நீண்ட இடைவெளிக்கு பின்னர் வெளியே வரும் டிடிவி தினகரன்.. பெரும் எதிர்பார்ப்பில் ஆதரவாளர்கள்

Published: Wednesday, July 28, 2021, 14:50 [IST]

Subscribe to Oneindia Tamil

சென்னை: மேகதாது அணை பிரச்சினையை கண்டித்து வரும் ஆகஸ்ட் 6-ஆம் தேதி தினகரன் தலைமையில் தஞ்சாவூரில் அமமுக ஆர்ப்பாட்டம் நடத்த அறிவித்துள்ளது. இதன் மூலம் நீண்ட இடைவெளிக்கு பின்னர் தினகரன் வெளியே வருவதால் எதிர்பார்ப்புகள் எழுந்துள்ளன.

ஜெயலலிதா மறைவடைந்ததை அடுத்து அவர் எம்எல்ஏவாக வெற்றி பெற்ற ஆர் கே நகர் சட்டசபை தொகுதியின் இடைத்தேர்தல் பல இழுபறிகளுக்கு பின்னர் அந்த தொகுதிக்கு 2017 இல் இடைத்தேர்தல் நடத்தப்பட்டது.

இதில் திமுக, ஆளும் அதிமுகவை பின்னுக்கு தள்ளிவிட்டு தினகரன் அந்த தொகுதி எம்எல்ஏவாக தேர்வு செய்யப்பட்டார். இவர் கடந்த 2018ஆம் ஆண்டு அம்மா மக்கள் முன்னேற்ற கழகம் என்ற கட்சியை தொடங்கினார்.

சட்டசபை தேர்தல்

இதையடுத்து 2019 நாடாளுமன்றத் தேர்தல், 2021 சட்டசபை தேர்தல்களில் அவரது கட்சி சொல்லிக் கொள்ளும்படியான எந்த வெற்றியையும் பெறவில்லை. இந்த நிலையில் தினகரன் கட்சி தொடங்கிய நாள் முதல் மத்திய, மாநில அரசுகளுக்கு எதிராக குரல் கொடுத்து வருகிறார்.

மேகதாது அணை

இந்த நிலையில் காவிரியின் குறுக்கே மேகதாது அணை கட்டும் கர்நாடகா அரசை கண்டித்தும் மத்திய மாநில அரசுகள் உரிய நடவடிக்கை எடுக்க வலியுறுத்தியும் வரும் ஆகஸ்ட் 6ஆம் தேதி காலை 11 மணிக்கு தஞ்சாவூரில் தினகரன் தலைமையில் ஆர்ப்பாட்டம் நடத்தப்படும் என அறிவிக்கப்பட்டுள்ளது.

தினகரன்

நீண்ட இடைவெளிக்கு பிறகு தினகரன் வெளியே வருவதால் பரபரப்பு ஏற்பட்டுள்ளது. 1994 ஆம் ஆண்டு பெரியகுளம் நாடாளுமன்றத் தொகுதியில் தினகரன் தேர்வு செய்யப்பட்டார். 2004 மற்றும் 2010 ஆம் ஆண்டுகளில் ராஜ்யசபா உறுப்பினராகவும் நியமிக்கப்பட்டார்.

பிரச்சாரம்

அத்துடன் அவர் ஜெயலலிதா மறைவுக்கு பின்னர் வெளியே வந்தார். ஹவாலா மோசடி புகார், ஆர் கே நகர் இடைத்தேர்தல், அமமுக கட்சி தொடக்கம் என அவர் வெளியே வந்தார். இதையடுத்து 2019, 2021 நாடாளுமன்றத் தேர்தல் சட்டசபை தேர்தல்களில் பிரச்சாரம் செய்ய வெளியே வந்தனர்.

நீண்ட இடைவெளி

மற்றபடி மத்திய மாநில அரசுகளை கண்டித்து அவ்வப்போது கண்டன அறிக்கை வெளியிடுவார். அதே நேரத்தில் மத்திய மாநில அரசுகளின் நல திட்டங்களுக்கு நன்றியையும் பாராட்டையும் தெரிவிப்பதையும் தினகரன் மறக்க மாட்டார். இவ்வாறு தேர்தல் பிரச்சாரங்களுக்கும் கட்சி கூட்டத்திற்கும் வெளியே வந்த தினகரன் தற்போது நீண்ட இடைவெளிக்குப் பின்னர் மக்கள் பிரச்சினைக்காக வெளியே வருவதால் பரபரப்பு எழுந்துள்ளது.

Published On July 28, 2021