28 ஆண்டுகள் தமிழக சட்டசபை உறுப்பினராக இருந்தவர் பரிதி இளம்வழுதி!

சென்னை: முன்னாள் அமைச்சர் பரிதி இளம்வழுதி உடல்நலக் குறைவால் காலமான இவர் சுமார் 28 ஆண்டுகள் தமிழக சட்டசபை உறுப்பினராக இருந்துள்ளார்.

சென்னையைச் சேர்ந்தவர் பரிதி இளம்வழுதி. இவர் கடந்த 2006-2011-இல் திமுக ஆட்சியில் செய்தி மற்றும் ஒளிபரப்புத் துறை அமைச்சராக இருந்தார். கடந்த 1996-2001- சட்டசபை துணை சபாநாயகராக இருந்தார்.

தமிழக சட்டசபைக்கு 6 முறை தேர்வு செய்யப்பட்டவர். எழும்பூர் தொகுதியில் 1989 முதல் 2011 வரை 28 ஆண்டுகள் எம்எல்ஏவாக இருந்தவர். 2011- எழும்பூர் தொகுதியில் தேமுதிக வேட்பாளர் நல்லத்தம்பியிடம் தோல்வி அடைந்தார்.

பின்னர் திமுகவில் ஏற்பட்ட அதிருப்தி காரணமாக அவர் 2013-இல் அதிமுகவில் இணைந்தார். இதைத் தொடர்ந்து ஜெயலலிதா காலமானதற்கு பிறகு ஓபிஎஸ் அணியில் இணைந்து பணியாற்றி வந்தார்.

இதைத் தொடர்ந்து அவர் அங்கிருந்தும் விலகி டிடிவி தினகரனின் அமமுகவில் இணைந்தார். உடல்நலக்குறைவால் அவதிப்பட்டு வந்த அவர் மருத்துவமனையில் சேர்க்கப்பட்டார். சிகிச்சை பலனின்றி இன்று காலை அவர் உயிரிழந்தார்.

English summary

EX Minister Parithi Ilamvazhuthi dies of health related issues in Chennai. He was in the MLA post for 28 years.