விஜயகாந்த்துக்கு கொரோனா தொற்று உறுதி - உடல்நிலை சீராக இருக்கிறது: மியாட் மருத்துவமனை

சென்னை: தேமுதிக நிறுவனத் தலைவரும் பொதுச்செயலாளருமான விஜயகாந்த்துக்கு கொரோனா தொற்று உறுதி செய்யப்பட்டுள்ளதாகவும் அவரது உடல்நிலை சீராக இருப்பதாகவும் மியாட் மருத்துவமனை தெரிவித்துள்ளது.

இது தொடர்பாக மியாட் மருத்துவமனை நிர்வாக இயக்குநர் பிரித்வி மோகன்தாஸ் வெளியிட்டுள்ள செய்திக் குறிப்பு:

விஜயகாந்த்துக்கு கோவிட்-19 சோதனையில் கொரோனா தொற்று இருப்பது செப்டம்பர் 22-ந் தேதி உறுதி செய்யப்பட்டது. தற்போது அவர் மியாட் மருத்துவமனையில் அனுமதிக்கப்பட்டு இருக்கும் நிலையில் அவரது உடல்நிலை சீராக இருக்கிறது.

அவர் கூடிய விரைவில் முழுமையாக குணமடைந்து மருத்துவமனையில் இருந்து வீடு திரும்புவார் என நாங்கள் எதிர்பார்க்கிறோம்.

இவ்வாறு மியாட் மருத்துவமனை தெரிவித்துள்ளது.

English summary

The medical bulletin from MIOT hospital says, DMDK President Vijayakanth tested positive for Covid19 on September 22.