அகவிலைப்படி முதல் பொங்கல் பரிசுத் தொகை வரை! சட்டசபையில் ஸ்டாலினின் 9 முத்தான அறிவிப்புகள்

சென்னை: தமிழக அரசு ஊழியர்கள் பயன்பெறும் வகையில் 9 அறிவிப்புகளை விதி எண் 110-இன் கீழ் சட்டசபையில் முதல்வர் ஸ்டாலின் அறிவித்துள்ளார். அவை என்னென்ன என்பதை விரிவாக பார்க்கலாம்.

முதல்வர் வெளியிட்ட 9 அறிவிப்புகள்:

1. அரசு ஊழியர்கள் ஈட்டிய விடுப்பை 15 நாட்களில் சரண் செய்து அதற்குரிய பணப்பலன்களை பெறும் நடைமுறை இந்த ஆண்டு முதலே அமலுக்கு வருகிறது.
2. மாநில அரசு பணியாளர்களுக்கு அகவிலைப்படி 2 சதவீதம் உயர்த்தி வழங்கப்படும்.
3. அரசு ஊழியர்கள் தங்கள் குடும்பத்தினருடன் பண்டிகையை சிறப்பாக கொண்டாட பண்டிகை கால முன்பணம் ரூ 10 ஆயிரத்திலிருந்து ரூ 20 ஆயிரமாக உயர்த்தி வழங்கப்படும்.
4. அரசு ஊழியர்களின் பிள்ளைகள் கல்வி பயில வழங்கப்படும் முன்பணம் தொழிற்கல்வி பயில ரூ 1 லட்சமும் கலை மற்றும் அறிவியல், பாலிடெக்னிக் பயில ரூ 50 ஆயிரமும் உயர்த்தி வழங்கப்படும்.
5. அரசு ஊழியர்களுக்கு திருமண முன்பணமாக ரூ 5 லட்சம் வழங்கப்படும்.
6. பொங்கல் பண்டிகையை முன்னிட்டு ஓய்வூதியதாரர்களுக்கு தமிழக அரசால் வழங்கப்படும் பரிசுத் தொகை ரூ 500-இல் இருந்து ரூ 1000 ஆக உயர்த்தி வழங்கப்படும்.
7. ஓய்வூதியதாரர்கள் தங்கள் குடும்பத்தினருடன் பண்டிகையை சிறப்பாக கொண்டாட பண்டிகை கால முன்பணம் ரூ 4 ஆயிரத்திலிருந்து ரூ 6 ஆயிரமாக உயர்த்தி வழங்கப்படும்.
8. ஓய்வூதிய திட்டம் தொடர்பாக அமைக்கப்பட்டுள்ள குழு தனது பரிந்துரைகளை வரும் செப்டம்பர் மாதம் சமர்ப்பிக்க உத்தரவு
9. அரசு ஊழியர்களின் மகப்பேறு விடுமுறை காலத்தை அவர்களின் தகுதிக்கான பருவத்திற்கு கணக்கில் எடுத்துக் கொள்ளலாம்.

இவ்வாறு 9 அறிவிப்புகளை முதல்வர் வெளியிட்டுள்ளார்.