Solar Eclipse: இன்று சூரிய கிரகணமா? 6 நிமிடங்களுக்கு இருளில் மூழ்கும் பூமி? நாசா சொல்வதை கேளுங்க!

சென்னை: இன்று சூரிய கிரகணம் என்பதால் பூமி முழுவதும் 6 நிமிடங்களுக்கு இருளில் மூழ்கும் என சில நாட்களாக சமூகவலைதளங்களில் செய்தி பரவி வருகிறது. இதுகுறித்து நாசா தற்போது விளக்கம் அளித்துள்ளது. உண்மையிலேயே இன்று பூமி 6 நிமிடம் இருண்டு போகுமா, என்ன நடக்கும் என்பதை பார்க்கலாம்.

சூரிய கிரகணம், சந்திர கிரகணம் என்பது மாறி மாறி வரும். இது ரொட்டேஷன் எனப்படும் ஒரு நிலையால் வருகிறது. அந்த வகையில் சூரிய கிரகணம் என்பது சூரியனுக்கும் பூமிக்கும் இடையே சந்திரன் வரும் போது நிகழும்.

இந்த நிகழ்வின் போது சந்திரனானது சூரியனின் ஒளியை பூமி மீது படவிடாமல் தடுத்துவிடுகிறது. இதனால் சில மணித்துளிகளுக்கு சூரியன் வெளிச்சம் இல்லாமல் இருக்கும்.

இந்த நிலையில் பூமி முழுவதும் இன்று சூரிய கிரகணத்தையொட்டி 6 நிமிடங்களுக்கு இருளில் மூழ்கும் என சமூகவலைதளங்களில் செய்தி பரப்பப்பட்டு வருகிறது. இதற்கு நாசா மறுப்பு தெரிவித்து, இதற்கான விளக்கத்தையும் வெளியிட்டுள்ளது.

அதிலும் 100 ஆண்டுகளில் ஒரு முறை நிகழும் இந்த அரிய கிரகணம் என்றும் சிலர் கூறிவருவதை நாசா மறுத்துள்ளது. கடந்த 1991ஆம் ஆண்டுக்கு பிறகு இன்றைய தினம் 2027 ஆம் ஆண்டு நிகழ் இருக்கும் சூரிய கிரகணம்தான் நூற்றாண்டில் நிகழும் நீண்ட கிரகணமாக இருக்கும்.

வரும் செப்டம்பர் 21 ஆம் தேதி சூரிய கிரகணம் நடைபெறுகிறது. இது சிறிய அளவில்தான் இருக்கும். மிக நீண்ட சூரிய கிரகணம் என்பது 2027, ஆகஸ்ட் 2 ஆம் தேதிதான் இன்றைய தினம் இல்லை. வரும் 2027 ஆம் ஆண்டு கூட பூமி முழுவதுமாக இருளில் மூழ்காது. இந்த சூரிய கிரகணம் "நூற்றாண்டின் கிரகணம்" என அழைக்கப்படுகிறது.

இந்த நூற்றாண்டு கிரகணம் 6 நிமிடம் 22 வினாடிகள் இருக்கும். ஸ்பெயின், ஜிப்ரால்டர், மொராக்கோ, அல்ஜீரியா, துனிசியா, லிபியா, எகிப்து, சூடான், சவுதி அரேபியா, ஏமன், சோமாலியா உள்ளிட்ட 11 நாடுகளில் மட்டுமே இந்த கிரகணத்தின் தாக்கம் இருக்குமே தவிர, பூமி முழுவதும் இருளாக்காது. அதற்காக அந்த 11 நாடுகளும் கூட முழுமையாக இருட்டாகாது, மாலை நேரம் போல் சூரிய வெளிச்சம் குறைவாக இருக்கும். எனவே இந்த கிரகணம் குறித்து சமூகவலைதளங்களில் வரும் கருத்துகளை நம்பி பொதுமக்கள் அச்சமடைய தேவையில்லை என நாசா தெரிவித்துள்ளது.

இந்த கிரகணம் சுமார் 160 மைல் (258 கி.மீ.) அகலமான பாதையில் தெரியும். இது பூமியின் மேற்பரப்பில் 9,462 மைல் (15,227 கி.மீ.) தூரம் வரை இருக்கும். ஆப்பிரிக்கா, ஐரோப்பா, தெற்கு ஆசியாவின் சில பகுதிகளிலும் இந்த கிரகணம் தெரியும். வட அமெரிக்கா, உலகின் பிற பகுதிகளில் கிரகணம் தெரியாது.