விஜயதரணி வைத்த முக்கிய டிமாண்ட்! சிரித்துக் கொண்டே Definitely சொன்ன சோனியா! முழு விவரம்!
சென்னை: சென்னையில் நடைபெற்ற காங்கிரஸ் நிர்வாகிகள் ஆலோசனைக் கூட்டத்தில், தமிழக காங்கிரஸ் கமிட்டி தலைவராக பெண் ஒருவரை நியமிக்க வேண்டும் என சோனியா காந்தியிடம் நேரடியாக வலியுறுத்தியுள்ளார் விஜயதரணி எம்.எல்.ஏ.
விஜயதரணி கோரிக்கை: விஜயதரணியின் கோரிக்கையை கூர்ந்து கவனித்த சோனியா காந்தி, சிரித்த முகத்துடன் Definitely என பதில் அளித்திருக்கிறார். அதுமட்டுமல்ல தாமும் காங்கிரஸ் தலைவராக இருந்ததை சுட்டிக்காட்டி விரைவில் நடவடிக்கை எடுப்பதாக தெரிவித்திருக்கிறார். தமிழக காங்கிரஸ் கமிட்டிக்கு பெண் ஒருவரை தலைவராக கொண்டு வர வேண்டும் என சோனியாவிடம் விஜயதரணி கூறிய போது அங்கிருந்த கே.எஸ்.அழகிரி ஜெர்க் ஆகியுள்ளார்.
கே.எஸ்.அழகிரி ஜெர்க்: இருப்பினும் அதனை வெளிக்காட்டிக் கொள்ளாமல் காங்கிரஸ் நிர்வாகிகளுடன் சோனியாகாந்தி நடத்திய ஆலோசனைக் கூட்டத்தில் அமர்ந்திருந்தார். எதிர்ப்பு ஒரு பக்கம் இரண்டு பக்கம் இருந்து வந்தால் பரவாயில்லை, சோனியா முன்னிலையில் தனக்கு எதிராக நாலா பக்கமும் வந்த எதிர்ப்புகளை கண்டு கே.எஸ்.அழகிரி மனம் வெதும்பிவிட்டார். பீட்டர் அல்போன்ஸ், சிடி மெய்யப்பன் போன்றோர் தமிழகத்தில் அமைப்பையே அடியோடு மாற்றியமைக்க வேண்டும் எனப் பேசியிருக்கிறார்கள்.
தங்கபாலு -ஈவிகேஎஸ் : தங்கபாலு உட்கட்சி பற்றி பேசுவார் என எதிர்பார்க்கப்பட்ட நிலையில் ஓபிசி கணக்கெடுப்பு பற்றி பேசிவிட்டு அமர்ந்துவிட்டார். அதே போல் தான் ஈ.வி.கே.எஸ். இளங்கோவனும் ஏதாவது சூடாக பேசுவர் என எதிர்பார்க்கப்பட்ட நிலையில், தமிழ்நாட்டில் பாஜக வளர்ந்துவிட்டது என சோனியாவிடம் அழகிரி குறித்து சூசகமாக புகார் அளித்துவிட்டு அமர்ந்துவிட்டார்.
சோனியா ஆர்வம்: அதே போல் தமிழ்நாட்டில் காலியாக உள்ள கட்சி பதவியிடங்களை கால தாமதமின்றி நிரப்ப வேண்டும் என்ற கோரிக்கையை பரவலாக முன் வைத்திருக்கிறார்கள். 5 ஆண்டுகளுக்கு பிறகு தமிழக காங்கிரஸ் கமிட்டி நிர்வாகிகளை சென்னையில் சந்தித்த சோனியா, யாரையும் தடுக்காமல் எல்லோரையும் பேச விட்டு அவர்கள் மனதில் என்னதான் உள்ளது என்பதை அறிந்துக்கொள்வதில் ஆர்வமாக இருந்தார்ந.
கடும் போட்டி: தமிழக காங்கிரஸ் தலைவர் மாற்றம் நாடாளுமன்றத் தேர்தல் வரை வாய்ப்பில்லை என்று கூறப்பட்டாலும், ஒருவேளை விஜயதரணி உள்ளிட்டோரின் கோரிக்கையை ஏற்று தமிழக காங்கிரஸ் கமிட்டிக்கு பெண் ஒருவரை தலைவராக நியமிக்குமாறு கார்கேவிடம் சோனியா பரிந்துரைத்தால், தலைவர் பதவியை கைப்பற்ற விஜயதரணி, ஜோதிமணி இடையே போட்டி கடுமையாக இருக்கும் எனத் தெரிகிறது.
Click it and Unblock the Notifications
Sign in with Google