திமுக-வை ஓரம்கட்டும் விஜய்-ன் புதிய வளர்ச்சி மாடல்.. கே.ஜி.அருண்ராஜ் சொன்ன முக்கிய விஷயம்!

விஜய் தலைமையிலான அரசின் மீது இருந்த மிக முக்கியமான கேள்வியும், விமர்சனமும் என்னவென்றால் முந்தைய திமுக அரசு போல் தமிழ்நாட்டின் பொருளாதார வளர்ச்சியை 11 சதவீதம் அளவில் வளர்ச்சி பாதையில் வைத்திருக்க முடியுமான என்பது தான்?

இந்த நிலையில் விஜய் தலைமையிலான தமிழ்நாட்டின் புதிய அரசின் முதல் முக்கியமான கருத்தாக, தவெக கட்சி அமைச்சர் கே.ஜி.அருண்ராஜ் இன்று அளித்த பேட்டியில் மாநிலத்தின் தொழில் மற்றும் முதலீட்டு கொள்கைகள் குறித்து தெளிவான கண்ணோட்டத்தை அறிவித்தார்.

முதலமைச்சர் விஜயின் வாக்குறுதி

அமைச்சர் அருண்ராஜ் தனது பேட்டியில், "நமது தலைவர் ஒரு சரியான தொழில் நட்பு சூழலை, மனித நேயத்துடன் உருவாக்க வாக்குறுதி அளித்துள்ளார்" என்று குறிப்பிட்டார். இதன் மூலம், பழைய கொள்கைகளை வெறுமனே தொடர்வது மட்டுமல்லாமல், தொழில் செய்பவர்களுக்கு இன்னும் சிறந்த வசதிகளை உருவாக்கி, வர்த்தகம் செய்வதை மிகவும் எளிதாக்கும் நடவடிக்கைகள் எடுக்கப்படும் என்று தெரிவித்தார். இந்த அணுகுமுறை, தமிழ்நாட்டை தொழில் முதலீட்டாளர்களுக்கு மிகவும் ஈர்க்கும் மாநிலமாக மாற்றும் என எதிர்பார்க்கப்படுகிறது.

இதன் மூலம் தொழில் வளர்ச்சியையும் முதலீடுகளையும் ஊக்குவிக்கும் அதே நேரத்தில், தொழிலாளர்களின் நலன், சுற்றுச்சூழல் பாதுகாப்பு மற்றும் பொதுமக்கள் நட்பான நிர்வாகத்தை சமநிலைப்படுத்தும் 'மனித நேய மையப்படுத்திய' பொருளாதார மாடலை செயல்படுத்த விரும்புவதாக தெரிகிறது. இது தமிழ்நாட்டின் பொருளாதார வளர்ச்சிக்கு 'Human-Centric Capitalism' Model என்ற புதிய பாதையை திறக்கும் என எதிர்பார்க்கப்படுகிறது.

முதலீடுகளை ஈர்க்கும் தொடர் முயற்சிகள்

தமிழ்நாடு அரசு, பல்வேறு தொழில் துறைகளில் புதிய முதலீடுகளை ஈர்ப்பதற்கான திட்டங்களை தொடர்ந்து செயல்படுத்தும் என்று அமைச்சர் அருண்ராஜ் வலியுறுத்தினார். மாநிலத்தின் தொழில் வளர்ச்சியை மேம்படுத்துவதன் மூலம், உள்ளூர் பொருளாதாரத்தை வலுப்படுத்தவும், வேலைவாய்ப்புகளை அதிகரிக்கவும் உதவும் என்று அவர் சுட்டிக்காட்டினார்.

புதிய அரசின் முதல் செய்தி

முதலமைச்சர் விஜய் பொறுப்பேற்ற பிறகு, அரசின் சார்பில் வெளியாகும் முதல் முக்கியமான கருத்தாக இந்த பேட்டி அமைந்துள்ளது. "வெறும் கொள்கை தொடர்ச்சி மட்டுமல்ல, வியாபாரம் செய்வதற்கான சூழலை (ease of doing business) இன்னும் சிறப்பாக்குவோம்" என்ற செய்தியை அமைச்சர் அருண்ராஜ் தனது பேட்டியில் தெளிவாக தெரிவித்துள்ளார்.

அருண்ராஜ் கருத்து தமிழ்நாட்டில் புதிதாக முதலீடு செய்ய வரும் மக்களுக்கும், தமிழ்நாட்டில் தொழில் துறையில் ஈடுபட்டுள்ளவர்கள் மற்றும் புதிய முதலீட்டாளர்கள் மத்தியில் நம்பிக்கையை ஏற்படுத்தியுள்ளது.

தவெக தலைவராக விஜய் கொடுத்த தேர்தல் வாக்குறுதியில் முக்கியமானது தமிழ்நாட்டின் பொருளாதார மதிப்பை 1.5 டிரில்லியன் டாலராக 2036ஆம் ஆண்டுக்குள் உயர்த்த வேண்டும் என்பது தான். தமிழ்நாடு அரசின் இந்த புதிய அணுகுமுறை, மாநிலத்தின் பொருளாதார வளர்ச்சிக்கு பெரும் உதவியாக அமையும் என்று எதிர்பார்க்கப்படுகிறது.

English summary

Tamil Nadu’s new Vijay-led government has promised stronger industrial growth with a “human-centric capitalism” approach that balances investments, jobs, labour welfare and ease of doing business. Minister K.G. Arunraj’s first major statement signals policy continuity with a sharper focus on investor confidence and sustainable economic expansion. முதல்வர் விஜய் தலைமையிலான அரசு, தொழில் வளர்ச்சியையும் மனிதநேய நிர்வாகத்தையும் இணைக்கும் “Human-Centric Capitalism” மாடலை முன்னிறுத்தியுள்ளது.