Virugambakkam: விருகம்பாக்கம் எம்எல்ஏவாகும் விஜய்யின் டிரைவர் மகன் ! யார் இந்த சபரிநாதன்?
சென்னை: விருகம்பாக்கத்தில் விஜய்யின் டிரைவர் மகன் சபரிநாதன் 27 ஆயிரம் வாக்குகள் வித்தியாசத்தில் வெற்றி பெற்றுள்ளார். பிடெக் பட்டதாரியான இவர் விருகம்பாக்கத்தின் எம்எல்ஏவாக சட்டசபைக்கு நுழைகிறார்.அவர் யார் என்பதை பார்க்கலாம்.
விருகம்பாக்கத்தில் போட்டியிட்ட சபரிநாதன், 76092 வாக்குகளை பெற்று வென்றுள்ளார். அவரை எதிர்த்து போட்டியிட்ட திமுக வேட்பாளர் பிரபாகர ராஜா 49002 வாக்குகளையும், அதிமுக வேட்பாளர் விருகை ரவி 38767 வாக்குகளையும், நாதக வேட்பாளர் சந்தோஷ் 6056 வாக்குகளையும் பெற்றனர்.
இளைஞர்களின் ஆதரவு: ஐடி நிறுவனங்கள் மற்றும் வணிக வளாகங்கள் நிறைந்த விருகம்பாக்கத்தில், படித்த இளைஞர்களின் வாக்குகள் தவெக-விற்குப் பெரும் பலமாக மாறியுள்ளது.
சிறு வித்தியாசம்: மாநிலம் முழுவதும் நிலவுவதைப் போலவே, இங்கும் முன்னிலை நிலவரம் ஒவ்வொரு சுற்றிலும் சிறிய வாக்குகள் வித்தியாசத்திலேயே ஊசலாடுகிறது. இருப்பினும், சபரிநாதன் தொடர்ந்து முதலிடத்தைத் தக்கவைத்து வருகிறார்.
விருகம்பாக்கம்: கடந்த காலத் தேர்தல் முடிவுகள்
இந்தத் தொகுதி உருவான காலத்திலிருந்தே நட்சத்திரத் தொகுதியாகக் கருதப்படுகிறது. கடந்த கால வெற்றிகள் இதோ:
2021 ஆம் ஆண்டு நடைபெற்ற சட்டமன்றத் தேர்தலில், திமுக வேட்பாளர் ஏ.எம்.வி. பிரபாகர் ராஜா அவர்கள், அதிமுக வேட்பாளர் பி. ரவியை விட 18,630 வாக்குகள் கூடுதலாகப் பெற்று வெற்றி பெற்றார்.
2016 ஆம் ஆண்டு தேர்தலில், அதிமுக வேட்பாளர் வி.என். ரவி அவர்கள், திமுகவின் க. தனசேகரனை 2,333 வாக்குகள் வித்தியாசத்தில் வீழ்த்தி வெற்றி வாகை சூடினார்.
2011 ஆம் ஆண்டு நடந்த தேர்தலில், தேமுதிக வேட்பாளர் பி. பார்த்தசாரதி அவர்கள், திமுக வேட்பாளர் க. தனசேகரனை எதிர்த்துப் போட்டியிட்டு வெற்றி பெற்றார்.
2021-இல் திமுகவின் பிரபாகர் ராஜா மிகப்பெரிய வெற்றியைப் பெற்றிருந்தார். ஆனால், இந்த முறை தவெக-வின் சபரிநாதன் அந்த வெற்றியைத் தட்டிப்பறிக்கும் நிலையில் உள்ளார்.
வெற்றி வாய்ப்பு அலசல்
ஓய்வுபெற்ற ஐ.பி.எஸ் அதிகாரி ரவி கணித்தபடி, சென்னையில் தவெக-விற்கு நிலவும் பலமான செல்வாக்கு விருகம்பாக்கத்திலும் எதிரொலிக்கிறது. "மாற்றம் வேண்டும்" என்ற வாக்காளர்களின் மனநிலை சபரிநாதனுக்குச் சாதகமாக மாறியுள்ளது.
சபரிநாதன் இதே வேகத்தைத் தக்கவைத்தால், விருகம்பாக்கம் தொகுதியில் தவெகவின் முதல் வெற்றிச் செய்தியை உறுதி செய்யலாம் என எதிர்பார்க்கப்படுகிறது.
அடுத்தடுத்த சுற்றுகளில் அதிமுக மற்றும் திமுக வேட்பாளர்கள் இந்த இடைவெளியைக் குறைப்பார்களா என்பதைப் பொறுத்திருந்துதான் பார்க்க வேண்டும்.
யார் இந்த சபரிநாதன்?
விஜய்யிடம் சுமார் 30 ஆண்டுகளாக ஓட்டுநராகவும், தற்போது தனிப்பட்ட உதவியாளராகவும் (Personal Assistant) பணியாற்றி வரும் ராஜேந்திரன் என்பவரின் மகன் தான் இந்த சபரிநாதன்.
அரசியல் பொறுப்பு: சபரிநாதன் தவெக கட்சியின் விருகம்பாக்கம் தொகுதிச் செயலாளராக பணியாற்றி வருகிறார்.
விருகம்பாக்கம் தொகுதியில் சபரிநாதன், திமுகவின் தற்போதைய எம்.எல்.ஏ ஏ.எம்.வி. பிரபாகர ராஜா மற்றும் அதிமுகவின் முன்னாள் எம்.எல்.ஏ விருகை வி.என். ரவி ஆகியோரை எதிர்த்துப் போட்டியிடுகிறார். 30 வயதான சபரிநாதன், அந்தப் பகுதியில் விஜய்யின் ரசிகர் மன்றப் பணிகளிலும் கட்சிப் பணிகளிலும் நீண்டகாலமாக ஈடுபட்டு வருபவர் என்பது குறிப்பிடத்தக்கது.
சபரிநாதன் ஒரு சேனலுக்கு அளித்த பேட்டியில், "நான் ப்ரீகேஜி படித்தது முதல் பிடெக் படித்தது வரை முழு கல்விக் கட்டணத்தையும் விஜய்தான் செலுத்தினார். கிட்டதட்ட என்னை அவர் மகன் போலவே வளர்த்தார்" என சபரிநாதன் நெகிழ்ச்சியுடன் தெரிவித்திருந்தார்.
Click it and Unblock the Notifications
Sign in with Google