விஜய்யின் ஜனநாயகன் படம் ரிலீஸ் ஒத்தி வைப்பு.. மலேசியா உள்பட 39 நாடுகளில் 9 ஆம் தேதி வெளியாகாது!
சென்னை: விஜய்யின் ஜனநாயகன் திரைப்படம் வரும் 9 ஆம் தேதி வெளியாகும் என அறிவிக்கப்பட்டிருந்த நிலையில் இதுவரை சென்சார் சான்றிதழ் கிடைக்கவில்லை என்பதால்
ஐரோப்பிய நாடுகள் மற்றும் மலேசியாவில் விஜய்யின் ஜனநாயகன் திரைப்படம் ரிலீஸ் ஒத்தி வைக்கப்பட்டுள்ளதாக அறிவிப்பு வெளியாகி உள்ளது.
இங்கிலாந்து, பிரான்ஸ், ஜெர்மனி, இத்தாலி, ரஷ்யா என ஐரோப்பிய நாடுகளில் படம் 9 ஆம் தேதி வெளியாகாது எனவும் ஜனநாயகன் ரிலீஸ் ஒத்திவைக்கப்பட்டுள்ளதாகவும் ஐரோப்பாவில் வெளியிடும் ஆர் எஃப் டி ஃபிலிம்ஸ் இந்த தகவலை தெரிவித்துள்ளது. மேலும் ”இறுதி பாய்ச்சலுக்கு முன்பு சிங்கம் கூட இரண்டு அடிகள் பின்னோக்கி வைக்கும்” என்றும் பதிவிட்டுள்ளது. இதேபோல் மலேசியாவிலும் ஜனநாயகன் படம் ஒத்திவைக்கப்பட்டுள்ளதாக அறிவிக்கப்பட்டுள்ளது.
விஜய்யின் ஜனநாயகன் திரைப்படம்
கேவிஎன் புரோடெக்சன்ஸ் நிறுவனம் தயாரிப்பில், ஹெச் வினோத் இயக்கத்தில், நடிகரும் தமிழக வெற்றிக் கழகத் தலைவருமான விஜய்யின் நடிப்பில் உருவாகியுள்ள படம் ஜனநாயகன். இந்த திரைப்படம் வரும் 9 ஆம் தேதி வெளியாகும் என படக்குழு அதிகாரப்பூர்வமாக அறிவித்து இருந்தது. மலேசியாவில் இந்த படத்தின் இசை வெளியீட்டு விழா நடந்தது. தொடர்ந்து டிரெய்லரும் வெளியாகி மக்களிடையே வரவேற்பை பெற்றது.
விஜய் ரசிகர்களும் அவரது கடைசிப் படம் என்பதால் கொண்டாட்டத்துக்கு தயாராகி வந்தனர். படம் ரிலீஸ் ஆக இன்னும் இரண்டு நாட்கள் மட்டுமே இருப்பதால் தியேட்டர்களிளும் டிக்கெட் முன்பதிவானது தொடங்கப்பட்டது. இதன்படி தற்போது தமிழக தியேட்டர்களில் ஆன்லைனில் டிக்கெட் முன்பதிவு நடந்து வந்தது.
ஆனால் படத்துக்கு இன்னும் சென்சார் சான்றிதழ் கிடைக்காததால் தற்போது 9 ஆம் தேதி வெளியாகுமா இல்லையா என எதிர்பார்ப்பு நிலவி வருகிறது. வரும் 9 ஆம் தேதி தான் சென்னை உயர் நீதிமன்றம் ஜனநாயகன் படத்திற்கான சென்சார் வழக்கில் தீர்ப்பு அளிக்க உள்ளது.
9 ஆம் தேதி படம் வெளியாகாது
இந்த நிலையில் உள்ளூரில் வெளியாகாமால் வெளிநாடுகளில் மட்டும் ரிலீஸ் ஆனால் அது தயாரிப்பாளருக்கு கடும் நஷ்டத்தை ஏற்படுத்தும் என்பதால் தற்போது 39 நாடுகளில் விஜய்யின் ஜனநாயகன் படம் ஒத்தி வைக்கப்பட்டுள்ளதாக தகவல் அறிவிக்கப்பட்டு உள்ளது. ஐரோப்பிய நாடுகளில் வரும் 9 ஆம் தேதி படம் வெளியாகாது என ஐரோப்பாவில் வெளியிடும் ஆர் எஃப் டி ஃபிலிம்ஸ் இந்த தகவலை தெரிவித்துள்ளது.
இங்கிலாந்து, பிரான்ஸ், ஜெர்மனி, இத்தாலி, ரஷ்யா என 39 நாடுகளில் படம் 9 ஆம் தேதி வெளியாகாது எனவும், "இறுதி பாய்ச்சலுக்கு முன்பு சிங்கம் கூட இரண்டு அடிகள் பின்னோக்கி வைக்கும்" என்றும் பதிவிட்டுள்ளது.
மலேசியாவிலும் ஒத்தி வைப்பு
இதனை தொடர்ந்து மலேசியாவிலும் விஜய்யின் ஜனநாயகன் படம் ஒத்தி வைக்கப்படுவதாக அறிவிப்பு வெளியாகி உள்ளது. சென்சார் சான்றிதழ் கிடைக்காததால் வரும் 9 ஆம் தேதி ரிலீஸ் ஆகாது என தகவல் வெளியாகி உள்ளது. கேவிஎன் புரொடெக்ஷன் சார்பில் இதுவரை எந்த ஒரு அறிவிப்பும் வெளியாகவில்லை.
படத்திற்கு சென்சார் சான்றிதழ் வழங்கப்படாததால் வரும் 9 ஆம் தேதி படம் ரிலீஸ் ஆவது ஒத்தி வைக்கப்பட்டுள்ளதால் ஐரோப்போ நாடுகளில் உள்ள விஜய் ரசிகர்கள் ஏமாற்றமடைந்துள்ளனர்.
Click it and Unblock the Notifications
Sign in with Google