தமிழக பாஜகவின் அடுத்த தலைவரே... வானதி சீனிவாசனுக்கு இப்பவே குவியும் வாழ்த்துகள்!
Recommended Video
சென்னை: தமிழக பாஜகவின் அடுத்த தலைவரே வாழ்த்துகள் என அக்கட்சி பொதுச்செயலாளர் வானதி சீனிவாசனுக்கு ட்விட்டரில் அவரது ஆதரவாளர்கள் வாழ்த்து தெரிவித்து வருகின்றனர். அதனால் அடுத்த தமிழக பாஜக தலைவராகும் வாய்ப்பு வானதி சீனிவாசனுக்கா? என்கிற கருத்து விவாதிக்கப்பட்டு வருகிறது.
தமிழக பாஜக தலைவராக இருந்த தமிழிசை சவுந்தரராஜன், தெலுங்கானா மாநில ஆளுநராக நியமிக்கப்பட்டுள்ளார். சட்டசபை, லோக்சபா தேர்தல்கள் போட்டியிட்டு அடுத்தடுத்து தோல்வியை சந்தித்தவர் தமிழிசை.
ஆனால் தமிழகத்தில் பாஜக என்கிற கட்சி இருப்பதை ஊடக பேட்டிகள் மூலம் தொடர்ந்து நிலைநிறுத்தி வந்தவர் தமிழிசை. உட்கட்சியில் மிகக் கடும் எதிர்ப்புகள் இருந்த போதும் தமிழகத்தில் தாமரை மலர்ந்தே தீரும் என இடைவிடாமல் பேசியதால்தான் தமிழிசைக்கு பாஜக மேலிடம் இப்படி ஒரு மதிப்பளித்திருக்கிறது.
அல்லல்போம் வல்வினைபோம் அன்னைவயிற்றில் பிறந்த
— Vanathi Srinivasan (@VanathiBJP) September 2, 2019
தொல்லைபோம்
போகாத் துயரம்போம் நல்ல
குணமதிக மாம்
அருணைக் கோபுரத்தில் மேவும்
கணபதியைக் கைதொழுதக் கால்...
அனைவருக்கும் #விநாயகர்சதுர்த்தி நல்வாழ்த்துக்கள் pic.twitter.com/7y8LDt3k7d
தமிழிசைக்கு இணையாக பாஜகவில் செயல்பாடுகளை வெளிப்படுத்தியவர் வானதி சீனிவாசன். மேற்கு மண்டலத்தில் தமது செல்வாக்கை வெளிப்படுத்த ஒவ்வொரு முறையும் முயன்று வருகிறார். ஆனால் அவருக்கு சரியான வாய்ப்பு கிடைக்கவில்லை என்பது ஆதரவாளர்களின் நீண்டநாள் ஆதங்கம்.
இந்நிலையில் தமிழிசைக்கு அடுத்து யார் தமிழக பாஜக தலைவர் என்கிற விவாதம் நடைபெற்று வருகிறது. இதில் வானதி சீனிவாசன் பெயரும் அடிபடுகிறது. இந்நிலையில் இன்று தமது ட்விட்டர் பக்கத்தில் ஆதரவாளர்களுக்கு விநாயகர் சதுர்த்தி வாழ்த்துகளை வானதி சீனிவாசன் தெரிவித்திருந்தார்.
இப்பதிவில் தமிழக பாஜகவின் அடுத்த தலைவரே! வாழ்த்துகள் என அவரது ஆதரவாளர்கள் அடுத்தடுத்து பதிவு செய்து வருகின்றனர். இதனால் வானதி சீனிவாசனுக்குத்தான் தமிழக பாஜக தலைவர் வாய்ப்பு கிடைக்குமோ என்கிற கருத்து விவாதிக்கப்பட்டு வருகிறது.
Click it and Unblock the Notifications
Sign in with Google