அடுத்த எம்ஜிஆர்! விஜய் பலமாக உருவாக்கும் "நரேட்டிவ்".. செங்கோட்டையனை வைத்து ஏவப்படும் பிரம்மாஸ்திரம்

Updated: Thursday, November 27, 2025, 9:39 [IST]

Subscribe to Oneindia Tamil

சென்னை: தான்தான் அடுத்த MGR என்று கருத்துருவை விஜய் உருவாக்க முயன்று வருகிறார். இதற்காக மேடைக்கு மேடை எம்ஜிஆர் பற்றி பேசி வருகிறார். தற்போது செங்கோட்டையனின் வருகை விஜயின் இந்த திட்டத்திற்கு வலுசேர்க்கும் என்று எதிர்பார்க்கப்படுகிறது.

விஜய்யின் 'தமிழக வெற்றிக் கழகம்' (TVK) கட்சி தொடங்கிய நாட்களில் இருந்தே அவரது அரசியல் நகர்வுகள் உன்னிப்பாக கவனிக்கப்பட்டு வருகின்றன. தனது பொதுக்கூட்டங்களில் முன்னாள் முதல்வர் எம்.ஜி. ராமச்சந்திரனைப் (MGR) பற்றி விஜய் அடிக்கடி பேசி வருகிறார். எம்.ஜி.ஆரைப் போலவே தானும் திமுகவை ஆட்சியில் இருந்து அகற்றிவிட்டு, தமிழக முதல்வராவேன் என்று அவர் தொடர்ந்து கூறி வருகிறார்.

விஜய்க்கு உதவும் செங்கோட்டையன்

இந்த ஒப்பீடு அவரது அரசியல் திட்டத்தின் முக்கிய அங்கமாக மாறி, எம்.ஜி.ஆரின் மீது ஈர்ப்பு கொண்ட பாரம்பரிய வாக்காளர்களைச் சென்றடைய உதவும் என்று அவர் நினைக்கிறார். இந்த நிலையில், மூத்த அரசியல் தலைவர் செங்கோட்டையன் 'தமிழக வெற்றிக் கழகத்தில்' இணைவது , இந்த அரசியல் பிரச்சாரத்தை மேலும் வலுப்படுத்தும் என்று எதிர்பார்க்கப்படுகிறது.

செங்கோட்டையன் எம்.ஜி.ஆர் காலத்தைச் சேர்ந்த தலைவராகவும், தமிழக அரசியலில் நீண்டகால அனுபவம் கொண்டவராகவும் பார்க்கப்படுகிறார். எம்ஜிஆர் கண்டெடுத்தத் அரசியல் தலைவராக செங்கோட்டையன் பார்க்கப்படுகிறார். விஜய்யுடன் அவரது கூட்டணி, எம்.ஜி.ஆர் ஒரு காலத்தில் முன்னெடுத்த பாதையை 'தமிழக வெற்றிக் கழகம்' தொடர்கிறது என்ற கருத்துக்கு அதிக வலு சேர்க்கிறது. தற்போது செங்கோட்டையனின் வருகை விஜயின் இந்த திட்டத்திற்கு வலுசேர்க்கும் என்று எதிர்பார்க்கப்படுகிறது.

அடுத்த எம்ஜிஆர்

அரசியல் பார்வையாளர்களின் கூற்றுப்படி, கடந்த காலத்துக்கும் நிகழ்காலத்துக்கும் இடையே ஒரு நேரடித் தொடர்பை எடுத்துக்காட்ட விஜய், செங்கோட்டையனின் இருப்பைப் பயன்படுத்தலாம். எம்.ஜி.ஆர் காலத்தோடு தொடர்புடைய ஒரு தலைவருடன் இணைந்து செயல்படுவதன் மூலம், அதே தொலைநோக்குப் பார்வையையும், தலைமைத்துவப் பாணியையும் விஜய் பின்பற்றுகிறார் என்ற கருத்தை நிலைநிறுத்த முடியும். விஜய்தான் அடுத்த எம்ஜிஆர் என்று செங்கோட்டையன் வாயிலேயே சொல்ல வைத்தால் போதும்.

இது, மூத்த வாக்காளர்களையும், எம்.ஜி.ஆரின் மக்கள் நலன் சார்ந்த அரசியலை நம்புபவர்களையும் ஈர்க்க உதவும். முக்கியமாக தீவிர திமுக எதிர்ப்பாளர்கள், அதிமுக வாக்காளர்கள் விஜய் பக்கம் திரும்புவார்கள். அண்மைய பொதுக்கூட்டங்களில், சமூக நீதி, மக்கள் நலன் சார்ந்த ஆட்சி, வலுவான தலைமைத்துவம் போன்ற கருத்துகளை விஜய் ஏற்கனவே வலியுறுத்தி வருகிறார். செங்கோட்டையன் அவருடன் இருப்பதால், இந்தக் கருத்துகள் பொதுமக்களிடம் மேலும் நம்பகத்தன்மையைப் பெறலாம்.

செங்கோட்டையனுக்கு கொங்கு கிராமப்புறப் பகுதிகளில் செல்வாக்கு இருப்பதால், இந்த செயல் 'தமிழக வெற்றிக் கழகம்' கொங்கு கிராமப்புறங்களில் வலுவான வேர்களை உருவாக்க உதவும் என்று ஆதரவாளர்கள் நம்புகின்றனர். இருப்பினும், அரசியல் பாரம்பரியம் மட்டுமே தேர்தல் வெற்றியை உறுதிப்படுத்தாது என்று விமர்சகர்கள் வாதிடுகின்றனர்.

இந்தக் கருத்தை வாக்குகளாக மாற்ற, விஜய்க்கு தெளிவான கொள்கைகளும், வலுவான அமைப்பும் தேவை என்று அரசியல் வல்லுனர்கள் கூறுகின்றனர். அரசியல் களம் சூடுபிடித்துள்ள நிலையில், விஜய் தனது பிரச்சாரத்தை எவ்வாறு வடிவமைக்கிறார் என்பதையும், எம்.ஜி.ஆரின் பாரம்பரியத்தை எவ்வளவு திறம்படப் பயன்படுத்தி, தமிழக அரசியலில் அடுத்த முக்கியத் தலைவராக தன்னை நிலைநிறுத்திக் கொள்கிறார்.. அதற்கு செங்கோட்டையன் எப்படி எல்லாம் உதவுகிறார் என்பதையும் அரசியல் வல்லுனர்கள் உற்றுநோக்கி வருகின்றனர்.