விரல் ஃசைசில் இருக்கும் "நீல டிராகன்".. இதை பார்த்தால்.. கடற்கரை பக்கமே போகாதீங்க.. பதறும் மக்கள்!
சென்னை: நீல டிராகன்கள் (Blue Dragons) எனப்படும் கடல் உயிரினம் ஒன்றால் ஸ்பெயின் நாட்டில் பல பீச்கள் மூடப்பட்டு வருகின்றன. மக்கள் உயிருக்கே இதனால் ஆபத்து ஏற்படும் என்பதால் பீச்சுகள் மூடப்பட்டு வருகின்றன.
இந்த மாதம் ஸ்பெயினின் விவர்ஸ் (Guardamar del Segura), சாண்டா பார்பரா (La Línea de la Concepción), மற்றும் லான்சரோட் (Lanzarote) கடற்கரைகளில் நீல டிராகன்கள் (Blue Dragons) எனப்படும் சிறிய கடல் நத்தைகள் அதிக அளவில் கரை ஒதுங்கியதால், பல கடற்கரைகள் மூடப்பட்டன.
நீல டிராகன்கள் (Blue Dragons)
இவை வெறும் நான்கு சென்டிமீட்டர் நீளமிருந்தாலும், விலங்கு உலகில் மிகவும் உக்கிரமான விஷத்தைக் கொண்டவை. கோடைக்கால சுற்றுலாப் பயணிகளை வெகுவாக பாதித்த இந்த கடல் நத்தைகளின் வருகை, உள்ளூர் மக்களையும் ஆராய்ச்சியாளர்களும் வியப்படையச் செய்துள்ளது. லான்சரோட்டின் ஹாரியா நகர மேயர் ஆல்பிரடோ வில்லாபா பாரெட்டோ "ஸ்பெயின் மக்கள் அனைவரும் அதிர்ச்சியில் இருக்கிறோம். இந்த சிறிய உயிரினம் இதற்கு முன் இங்கு வந்ததில்லை," என்று தெரிவித்தார். பொதுவாக வெப்பமண்டலப் பகுதிகளில் காணப்படும் இந்த நீல டிராகன்கள், மத்தியதரைக் கடலில் அரிதாகவே காணப்படுகின்றன.
நீல டிராகன்கள் (Glaucus atlanticus) என்பவை ஒரு வகையான கடல் நத்தைகள். இவை கடல் மேற்பரப்பில் மிதந்து, நீரோட்டங்களுடன் பயணிக்கின்றன. மற்ற கடல் நத்தைகள் கடல் படுகையில் வாழ்ந்தாலும், நீல டிராகன்கள் தலைகீழாக மிதக்கின்றன. வயிற்றில் ஒரு காற்று குமிழியை உட்கொண்டு அதைத் தக்கவைத்துக்கொள்வதன் மூலம் இவை மிதக்கின்றன.
நீல டிராகன்கள் (Glaucus atlanticus) என்றால் என்ன?
கடல் உயிரினங்கள் தலைகீழாக மிதப்பதற்கு ஒரு காரணம் உண்டு. காடிஸ் பல்கலைக்கழகத்தின் (ஸ்பெயின்) உயிரியல் பேராசிரியர் ஜுவான் லூகாஸ் செர்வேரா, "நீல டிராகன்கள் கடல் நீல நிறத்துடன் ஒன்றி, அதன் அடிப்பகுதி வெள்ளையாக இருப்பதால், கீழிருந்து பார்க்கும்போது சூரிய ஒளியுடன் கலந்துவிடுகின்றன. இது ஒரு தற்காப்பு உத்தி.. இதனால் அதை கண்டுபிடிப்பது கடினம்" என்று தெரிவித்தார்.
கடுமையான விஷம் கொண்டது
நீல டிராகன்களுக்கு மற்றொரு தனித்துவமான பண்பும் உண்டு. அவை ஜெல்லிமீன் மற்றும் போர்த்துகீசிய மேன் ஓ' வார் போன்ற விஷச் சிப்போனோஃபோர்களை உணவாக உட்கொண்டு, அந்த ஜெல்லிமீன்களின் கொட்டும் செல்களை தங்கள் உடலில் இருந்து நீண்டு செல்லும் விரல் போன்ற அமைப்புகளில் சேர்த்துக்கொள்கின்றன. இந்த விஷத்தை அது பின்னர் பயன்படுத்தும். நீல டிராகன்களுக்கு தங்கள் வேட்டையாடுபவர்களுக்கு எதிராக ஒரு சக்திவாய்ந்த ஆயுதமாக இந்த விஷம் அமைகிறது. இவை கடித்தால் கடுமையாக வலிக்கும். தேனீ கடியை விட கடுமையான வலியை கொடுக்கும்.
நீல டிராகன்களின் கொட்டு
நீல டிராகன்களின் கொட்டு மனிதர்களுக்கு மிகவும் வேதனையை ஏற்படுத்தும். இது கடித்த இடத்தில் சிவந்து போதல், வீக்கம், குமட்டல் மற்றும் வாந்தி போன்றவற்றை ஏற்படுத்தும். எனினும், இது மரணத்திற்கு வழிவகுக்காது.
ஸ்பெயினுக்கு நீல டிராகன்கள் வந்தது ஏன்?
நீல டிராகன்கள் பசிபிக், அட்லாண்டிக் மற்றும் இந்தியப் பெருங்கடல்களின் வெப்பமண்டல நீரில் காணப்படுகின்றன. சமீபத்திய ஆண்டுகளில், ஆஸ்திரேலியா, தென்னாப்பிரிக்கா மற்றும் அமெரிக்கா போன்ற நாடுகளில் இவை அதிகமாக காணப்படுகின்றன. இருப்பினும், மத்தியதரைக் கடலில் அவை அரிதாகவே காணப்படுகின்றன. இந்த இனம் (ஒரு விஞ்ஞான வெளியீட்டில்) 20 ஆம் நூற்றாண்டின் இரண்டாவது தசாப்தத்தில் பலேரிக் தீவுகளில் குறிப்பிடப்பட்டது, முதல் பதிவு 1839 இல் கேனரி தீவுகளில் இருந்தது, ஆனால் மீண்டும் கண்டறியப்படுவதற்கு நீண்ட காலம் எடுத்தது.
கடந்த ஐந்து ஆண்டுகளில் இது மாறிவிட்டது.நீல டிராகன்களின் வருகை மத்தியதரைக் கடலின் வெப்பநிலை உயர்வுக்கு காரணமாக இருக்கலாம் என்று விஞ்ஞானிகள் கருதுகின்றனர். மத்தியதரைக் கடல் மிகவும் வேகமாக வெப்பமடையும் நீர்நிலைகளில் ஒன்றாகும். ஜூன் மாத இறுதியில், வெப்பநிலை 28 டிகிரி செல்சியஸை தாண்டியது, ஐந்து டிகிரி வெப்ப மாறுபாடுகளுடன் காணப்படுவதும் இந்த நீல டிராகனின் வருகைக்கு காரணமாக இருக்கலாம் என்கிறார்கள்.
Click it and Unblock the Notifications
Sign in with Google