கூட்டணி வேறு.. கொள்கை வேறு.. கொள்கைப்படியே செயல்படுவோம்: கிறிஸ்துமஸ் விழாவில் முதல்வர் எடப்பாடியார்
சென்னை: கூட்டணி வேறு; கொள்கை வேறு; கொள்கைப்படியே செயல்படுவோம் என்று சென்னையில் அதிமுக சார்பில் நடைபெற்ற கிறிஸ்துமஸ் விழாவில் முதல்வர் எடப்பாடி பழனிசாமி தெரிவித்தார்.
தமிழக சட்டசபை தேர்தலில் அதிமுக கூட்டணியில் பாஜக இடம்பெற்றுள்ளது. அதிமுகவின் முதல்வர் வேட்பாளர் எடப்பாடி பழனிசாமிதான் என அதிகாரப்பூர்வமாக ஏற்கனவே அறிவிக்கப்பட்டுள்ளது.
கழகத்தின் சார்பில் சென்னையில் நடைபெற்ற கிறிஸ்துமஸ் விழா. pic.twitter.com/NQTKSGPAXf
— AIADMK (@AIADMKOfficial) December 20, 2020
ஆனால் பாரதிய ஜனதா கட்சியின் தமிழக தலைவர்களோ, முதல்வர் வேட்பாளரை பாஜக மேலிடம்தான் அறிவிக்கும் என கூறி வருகின்றனர். மேலும் பாஜகவுடன் அதிமுக கூட்டணி சேர்ந்ததால் அதன் வாக்குகள் பாதிக்கு என்கிற கருத்து கணிப்புகளும் முன்வைக்கப்படுகின்றன.
இந்த நிலையில் சென்னையில் அதிமுக சார்பாக கிறிஸ்துமஸ் விழா இன்று நடைபெற்றது. இதில் எடப்பாடி பழனிசாமி, துணை முதல்வர் ஓ பன்னீர்செல்வம் மற்றும் அமைச்சர்கள் பங்கேற்றனர்.
— AIADMK (@AIADMKOfficial) December 20, 2020
இந்நிகழ்ச்சியில் பேசிய எடப்பாடி பழனிசாமி, ஜெருசலேத்திற்கு புனித பயணம் செல்ல அரசு வழங்கும் நிதி ரூ. 20,000லிருந்து ரூ. 37,000 ஆக உயர்த்தப்படும் என அறிவித்தார். மேலும் கூட்டணி வேறு, கொள்கை வேறு. நாங்கள் கொள்கைபடியேதான் செயல்படுவோம் என பாஜகவை குறிப்பிடாமல் மறைமுக சுட்டிக்காட்டி பேசினார் முதல்வர் எடப்பாடி பழனிசாமி.
Click it and Unblock the Notifications
Sign in with Google