புதுச்சேரியில் விசில் சின்னம் கிடைத்தவுடன் விஜய் அதிரடி முடிவு.. வெளியான நிர்வாக குழு பட்டியல்

சென்னை: தமிழ்நாடு, புதுச்சேரி, கேரளா, மேற்கு வங்கம், அசாம் உள்ளிட்ட மாநிலங்களில் விரைவில் சட்டமன்ற தேர்தல் நடைபெறவுள்ளது. தொகுதி பங்கீடு, வாக்குறுதிகள், பிரச்சாரம் ஆகியவற்றால் அரசியல் களத்தில் உச்சகட்ட பரபரப்பு நிலவி வருகிறது. தமிழ்நாட்டில் திமுக, அதிமுக, நாம் தமிழர், தவெக என 4 முனை போட்டி நிலவுகிறது. புதுச்சேரி அரசியல் களமும் சூடுபிடித்துள்ளது. தமிழ்நாட்டை போல புதுச்சேரியிலும் தவெக கட்சிக்கு விசில் சின்னம் ஒதுக்கப்பட்டுள்ளது. இந்நிலையில் புதுச்சேரி தவெக வுக்கு 30 பேர் கொண்ட நிர்வாக குழுவை நியமனம் செய்துள்ளார் (TVK VijayTVK Vijay).

இதுகுறித்து தவெக தலைவர் விஜய் வெளியிட்டுள்ள அறிக்கையில், "கழகத் தோழர்களுக்கு வணக்கம். பணிகளையும் புதுச்சேரி மாநிலத்தில் தமிழக வெற்றிக் கழகத்தின் அன்றாடப் செயல்பாடுகளையும் ஒருங்கிணைக்க, அம்மாநிலத்திற்கென புதியதாக நிர்வாகக் குழு நியமிக்கப்படுகிறது. இந்தக் குழு பற்றிய விவரம் வருமாறு.

புதுச்சேரி தவெக நிர்வாக குழு

A. சையத் முகமது காசிம், K.புதியவன், V.சாமிநாதன் Ex. MLA, K.A.U.அசனா Ex. MLA, I.பெரியசாமி Ex.MLA, VJ.சந்திரன் Rtd., IG, AG.வலந்தன், R. நிரேஷ் குமார், U. ராமு, N.மணிபாலன், V.பிரதீபன், S.பிரபு, S.ராஜசேகர், N.சந்திரசேகரன், M.K.சத்யா, K.செந்தில் குமார், N.வசந்தராஜா, M.சரவணன், A.சந்திரபாலன், B.யூசப். P.வேல்முருகன், A.விஜி, T.சுகுமார், திரு. K.பாரதிதாசன், திரு. S.பிரான்சிஸ், J.கிளார் பேட்ரிக், M.மணிகண்டன், G.குமரவேல், B.பாலாசுதாகர், M.பிரிஜேஷ் ஆகியோர் புதுச்சேரி நிர்வாக குழுவினராக நியமிக்கப்படுகிறார்கள்.

புதிய நிர்வாகக் குழு

எனது உத்தரவு மற்றும் வழிகாட்டுதலின்படி, பொதுச் செயலாளருடன் இணைந்து, இயங்கும் இந்தப் புதிய நிர்வாகக் குழுவிற்குக் கழக நிர்வாகிகள், தோழர்கள் அனைவரும் முழு ஒத்துழைப்பு நல்குமாறு அன்புடன் கேட்டுக்கொள்கிறேன். இந்த நேரத்தில் உங்களுடன் இன்னொரு மகிழ்ச்சியான செய்தியைப் பகிர்ந்துகொள்ள விரும்புகிறேன்.

நல்லதே நடக்கும்

2026 தமிழ்நாடு சட்டமன்றப் பொதுத் தேர்தலில் போட்டியிடும் நமது தமிழக வெற்றிக் கழகத்திற்குத் தேர்தல் ஆணையம் வெற்றிச் சின்னமான விசில் சின்னத்தை ஒதுக்கியிருப்பதை அனைவரும் அறிவீர்கள். தற்போது புதுச்சேரி மாநிலத்திற்கும் அதே விசில் சின்னத்தைத் தேர்தல் ஆணையம் நமக்கு ஒதுக்கியிருக்கிறது என்பதையும் மகிழ்ச்சியோடு தெரிவித்துக்கொள்கிறேன். நல்லதே நடக்கும் வெற்றி நிச்சயம்" என்று கூறியுள்ளார்.

English summary

TVK Vijay: 2026 assembly election will be declared soon for Tamilnadu and Puducherry. Vijay formed TVK administrative team for Puducherry after Whistle symbol allotment.