கோட்டை அமீர் மத நல்லிணக்க பதக்கம்! யார் இந்த முகமது ஜூபேர்?

சென்னை: ஒவ்வொரு ஆண்டும் குடியரசு தின விழாவின்போது கோட்டை அமீர் மத நல்லிணக்கப் பதக்கம் தமிழக அரசால் வழங்கப்படும். இந்த ஆண்டு ஆல்ட் நீயூஸின் முகமது ஜூபேருக்கு பதக்கம் வழங்கப்பட்டிருக்கிறது. யார் இவர்? எதற்காக விருது வழங்கப்பட்டது? என பல்வேறு தரப்பினரும் இணையத்தில் தேடி வருகின்றனர்.

குடியரசு தின கொண்டாட்டத்தின்போது பல்வேறு துறைகளில் சிறப்பாக பணியாற்றியவர்களுக்கான விருதுகள் வழங்கப்படும். இதில் முக்கியமானது 'கோட்டை அமீர் மத நல்லிணக்க' விருது. மத நல்லிணக்கத்திற்காக பாடுபட்டு உயிர்நீத்த கோட்டை அமீர் அவர்களின் பெயரால் 'கோட்டை அமீர் மத நல்லிணக்கப் பதக்கம்' என்ற பதக்கத்தினை தோற்றுவித்து, ஆண்டுதோறும் மத நல்லிணக்கத்திற்காக சிறந்த சேவையாற்றி வரும் ஒருவருக்கு அப்பதக்கத்தை வழங்கி வருகிறது. இப்பதக்கம் பெறுபவர்களுக்கு பதக்கமும், ரூ.25,000/-க்கான காசோலை மற்றும் சான்றிதழும் வழங்கப்படும்.

அந்த வகையில் இந்த ஆண்டு இந்த விருது ஆல்ட் நியூஸின் முகமது ஜூபேருக்கு வழங்கப்பட்டிருக்கிறது. போலி செய்திகளை அம்பலப்படுத்துவதில் முகமது ஜுபைர் தொடர்ந்து சிறப்பாக பணியாற்றி வந்திருக்கிறார். இது குறித்து வெளியிடப்பட்டுள்ள அறிவிப்பில்,

"சமூக ஊடகங்களில் வெளிவரும் செய்திகளின் உண்மைத் தன்மையை ஆராய்ந்து உண்மையான செய்திகளை மட்டும் தனது இணையதளத்தில் வெளியிட்டு மக்களுக்கு தொடர்ந்து அளித்து வருகிறார். அவரது இந்த பணியானது பொய்யான செய்தியினால் சமூகத்தில் ஏற்படும் வன்முறைகளைத் தடுக்க உதவி வருகிறது. கடந்த 2023-ஆம் ஆண்டு மார்ச் மாதம் தமிழ்நாட்டில் புலம்பெயர்ந்த தொழிலாளர்கள் என்று தாக்கப்படுகிறார்கள் ஊடகங்களில் சமூக வேகமாக பரவிய காணொளி காட்சிகளின் உண்மை தன்மையை சரிபார்த்து சமூக ஊடகங்களில் வெளியிடப்பட்ட காணொளிகளில் காட்சிகள் தமிழ்நாட்டில் நடைபெற்றது அல்ல என தனது 'Alt News' இணையதளம் மூலம் தெரியப்படுத்தினார்" என்று குறிப்பிடப்பட்டிருக்கிறது.

யார் இவர்?: முகமது ஜூபேர் 'Alt News என்ற பெயரில் இணையதளத்தைத் தொடங்கி போலி செய்திகளை அம்பலப்படுத்தி வருகிறார். இவரது சொந்த ஊர் கிருஷ்ணகிரி மாவட்டமாகும். கிருஷ்ணகிரியின் தேன்கனிக் கோட்டை வட்டம், தளி பஞ்சாயத்து, உருது பள்ளி தெரு என்ற முகவரியில் இவரது இல்லம் அமைந்திருக்கிறது. ஆனால் இவர் பெங்களூரிருந்து பணியாற்றி வருகிறார்.

English summary

The Fort Amir Religious Harmony Medal is presented by the Tamil Nadu Government every year during the Republic Day celebrations. This year the medal was awarded to Alt News' Mohammad Zubair. who is he? Why was the award given? Various parties are searching on the internet.