தவெக விஜய்க்கு சான்ஸே இல்லை.. 3வது இடம்தான்.. ஆனால் அதிலும் பெரிய சறுக்கல்.. சுடசுட வெளியான சர்வே

சென்னை: தமிழக சட்டசபை தேர்தலில் விஜயின் தமிழக வெற்றிக் கழகம் கட்சி மிக மோசமாக சறுக்கலை சந்திக்கும் என்று அக்னி நியூஸ் சர்வீஸ் (Agni News Services) சர்வேயில் கூறப்பட்டு உள்ளது.

தமிழக அரசியல் களம் 2026 சட்டமன்றத் தேர்தலை நோக்கி மின்னல் வேகத்தில் நகர்ந்துகொண்டிருக்கிறது. கூட்டணிக் கணக்குகள், கொள்கைப் பிரகடனங்கள் ஒருபுறம் இருக்க, "யாருக்கு மக்கள் செல்வாக்கு?" என்ற கேள்விக்கு விடை தேடி அக்னி நியூஸ் சர்வீஸ் (Agni News Services) ஒரு மெகா சர்வேயை நடத்தியிருக்கிறது. அந்தப் புள்ளிவிவரங்கள் ஆளுங்கட்சிக்கு உற்சாகத்தையும், எதிர்க்கட்சிகளுக்கு யோசனையையும் கொடுத்திருக்கின்றன.

மண்டலங்களை வாரிச் சுருட்டும் தி.மு.க கூட்டணி!

அக்னி நியூஸ் கணிப்பின்படி, தமிழகத்தின் மொத்தமுள்ள 234 தொகுதிகளில், தி.மு.க கூட்டணி 180 இடங்களில் முன்னிலை பெற்று அசுர பலத்துடன் ஆட்சியைத் தக்கவைக்கும் எனக் கூறப்படுகிறது. பிரதான எதிர்க்கட்சியான அ.தி.மு.க கூட்டணி 54 இடங்களில் மட்டுமே முன்னிலை பெறுகிறது.

மண்டல வாரியாகப் பார்த்தால், தி.மு.க-வின் கோட்டையாகத் திகழும் சென்னை மண்டலத்தில் மொத்தமுள்ள 37 இடங்களில் 36-ஐ தி.மு.க தட்டிச் செல்கிறது. அ.தி.மு.க-விற்கு இங்கு வெறும் ஒரு இடம் மட்டுமே மிஞ்சுகிறது. அதேபோல், மத்திய மண்டலத்திலும் 37-ல் 35 இடங்களை தி.மு.க கைப்பற்றி தன் பிடியை வலுவாக்கியுள்ளது.

கொங்கு மண்டலம் (மேற்கு) மற்றும் வடக்கு மண்டலங்களில் அ.தி.மு.க ஓரளவுக்குப் போட்டி கொடுத்தாலும், அங்கும் தி.மு.க-வே முதலிடம் வகிக்கிறது. மேற்கு மண்டலத்தில் 50 இடங்களில் 32-ஐ தி.மு.க-வும், 18-ஐ அ.தி.மு.க-வும் பெறுகின்றன. வடக்கு மண்டலத்தில் 52 இடங்களில் 35-ஐ தி.மு.க-வும், 17-ஐ அ.தி.மு.க-வும் தட்டிச் செல்கின்றன. தென் மண்டலத்தைப் பொறுத்தவரை 58 தொகுதிகளில் தி.மு.க 42 இடங்களிலும், அ.தி.மு.க 16 இடங்களிலும் முன்னிலை வகிக்கின்றன.

வாக்கு சதவீதக் கணக்கு: விஜய்யின் 'தவெக' பாதிப்பு என்ன?

வாக்கு சதவீதப் பங்கீட்டில் தி.மு.க கூட்டணி 44.9% பெற்று முதலிடத்தில் நீடிக்கிறது. அ.தி.மு.க கூட்டணி 38.5% வாக்குகளைப் பெற்றுள்ளது. இதில் ஆச்சரியமான விஷயம் என்னவென்றால், புதிதாகக் களம் கண்டுள்ள நடிகர் விஜய்யின் தமிழக வெற்றிக் கழகம் (தவெக) 9.7% வாக்குகளைப் பெற்று மூன்றாவது இடத்தைப் பிடித்துள்ளது.

தவெக-வின் தாக்கம்: சென்னை மண்டலத்தில் தவெக அதிகபட்சமாக 10.9% வாக்குகளையும், மேற்கு மண்டலத்தில் 10.7% வாக்குகளையும் பெற்றுள்ளது. இது திராவிடக் கட்சிகளின் வாக்கு வங்கியில் ஒரு சிறிய சலனத்தை மட்டுமே ஏற்படுத்தியிருப்பதை உறுதி செய்கிறது.

நாதக நிலவரம்: சீமானின் நாம் தமிழர் கட்சி 4.8% வாக்குகளைப் பெற்றுள்ளது. குறிப்பாகச் சென்னையில் 5.6% மற்றும் தென் மண்டலத்தில் 5.4% வாக்குகளை அந்தக் கட்சி அறுவடை செய்கிறது.

மண்டல வாக்கு சதவீதம்: மத்திய மண்டலத்தில் தி.மு.க கூட்டணி மிக அதிகமாக 46.8% வாக்குகளைப் பெற்றுள்ளது. அ.தி.மு.க மேற்கு மற்றும் வடக்கில் தலா 40% வாக்குகளைப் பெற்று தன் செல்வாக்கை ஓரளவுக்குத் தக்கவைத்துள்ளது. மற்ற வேட்பாளர்கள் 2.1% வாக்குகளைப் பெறுகின்றனர்.

அக்னி நியூஸின் இந்தக் கணிப்பு, தி.மு.க கூட்டணிக்கு ஒரு 'க்ளீன் சிட்' கொடுத்தாலும், வாக்கு சதவீதத்தில் அ.தி.மு.க மற்றும் தவெக ஆகிய கட்சிகளின் ஒருங்கிணைந்த வளர்ச்சி ஆளுங்கட்சிக்குச் சிறு நெருக்கடியைத் தரலாம். ஆனால் தவெக பெரிதாக சாதிக்காது. குறிப்பாக, தவெக பெற்றுள்ள 9.7% வாக்குகள் வரும் நாட்களில் அதிகரிக்க வாய்ப்புள்ளதா அல்லது சிதறப்போகிறதா என்பதைப் பொறுத்தே அடுத்தகட்ட அரசியல் நகர்வுகள் அமையும்.

மண்டல வாரியாகப் பார்த்தால், சென்னை மண்டலத்தில் அதிகபட்சமாக 10.9 சதவீத வாக்குகளையும், மேற்கு மண்டலத்தில் 10.7 சதவீத வாக்குகளையும் தவெக பெறுகிறது. ஆனால், தென் மண்டலத்தில் 9.8 சதவீதமும், வடக்கு மண்டலத்தில் 9.1 சதவீதமும், மத்திய மண்டலத்தில் வெறும் 8.0 சதவீதமும் மட்டுமே வாக்குகளைப் பெற முடிகிறது. இந்த ஒற்றை இலக்க மற்றும் ஆரம்பக்கட்ட இரட்டை இலக்க வாக்கு சதவீதம், தி.மு.க மற்றும் அதிமுக ஆகிய இரு பெரும் திராவிடக் கட்சிகளின் வாக்குகளைப் பெரிய அளவில் சிதைக்கவில்லை என்பதையே காட்டுகிறது.

வாக்கு சதவீதப் போர்: மூன்றாவது இடமே இலக்கா?

குறிப்பாக, தவெக வலுவாக இருக்கும் எனக் கருதப்பட்ட சென்னை மற்றும் மேற்கு மண்டலங்களில்கூட தி.மு.க மற்றும் அதிமுக முறையே 40 சதவீதத்திற்கும் அதிகமான வாக்குகளைத் தக்கவைத்துள்ளன. இது தவெக-வின் வருகை திராவிடக் கட்சிகளின் வாக்கு வங்கியில் ஒரு பெரிய ஓட்டையை ஏற்படுத்தும் என்ற எதிர்பார்ப்பைப் பொய்யாக்கியுள்ளது. நாம் தமிழர் கட்சி 4.8 சதவீத வாக்குகளுடன் தவெக-விற்குப் பின்னால் இருந்தாலும், தவெக-வால் ஒரு கிங் மேக்கராக உருவெடுக்க முடியுமா என்பது சந்தேகமாகவே உள்ளது.

English summary

Vijay TVK party will not win much seats, will pushed to 3rd place says ANS survey