூ60
• முருங்கை ரூ40
• பட்டாணி ரூ180
• பூண்டு ரூ160
• இஞ்சி ரூ200
• பச்சை மிளகாய் ரூ60
• அவரை ரூ70

சென்னை கோயம்பேடு சந்தையிலேயே தக்காளி, பச்சை மிளகாய் இந்த விலைக்கு விற்பனை செய்யப்படுவதால் நகரங்களிலும் புறநகர்களிலும் கூடுதல் விலைக்கு விற்பனை செய்யப்படுகிறது. இது பொதுமக்களை பெரும் தவிப்புக்குள்ளாக்கி இருக்கிறது.

English summary

Tomato Prices Shoot up to Rs 100 per kg in Chennai market.