ரஷ்யாவிலிருந்து திருமாவளவனுக்கு வந்த அழைப்பு! விமான டிக்கெட் ரெடி! இன்றிரவு பயணம்! பின்னணி என்ன?
சென்னை: விடுதலை சிறுத்தைகள் கட்சித் தலைவர் திருமாவளவன் ஒரு வார கால பயணமாக இன்றிரவு ரஷ்யா புறப்பட்டுச் செல்கிறார்.
இதையடுத்து அவரை வாழ்த்தி வழியனுப்பி வைக்க விடுதலை சிறுத்தைகள் கட்சியின் முக்கிய நிர்வாகிகள் சென்னையில் முகாமிட்டுள்ளனர்.
தனிப்பட்ட பயணமாக அல்லாமல் அங்கு நடைபெறும் நிகழ்ச்சி ஒன்றில் சிறப்பு விருந்தினராக அழைக்கப்பட்டு அதன் பேரில் அங்கு கலந்துகொள்ளச் செல்கிறார் திருமாவளவன்.
விசிக தலைவர்
விடுதலை சிறுத்தைகள் கட்சித் தலைவர் திருமாவளவன் அண்மைக்காலமாக தனது
அரசியல் பயணங்களை அண்டை மாநிலங்களிலும் மேற்கொண்டு வருகிறார். தமிழகத்தின் வடமாவட்டங்களில் மட்டும் அரசியல் செய்து வந்தால் அது வேலைக்கு ஆகாது என்பதை
உணர்ந்து, இப்போது கர்நாடகா, ஆந்திரா, கேரளா, மும்பை என பல மாநிலங்களுக்கு பயணம் செய்து அங்கு விசிகவின் அமைப்பை நிறுவி வருகிறார். இதேபோல் அரசியலை கடந்து பொது நிகழ்ச்சிகளிலும் அதிகம் பங்கேற்கத் தொடங்கியுள்ளார்.
ரஷ்யா பயணம்
சமீபத்தில் கூட கோவாவில் நடைபெற்ற தேசிய பல் மருத்துவர்கள் மாநாட்டில் சிறப்பு அழைப்பாளராக கலந்துகொண்டு மிக அதிக செயலாற்றல் மிக்க நாடாளுமன்ற உறுப்பினர் என்ற விருதை பெற்றார். அதைத் தொடர்ந்து இப்போது அவருக்கு ரஷ்யாவிலிருந்து வந்துள்ள அழைப்பை ஏற்று இன்றிரவு சென்னையிலிருந்து ரஷ்யாவின் கசான் நகருக்கு புறப்பட்டுச் செல்கிறார். உலக ஹலால் தின
மாநாட்டில் சிறப்புரை ஆற்றும் அவர் ரஷிய இஸ்லாமிய உலக கசான் சம்மிட்டிலும் கலந்துகொண்டு பேசவிருக்கிறார்.
ஒரு வார காலம்
ரஷ்யாவில் ஒரு வார காலம் தங்கும் திருமாவளவன் அங்கு தமிழர் அமைப்புகளையும் சந்தித்து பேசவிருப்பதாக தெரிவிக்கப்படுகிறது. ரஷ்ய பயணத்திற்காகவும் அங்கு நிகழ்ச்சிகளில் பங்கேற்கும் போது அணிவதற்காகவும் திருமாவளவனுக்கு பிரத்யேக முறையில் கோட் சூட்கள் அண்மையில் வாங்கப்பட்டது குறிப்பிடத்தக்கது.
முக்கிய நிர்வாகிகள்
திருமாவளவனை சென்னை விமான நிலையத்தில் வாழ்த்தி வழியனுப்பி வைக்க விடுதலை சிறுத்தைகள் கட்சியின் முக்கிய நிர்வாகிகள் சென்னையில் முகாமிட்டுள்ளனர்.
இதனிடையே இந்தப் பயணம் தொடர்பான தகவல் முறைப்படி ஏற்கனவே நாடாளுமன்ற சபாநாயகர் ஓம் பிர்லாவிடம் திருமாவளவன் தெரிவித்துள்ளதாக கூறப்படுகிறது.
Click it and Unblock the Notifications
Sign in with Google