சென்னையில் தனியார் பேருந்துகள் இயக்க எதிர்ப்பு- நாளை திமுக தொழிற்சங்கம் தொமுச, சிஐடியூ போராட்டம்

சென்னையில் தனியார் பேருந்துகள் இயக்க எதிர்ப்பு தெரிவித்து நாளை போராட்டம்.

Published: Sunday, March 5, 2023, 13:47 [IST]

Subscribe to Oneindia Tamil

சென்னை: சென்னையில் தனியார் பேருந்துகளை இயக்க எதிர்ப்பு தெரிவித்து ஆளும் திமுகவின் தொழிற்சங்கமாக தொமுச, இடதுசாரி இயக்கமான சிஐடியூ சார்பில் கண்டனப் போராட்டம் நடைபெற உள்ளது.

சென்னையில் பேருந்துகளை அரசு போக்குவரத்து கழகமான மாநகர போக்குவரத்து கழகம் இயக்கி வருகிறது. தற்போது சென்னையில் தனியார் பேருந்துகளை அனுமதிக்க மாநகர போக்குவரத்து கழகம் முடிவு செய்துள்ளது. இந்த ஆண்டு கிராஸ் காஸ்ட் கான்ட்ராக்ட் முறையில் 500 பேருந்துகளை இயக்க தனியாருக்கு அனுமதி அளிக்க முடிவு செய்யப்பட்டுள்ளது. அதாவது பேருந்துகளை இயக்கும் தனியார் நிறுவனங்கள் நஷ்டமடைந்தால் அவற்றிற்கு உரிய இழப்பீடு அரசு தரப்பில் வழங்கப்படுமாம்.

சென்னை மாநகர போக்குவரத்துக் கழகத்தின் இந்த முடிவுக்கு போக்குவரத்து தொழிற் சங்கங்கள் கடும் எதிர்ப்பு தெரிவித்துள்ளன. தமிழ்நாட்டில் ஆளும் திமுக தொழிற்சங்கமான தொமுச, திமுக கூட்டணி கட்சியான இடதுசாரிகளின் சிஐடியூ உள்ளிட்டவை இத்திட்டத்தை எதிர்த்துள்ளன.

மேலும் சென்னையில் தனியார் பேருந்துகளை அனுமதிக்க எதிர்ப்பு தெரிவித்து நாளை அனைத்து பணிமனைகளிலும் போராட்டம் நடத்தப்படும் எனவும் தொமுச, சிஐடியூ அறிவித்துள்ளன.

Published On March 5, 2023