கிங்-கும் இல்லை.. கிங் மேக்கரும் இல்லை.. விஜய் ‘ஜஸ்ட்’ ஒரு சத்தமா? ஸ்டாலின் ‘ரிப்பீட்’.. தவெக ஷாக்
சென்னை: கோலிவுட் பாக்ஸ் ஆபீஸில் வசூல் சக்கரவர்த்தியாக வலம் வரும் விஜய், அரசியலில் 'கிங்' ஆக வருவார் அல்லது குறைந்தபட்சம் ஆட்சியைத் தீர்மானிக்கும் 'கிங் மேக்கர்' ஆக உருவெடுப்பார் என அவரது ரசிகர்கள் கனவு கண்டனர். ஆனால்,அக்னி நியூஸ் எனப்படும் ANS நிறுவனத்தின் லேட்டஸ்ட் கருத்துக் கணிப்பு முடிவுகள் அந்தக் கனவில் ஒரு பெரிய இடியை இறக்கியிருக்கின்றன.
2026 சட்டமன்றத் தேர்தல் களத்தில் விஜய் ஒரு 'பெரிய தாக்கத்தை' ஏற்படுத்துவார் என்ற எதிர்பார்ப்பு பொய்த்துப்போகும் சூழலே தற்போது நிலவுகிறது.
சறுக்கும் 'விஜய்' கிராஃப்!
கருத்துக் கணிப்பின்படி, தமிழக வெற்றி கழகத்தின் (தவெக) வாக்கு வங்கி 9.7% மட்டுமே. இது ஒரு புதிய கட்சிக்கு நல்ல தொடக்கம் என்று சொல்லப்பட்டாலும், ஆட்சி அதிகாரத்தைக் கைப்பற்றவோ அல்லது ஒரு கூட்டணியைத் தீர்மானிக்கவோ போதுமான பலம் இல்லை என்பது தெளிவாகிறது.
இந்த சர்வே முடிவுகளின்படி, ஆளுங்கட்சியான திமுக தனது செல்வாக்கை மீண்டும் ஒருமுறை நிலைநாட்டியுள்ளது.
திமுக கூட்டணி: 44.9% வாக்குகளை பெறும் என்று ANS நிறுவனம் கருத்து கணிப்பில் கூறி உள்ளது.
அதிமுக + NDA கூட்டணி: 38.5%வாக்குகளை பெறும் என்று ANS நிறுவனம் கருத்து கணிப்பில் கூறி உள்ளது.
தமிழக வெற்றிக் கழகம் (தவெக): 9.7% வாக்குகளை பெறும் என்று ANS நிறுவனம் கருத்து கணிப்பில் கூறி உள்ளது.
நாம் தமிழர் கட்சி (நாதக): 4.8% வாக்குகளை பெறும் என்று ANS நிறுவனம் கருத்து கணிப்பில் கூறி உள்ளது.
மற்றவை: 2.1% பெறும் என்று ANS நிறுவனம் கருத்து கணிப்பில் கூறி உள்ளது.
பிப்ரவரி 7 முதல் மார்ச் 12 வரையிலான காலகட்டத்தில், தமிழகம் முழுவதும் மேற்கொள்ளப்பட்ட இந்த விரிவான ஆய்வின் முடிவுகள் இது என்று அறிவிக்கப்பட்டு உள்ளது.
கிங் (King): 180-க்கும் மேற்பட்ட தொகுதிகளில் திமுக கூட்டணி வெற்றி பெறும் எனத் தெரிவதால், விஜய் 'கிங்' ஆவதற்கான வாய்ப்பு இப்போதைக்குத் தென்படவில்லை.
கிங் மேக்கர் (King Maker): திமுக தனிப்பெரும் மெஜாரிட்டியுடன் (118-ஐத் தாண்டி 180 வரை) வருவதால், ஆட்சியமைக்க யாருடைய தயவும் ஸ்டாலினுக்குத் தேவைப்படாது. இதனால் விஜய்யின் 'கிங் மேக்கர்' கனவும் கலைந்துபோகிறது.
ஒரு சில இடங்களில் 'சத்தம்'... மற்றபடி 'சைலண்ட்'!
இந்தக் கணிப்பின்படி, தவெக ஒரு சில குறிப்பிட்ட நகர்ப்புறத் தொகுதிகளிலும், இளைஞர்கள் அதிகம் உள்ள ஏரியாக்களிலும் ஓரளவுக்கு வாக்குகளைப் பிரித்து 'சத்தம்' போடக்கூடும். ஆனால், அந்தச் சத்தம் தேர்தல் முடிவுகளைப் புரட்டிப்போடும் அளவுக்குப் பேரிரைச்சலாக இருக்காது என்கிறார்கள் அரசியல் நோக்கர்கள்.
விஜய்யின் தற்போதைய நிலை:
வாக்குச் சிதறல்: விஜய்யால் பிரிக்கப்படும் வாக்குகள், ஆளுங்கட்சியையோ அல்லது பிரதான எதிர்க்கட்சியையோ வீழ்த்தும் அளவுக்குப் போதுமானதாக இல்லை.
கட்டமைப்பு குறைபாடு: ஒரு 'சிறிய கட்சி' (Small Party) என்ற லேபிளைத் தாண்டி, பட்டிதொட்டியெங்கும் கிளைகளைப் பரப்ப இன்னும் பல ஆண்டுகள் உழைக்க வேண்டியிருக்கும் என்பதை இந்த 9.7% உணர்த்துகிறது.
ஸ்டாலின் 'மேஜிக்'... மீண்டும் கோட்டையில் திமுக!
அரசுக்கு எதிரான 'ஆன்டி-இன்கம்பன்சி' (Anti-incumbency) ஓரளவுக்கு இருந்தாலும், முதலமைச்சர் வேட்பாளராக ஸ்டாலினுக்கே மக்கள் அதிக ஆதரவு தெரிவித்துள்ளனர். 44.9% வாக்கு வங்கி என்பது திமுக கூட்டணிக்கு ஒரு மிகப்பெரிய பாதுகாப்பு அரணாக மாறியுள்ளது. நலத்திட்டங்கள் மற்றும் ஆளுமைத் திறன் ஆகியவற்றால் திமுக மீண்டும் ஆட்சியைத் தக்கவைக்கும் என ANS சர்வே அடித்துக் கூறுகிறது.
முடிவுரை: சினிமாவைத் தாண்டாத அரசியல்?
விஜய் அரசியலுக்கு வருவதாக அறிவித்தபோது கிளம்பிய 'ஹைப்', தற்போது கள எதார்த்தத்தில் மெல்ல மெல்லக் குறைந்து வருவதாகவே தெரிகிறது. 2026-ல் ஒரு சில இடங்களில் மட்டும் சலசலப்பை ஏற்படுத்திவிட்டு, ஒரு சிறிய கட்சியாகவே தவெக முடங்கிவிடுமா? அல்லது இந்தக் கணிப்புகளைப் பொய்யாக்கி விஜய் ஏதேனும் 'அதிசயம்' செய்வாரா? காலம்தான் பதில் சொல்ல வேண்டும்!
Click it and Unblock the Notifications
Sign in with Google