UPSC Jobs: ஐஏஎஸ், ஐபிஎஸ் அதிகாரி ஆகணுமா? வந்தாச்சு அறிவிப்பு.. 933 பணியிடங்கள்.. யுபிஎஸ்சி அப்டேட்

Updated: Thursday, February 5, 2026, 9:54 [IST]

Subscribe to Oneindia Tamil

சென்னை: யுபிஎஸ்சி (UPSC Jobs) எனப்படும் மத்திய அரசு பணியாளர் தேர்வு ஆணையம் ஐஏஎஸ், ஐபிஎஸ் அதிகாரி பணியிடங்களை நிரப்புவதற்கான அறிவிப்பினை வெளியிட்டுள்ளது. மொத்தம் 933 காலிப்பணியிடங்கள் நிரப்பப்பட உள்ளது. இது குறித்து விவரங்களை பார்க்கலாம்.

ஐஏஎஸ், ஐபிஎஸ் அதிகாரிகள் ஆகி நாட்டு மக்களுக்கு சேவை செய்ய வேண்டும் என்பது இளைஞர்களின் பெரும் லட்சியமாக இருக்கும். பள்ளி பருவத்திலேயே ஐஏஎஸ் கனவுடன் பல மாணவ - மாணவிகள் இருப்பதை பார்க்க முடியும்.

933 காலிப்பணியிடங்கள்

அதிகாரமிக்க பதவி, மக்களுக்கு நேரடியாக சேவை செய்ய முடியும் என்பதால், ஐஏஎஸ், ஐபிஎஸ் என்பது நாம் நாட்டில் படித்து முடித்து வேலை தேடும் இளைஞர்களுக்கு முதன்மை லட்சியமாக உள்ளது. யுபிஎஸ்சி எனப்படும் மத்திய அரசு பணியாளர் தேர்வு ஆணையம் இதற்கான தேர்வை நடத்துகிறது.

இந்த ஆண்டுக்கான தேர்வு அறிவிப்பினை யுபிஎஸ்சி வெளியிட்டுள்ளது. ஐ.ஏ.எஸ், ஐபிஎஸ் உள்ளிட்ட பிரிவுகளில் 933 காலியிடங்கள் நிரப்பப்படுகின்றன. இது பற்றிய விவரங்களை பார்க்கலாம்.

பணியிடங்கள் விவரம்:

* இந்திய ஆட்சிப் பணி(ஐஏஎஸ்)
* இந்திய வெளியுறவுப் பணி(ஐஎப்எஸ்)
* இந்தியக் காவல் பணி(ஐபிஎஸ்)
* இந்தியத் தணிக்கை மற்றும் கணக்குகள் சேவை, பிரிவு 'ஏ'
* இந்தியக் குடிமை கணக்குகள் சேவை, பிரிவு 'ஏ'

* இந்தியக் கூட்டுறவுச் சட்ட சேவை, பிரிவு 'ஏ'
* இந்தியப் பாதுகாப்பு கணக்குகள் சேவை, பிரிவு 'ஏ'
* இந்தியப் பாதுகாப்பு நிலச் சேவை, பிரிவு 'ஏ'
* இந்தியத் தகவல் சேவை, பிரிவு 'ஏ'
* இந்திய அஞ்சல் சேவை, பிரிவு 'ஏ'

* இந்திய இரயில்வே பாதுகாப்புப் படை சேவை, பிரிவு 'ஏ'
* இந்திய வருவாய்த் துறை சேவை (சுங்கம் மற்றும் மறைமுக வரிகள்) பிரிவு 'ஏ'
* இந்திய வருவாய்த் துறை சேவை (வருமான வரி) பிரிவு 'ஏ'
* புதுச்சேரி குடிமைப் பணி, பிரிவு 'பி'
* புதுச்சேரி காவல் பணி, பிரிவு 'பி' என மொத்தம் 23 பதவிகளில் 933 காலியிடங்கள் உள்ளன.

கல்வித் தகுதி:

அங்கீகரிக்கப்பட்ட கல்வி நிலையத்தில் இருந்து ஏதேனும் ஒரு பாடப்பிரிவில் பட்டம் பெற்று இருக்க வேண்டும்.

வயது வரம்பு:

வயது வரம்பை பொறுத்தவரை 24.02.2026- தேதிப்படி 21 வயது பூர்த்தியாகியிருக்க வேண்டும். 32 வயதுக்கு மிகாமல் இருக்க வேண்டும். அதாவது 1994 ஆகஸ்ட் 2 ஆம் தேதிக்கு முன்போ, ஆகஸ்ட் 2005 க்கு பிறகோ பிறந்தவராக இருக்க கூடாது.

அரசு விதிகளின் படி வயது உச்ச வரம்பில் அளிக்கப்படும். எஸ்சி/எஸ்டி பிரிவினருக்கு 5 ஆண்டுகளும், ஓபிசி பிரிவினருக்கு 3 ஆண்டுகளும், பொதுப்பிரிவு மாற்றுத்திறனாளிகளுக்கு 10 ஆண்டுகளும் என தளர்வுகள் அளிக்கப்படும்.

தேர்வு முறை:

முதன்மை தேர்வு / மெயின் தேர்வு மற்றும் நேர்முகத் தேர்வு அடிப்படையில் தேர்வு செய்யப்படுவார்கள். தேர்வு மையங்கள் நாடு முழுவதும் அமைக்கப்படும். தமிழகத்தில் முதன்மை தேர்வுகள் சென்னை, கோவை, மதுரை, திருச்சி, வேலூர், ஆகிய நகரங்களில் நடத்தப்படும். முதன்மை தேர்வு சென்னையில் மட்டும் நடைபெறும்.

விண்ணப்ப கட்டணம்:

விண்ணப்ப கட்டணமாக ரூ.100 செலுத்த வேண்டும். பெண்கள்/எஸ்சி/எஸ்டி/ பொதுப்பிரிவு மாற்றுத்திறனாளிகள் உள்ளிட்டோருக்கு கட்டணம் கிடையாது. https://upsc.gov.in/ என்ற இணையதளம் வாயிலாக விண்ணப்பிக்கலாம்.
ஆன்லைன் விண்ணப்ப பதிவு 04.02.2026 தொடங்கும். விண்ணப்ப பதிவு கடைசி நாள்: -24.02.2026 ஆகும். தேர்வு நடைபெறும் நாள்; 25.05.2026 ஆகும்.

தேர்வு அறிவிப்பினை படிக்க; https://upsc.gov.in/sites/default/files/Notif-CSP-26-Engl-040226.pdf