சின்ன வெங்காயம் சர்ன்னு பறக்குது.. சென்னை கோயம்பேட்டில் 1 கிலோ எவ்ளோ? எப்போது விலை குறையும் தெரியுமா

சென்னை: கடந்த வாரம்வரை விலை குறைந்திருந்த சின்ன வெங்காயத்தின் விலை, தற்போது திடீரென அதிகரித்து விட்டது. என்ன காரணம்?

விளைச்சல் அதிகரிப்பு மற்றும் வரத்து காரணமாக தொடர்ந்து வெங்காயம் விலை குறைந்து காணப்பட்டது.. சென்னையில் வெங்காயம் விலை 20 ரூபாயில் இருந்து 15 ரூபாயாக விற்கப்பட்டது. ஆனால், இப்போது, மும்மடங்கு விலை உயர்ந்துவிட்டது..

ஏற்றுமதி: அரியலுார், பெரம்பலுார், திருச்சி, திருப்பூர், ஈரோடு, நெல்லை, தென்காசி உள்ளிட்ட மாவட்டங்களில், சின்ன வெங்காயம் சாகுபடி நடந்து வருகிறது. தமிழகத்தில் இருந்து சென்னை துறைமுகம் வழியாக, மலேஷியா, சிங்கப்பூர், துபாய், நேபாளம், வங்கதேசம், இலங்கை உள்ளிட்ட நாடுகளுக்கும் சின்ன வெங்காயம் ஏற்றுமதி செய்யப்பட்டு வந்தது.

ஆனால் கடந்த டிசம்பரில், பெரிய வெங்காயத்தின் விலையை கட்டுப்படுத்த, அதன் ஏற்றுமதிக்கு மத்திய அரசு தடை விதித்தது... இதன்காரணமாக, சின்ன வெங்காயம் ஏற்றுமதியும் பாதிக்கப்பட்டது.. எனவே, உள்ளூர் சந்தைகளுக்கு சின்ன வெங்காயத்தின் வரத்து உயர்ந்துவிட்டது..

சின்ன வெங்காயம்: சென்னை கோயம்பேடு சந்தையில் கிலோ சின்ன வெங்காயம், 30 ரூபாய்க்கு விற்கப்பட்ட நிலையில், இப்போது, வெங்காயம் ஏற்றுமதிக்கு, மத்திய அரசு அனுமதி வழங்கியுள்ளது.. எனவே, சின்ன வெங்காயம் ஏற்றுமதி வேகமெடுத்து வருவதுடன் விலையும் மெல்ல மெல்ல உயர்ந்து வருகிறது.

அந்தவகையில், கோயம்பேட்டில் 1 கிலோ சின்ன வெங்காயம், 60 ரூபாய்க்கு விற்கப்படுகிறது... கோயம்பேட்டிலேயே 60 ரூபாய் என்பதால், இவற்றை வாங்கி செல்லும் வெளிமார்க்கெட் வியாபாரிகள், தங்களுக்கு ஏற்றார்போல் கூடுதல் விலையில் விற்பனை செய்து வருகின்றனர்... இதற்கெல்லாம் காரணம், வெங்காயம் அறுவடை முடிந்துவிட்டதாம்.. அத்துடன், கையிருப்பிலுள்ள வெங்காயமும் குறைந்துவிட்டதால், விலையும் அதிகரித்துவிட்டதாக வியாபாரிகள் சொல்கிறார்கள்.

கோடைமழை: ஆக, ஏற்றுமதி காரணமாக வெங்காயம் விலை உயர்ந்துள்ளதாக தெரிகிறது.. எப்போதுமே சின்ன வெங்காயம் சீசனுக்கு ஏற்றபடி விலை ஏறுவதும், இறங்குவதும் வழக்கம் என்றாலும், இப்போது வெயில் காலம் என்பதாலும், கோடைமழை இப்போதுதான் துவங்கியிருப்பதாலும், விவசாயிகள் சின்ன வெங்காயம் விதைப்பை ஆரம்பித்துள்ளனர்.

இது விளையும்வரை, பட்டறையில் சேமித்து வைத்துள்ள சின்ன வெங்காயம் மட்டுமே, இன்னும் 2 மாதங்களுக்கு விற்பனைக்கு கொண்டு வரப்படும் என்றும் சொல்கிறார்கள்.. ஏனென்றால், இப்போது நடவு செய்யப்பட்டுள்ள சின்ன வெங்காயம், விளைந்து விற்பனைக்கு வருவதற்கு எப்படியும் 70 நாட்களுக்கு மேல் ஆகுமாம். அதுவரை சின்ன வெங்காயம் விலை மேலும் உயரலாம் என்கிறார்கள்...!!!

English summary

When will Small Onion prices fall and Are these the reasons for the rise in Onion prices in the Chennai Koyambedu