தமிழ்நாட்டின் எதிர்காலத்தையே மாற்றிவிடும்.. இந்த பட்ஜெட் அறிவிப்புகள் ரொம்ப முக்கியம்! ஏன் தெரியுமா?

சென்னை: நேற்று தமிழ்நாடு பட்ஜெட்டில் அறிவிக்கப்பட்ட கல்வி ரீதியான திட்டங்கள் மிகப்பெரிய அளவில் பாராட்டுகளை பெற்று வருகின்றன. முக்கியமாக தமிழ்நாட்டின் எதிர்காலத்தை மாற்றும் விதமாக இந்த பட்ஜெட் இருக்கும் என்று எதிர்பார்க்கப்படுகிறது.

நேற்று தமிழ்நாடு பட்ஜெட்டில் நிதி அமைச்சர் தங்கம் தென்னரசு பல்வேறு முக்கிய அறிவிப்புகளை வெளியிட்டார். தமிழ்நாடு அரசு கல்விக்காக வெளியிட்ட அறிவிப்புகள் உடனடியாக பலன் கிடைக்காது ஆனால் நீண்ட கால அடிப்படையில் பள்ளிக் கல்வியின் அனைத்து நிலைகளிலும் சிறந்த GER உள்ள மாநிலமாக தமிழகம் இருக்கும். தமிழ்நாட்டின் எதிர்காலத்தை மாற்ற போகும் திட்டங்களாக இது இருக்கும். அரசு ஏற்கனவே குழந்தைகளுக்கு காலை மற்றும் மதிய உணவை வழங்குகிறது. இப்போது அரசு சார்பாக புதுமை பெண் திட்டம் மூலம் அரசு பள்ளி பெண்களுக்கு ரூ.1000 தரப்படுகிறது.

இனி அரசுப் பள்ளிகளில் பயின்ற ஏழை எளிய மாணவர்களை சாதனையாளர்களாக உருவாக்கிட, அரசுப் பள்ளி மாணவரின் உயர் கல்வி சேர்க்கையை உயர்த்தவும் தமிழ் புதல்வன் என்னும் திட்டம் வரும் நிதியாண்டில் இருந்து அறிமுகப்படுத்தப்படும். இவர்களுக்கு மாதம் 1000 ரூபாய் கொடுக்கப் போகிறது.

அரசுப் பள்ளி திட்டம்: மேலும் அரசுப் பள்ளியில் பயின்று கல்லூரிக்கு செல்லும் மாணவிகளுக்கு மாதம் ₹1000 வழங்கும், புதுமைப்பெண் திட்டம் இந்த ஆண்டு முதல் அரசு உதவிபெறும் பள்ளிகளில் தமிழ் வழியில் பயிலும் மாணவிகளுக்கும் விரிவுபடுத்தப்படும் என்று அறிவிக்கப்பட்டு உள்ளது.

தமிழ்நாட்டில் கிராமப் புறங்களில் அரசு உதவி பெறும் பள்ளிகளுக்கும் முதலமைச்சரின் காலை உணவுத் திட்டம் விரிவுபடுத்தப்படும். இதற்காக ₹600 கோடி ஒதுக்கீடு செய்யப்படும். அரசுப் பள்ளியில் பயின்று கல்லூரிக்கு செல்லும் மாணவிகளுக்கு மாதம் ₹1000 வழங்கும், புதுமைப்பெண் திட்டம் இந்த ஆண்டு முதல் அரசு உதவிபெறும் பள்ளிகளில் தமிழ் வழியில் பயிலும் மாணவிகளுக்கும் விரிவுபடுத்தப்படும்.

உயர் கல்வி சேரும் மாணவர்கள்: 6 முதல் 12ம் வகுப்பு வரை அரசுப் பள்ளிகளில் பயின்று உயர் கல்வி சேரும் மாணவர்கள், பாடப்புத்தகங்கள்,பொது அறிவு நூல்கள் மற்றும் இதழ்களை வாங்கி அவரது கல்வியை மெருகேற்ற உதவிடும் வகையில் மாதந்தோறும் ஆயிரம் ரூபாய் அவர்களின் வங்கி கணக்கில் நேரடியாக செலுத்தப்படும். உயர்கல்வி பெற விரும்பும் மூன்றாம் பாலினத்தவர்களுக்கான அனைத்து செலவுகளையும் அரசே ஏற்கும். பள்ளிகளில் 15,000 ஸ்மார்ட் வகுப்பறைகள் ₹300 கோடியில் உருவாக்கப்படும். இல்லம் தேடி கல்வி திட்டத்திற்கு ₹100 கோடி ஒதுக்கீடு செய்யப்படும்.

பள்ளிக் கட்டமைப்பை மேம்படுத்த ₹1000 கோடி ஒதுக்கீடு செய்யப்படும். க.அன்பழகன் நூற்றாண்டினை முன்னிட்டு, பள்ளிக்கல்வி வளர்ச்சிக்கு ரூ.1,000 கோடி பள்ளி கட்டமைப்பு வசதிகளுக்காக நிதி ஒதுக்கீடு செய்யப்படும்.

முக்கியமாக தமிழ்நாடு அரசு பள்ளி கல்வி, கல்லூரி கல்வி இரண்டிற்கும் பெரிய முக்கியத்துவம் கொடுக்கிறது. இதற்காகவே இந்த முறை 44 ஆயிரம் கோடி கல்வித்துறைக்கு ஒதுக்கப்பட்டு உள்ளது.

தமிழ்நாடு சாதனை: இந்தியாவிலேயே தமிழ்நாட்டில்தான் அதிக பேர் கல்லூரியில் சேர்கிறார்கள். இதை தொடர்ந்து கடைபிடிக்கும் விதமாக தமிழ்நாட்டில் இந்த புதிய திட்டம் கொண்டு வரப்பட்டு உள்ளது. பள்ளி படிப்பை முடிப்பவர்களில் மொத்தம் 51.4% பேர் தமிழ்நாட்டில் கல்லூரியில் சேர்கிறார்கள். அதாவது மத்திய அரசு 2035க்கு வைத்த இலக்கை நாம் 2019லேயே தொட்டுவிட்டோம். மற்ற மாநிலங்கள் எல்லாம் இதில் அதள பாதாளத்தில் இருக்கிறது.

மற்ற மாநிலங்களின் நிலை என்று பார்த்தால் கல்வியில் முன்னிலை வகிக்கும் கேரளாவில் ஜிஇஆர் 37% ஆக உள்ளது. அது போக டெல்லியில் அதிகமாக ஜிஇஆர் 46.3% ஆக இருக்கிறது. தெலுங்கானாவில் இது 36.2% ஆக இருக்கிறது. ஆந்திர பிரதேசத்தில் இது 32.4% ஆக இருக்கிறது. மகாராஷ்டிராவில் ஜிஇஆர் சதவிகிதம் 32 ஆக உள்ளது. கர்நாடகாவில் இது வெறும் 28%தான்.

இந்தியாவின் மொத்த ஜிஇஆர் சதவிகிதம் 28%தான் என்பது குறிப்பிடத்தக்கது. இந்தியாவில் இருக்கும் மாநிலங்களை தமிழ்நாடு முந்தியது மட்டுமின்றி பல வல்லரசு நாடுகளையும் தமிழ்நாடு இதில் முந்தி இருக்கிறது.

சீனாவின் ஜிஇஆர் சதவிகிதம் 43% ஆனால் தமிழ்நாட்டில் சதவிகிதம் 49. மலேசியாவின் ஜிஇஆர் சதவிகிதம் 45%. பஹ்ரைனின் ஜிஇஆர் சதவிகிதம் 47%. இப்படி வளர்ந்த நாடுகளை விட தமிழ்நாடு முன்னோடியாக உள்ளது.

English summary

Why these announcements on Education by Minister Thangam Thennarasu in state Budget 2024 is BIG?