சென்னை அண்ணா நகரில் ரெடியாகுங்க மக்களே.. நாளை ‘ஹேப்பி ஸ்ட்ரீட்’.. போக்குவரத்து அடியோடு மாற்றம்

சென்னை: சென்னை அண்ணாநகர் 2-வது நிழற்சாலையில் நாளை (ஞாயிற்றுக்கிழமை) 'ஹேப்பி ஸ்ட்ரீட்' என்ற நிகழ்ச்சி நடைபெற உள்ளதால் காலை 6 மணி முதல் 9 மணிவரை மட்டும் போக்குவரத்து முற்றிலுமாக தடை செய்யப்பட்டுள்ளது. இதன் காரணமாக அண்ணா நகரில் நாளை காலை போக்குவரத்து மாற்றம் செய்யப்படுகிறது என சென்னை போக்குவரத்து போலீசார் அறிவித்துள்ளனர்.

சென்னை, அண்ணா நகர் பகுதியில் காவல்துறையினர் சார்பில் 'ஹேப்பி ஸ்ட்ரீட்' நிகழ்ச்சி நடத்தப்படுகிறது.இந்த நிகழ்ச்சியில் சிறியவர்கள் முதல் பெரியவர்கள் வரை அனைத்து தரப்பினரும் பங்கேற்று கொண்டாடி மகிழ்வார்கள். இந்த நிகழ்ச்சியில் அனைவரையும் கவரும் வகையில் உற்சாக நடனம், பம்பரம் விடுதல், சைக்கிளிங், ஸ்கேட்டிங், வில்வித்தை, பாரம்பரிய நடனங்கள், கராத்தே உள்ளிட்ட பல்வேறு நிகழ்ச்சிகள் நடத்தப்படுவது வழக்கம். பொதுமக்கள் குழந்தை போல் மாறி எந்த இடையூறும் இன்றி நடனமாடி மகிழ்வார்கள். இந்த நிகழ்ச்சி நாளை அண்ணா நகரில் நடைபெற உள்ளது,

சென்னை போக்குவரத்து போலீசார் இதுபற்றி கூறுகையில், சென்னை அண்ணாநகர் 2-வது நிழற்சாலையில் நாளை (ஞாயிற்றுக்கிழமை) 'ஹேப்பி ஸ்ட்ரீட்' என்ற நிகழ்ச்சி நடைபெற போகிறது. இதன் காரணமாக 2-வது நிழற்சாலையில் புளுஸ்டார் சந்திப்பு முதல் 2-வது நிழற்சாலை மற்றும் 3-வது பிரதான சாலை சந்திப்பு வரை நாளை(ஜூலை 28) காலை 6 மணி முதல் 9 மணிவரை மட்டும் போக்குவரத்து முற்றிலுமாக தடை செய்யப்படும்.

ஆகவே நாளை காலை 6 மணி முதல் 9 மணி வரை திருமங்கலத்திலிருந்து அண்ணாநகர் ரவுண்டானா, சிந்தாமணி நோக்கி செல்லும் வாகனங்கள் புளூஸ்டார் சந்திப்பில் 5-வது நிழற்சாலையில் இடதுபுறம் திரும்பி, 6-வது நிழற்சாலை, ரவுண்டானாவை அடைந்து சிந்தாமணி, ரவுண்டானாவுக்கு செல்ல வேண்டும்.

இதேபோல் நாளை காலை 6 மணி முதல் 9 மணி வரை, திருமங்கலத்திலிருந்து அமைந்தகரை, ஈ.வெ.ரா. சாலை நோக்கி செல்லும் வாகனங்கள், புளூஸ்டார் சந்திப்பில் 5-வது நிழற்சாலையில் வலதுபுறம் திரும்பி 4-வது நிழற்சாலையை அடைந்து அமைந்தகரை பூந்தமல்லி நெடுஞ்சாலைக்கு செல்லவேண்டும்.

அண்ணாநகர் ரவுண்டானாவிலிருந்து திருமங்கலம் நோக்கி செல்லும் வாகனங்கள் 2-வது நிழற்சாலையில் நல்லி சில்க்ஸ் அருகே 3-வது பிரதான சாலையில் இடதுபுறம் திரும்பி 4-வது நிழற்சாலை வழியாக திருமங்கலம், முகப்பேர் நோக்கி செல்ல வேண்டும். புளுஸ்டார் சந்திப்பில் 5-வது நிழற்சாலையிலிருந்து 2-வது நிழற்சாலைக்கு (அண்ணாநகர் ரவுண்டானா நோக்கி) இடதுபுறம் திரும்புவதை தவிர்த்து 5-வது நிழற்சாலையில் நேராக சென்று 4-வது நிழற்சாலை வழியே செல்லலாம்" இவ்வாறு போக்குவரத்து போலீசார் தெரிவித்தனர்.

English summary

Traffic has been completely banned from 6 AM to 9 AM only as a program called 'Happy Street' is going to be held tomorrow (Sunday) at Chennai Annanagar 2nd Sun Road. Due to this, Chennai Traffic Police has announced that the traffic will be changed in Anna Nagar tomorrow morning.