ஸ்ரீபெரும்புதூர் தொகுதியில் டிஆர் பாலு வெல்வாரா? பாஜக கூட்டணிக்கு பெரும் பின்னடைவு... தந்தி டிவி
சென்னை: சென்னையின் ஆலந்தூர், பல்லாவரம்,, தாம்பரம், மதுரவாயல், அம்பத்தூர், ஸ்ரீபெரும்புதூர் என சென்னையின் புறநகர் மற்றும் மாநகராட்சி பகுதியில் உள்ள ஸ்ரீபெரும்புதூர் தொகுதியில் திமுகவின் டிஆர் பாலு வெற்றி பெற வாயப்பு உள்ளதாக தந்தி டிவி கணிப்பில் கூறப்பட்டுள்ளது.
தமிழ்நாடு மற்றும் புதுச்சேரியில் உள்ள 40 தொகதிகளுக்கும் ஒரே கட்டமாக வரும் ஏப்ரல் 19ம் தேதி லோக்சபா தேர்தல் நடைபெற உள்ளது. இதில் திமுக காங்கிரஸ் உள்பட பல்வேறு கட்சிகள் ஒரு அணியாகவும், பாஜக, பாமக அமமுக உள்ளிட்ட பல்வேறு கட்சிகள் ஒரு அணியாகவும், அதிமுக தேமுதிக உள்ளிட்ட சில கட்சிகள் ஒரு அணியாகவும், நாம் தமிழர் கட்சி தனியாகவும் களத்தில் இறங்கி உள்ளன. நாளை மாலையுடன் தேர்தல் பிரச்சாரம் ஓய்கிறது.
பல்வேறு தொலைக்காட்சி நிறுவனங்கள், தனியார் அமைப்புகள் தமிழக தேர்தல் குறித்து கருத்துக்கணிப்புகளை வெளியிட்டு வருகின்றன. தமிழ்நாட்டில் இதுவரை வெளிவந்த பெரும்பாலான கருத்துக்கணிப்புகளில் திமுக கூட்டணியே மொத்தமாக அடித்து தூக்கும் என்றே கூறியுள்ளன. சில கணிப்புகளில் ஒரிரு இடங்களில் பாஜக மற்றும் அதிமுக கூட்டணி வரும் என்று கணித்துள்ளன.
தமிழ்நாட்டின் பிரபல செய்தி ஊடகமான தந்தி டிவி தனது இரண்டாவது கருத்துக்கணிப்பினை இன்று வெளியிட்டுள்ளது. இந்த கணிப்பில் திமுக கூட்டணி வெற்றி பெற அதிக வாய்ப்பு உள்ளதாக கூறியுள்ளது.
தொகுதி வாரியான நிலவரத்தை பொறுத்தவரை இந்த செய்தியில் ஸ்ரீபெரும்புதூர் பற்றி பார்க்க போகிறோம். சென்னை மாநகராட்சியில் உள்ள ஆலந்தூர், மதுரவாயல், அம்பத்தூர் மற்றும் சென்னையின் புறநகர் பகுதியான பல்லாவரம், தாம்பரம் ஸ்ரீபெரும்புதூர் ஆகிய தொகுதிகளை உள்ளடக்கிய ஸ்ரீபெரும்புதூர் லோக்சபா தொகுதி, சென்னையில் அதிக தொழிற்சாலைகளை கொண்ட தொகுதியாக உள்ளது. தமிழ்நாட்டில் அதிகமான தொழிற்சாலைகள் உள்ள தொகுதியாக ஸ்ரீபெரும்புதூர் தொகுதி இருக்கிறது.
கார் உற்பத்தி தொடங்கி கனரக வாகனங்கள் மற்றும் செல்போன் உற்பத்தி என டெக் மற்றும் ஆட்டோ மொபைல் நகரமாக சென்னை இருக்க ஸ்ரீபெரும்புதூர் தொகுதி தான் காரணம். ஸ்ரீபெரும்புதூர், அம்பத்தூர் பகுதிகளில் ஏராளமான தொழில் நிறுவனங்கள் உள்ளன. இங்கு ஏராளமான தொழிலாளர்கள் வேலை செய்கிறார்கள். ஸ்ரீ பெரும்புதூர் லோக்சபா தொகுதியில் திமுக 7 முறையும், காங்கிரஸ் மற்றும் அதிமுக 3 முறையும் வெற்றி பெற்றுள்ளது.
இங்கு திமுக சார்பில் போட்டியிடும் கடந்த முறை வெற்றி பெற்ற டிஆர் பாலு இந்த முறையும் வெல்வார் என்றும், டிஆர் பாலு 43 முதல் 49 சதவீதம் வாக்குகள் பெற வாய்ப்பு உள்ளதாகவும் தந்தி டிவி தனது கணிப்பில் கூறியுள்ளது. அதிமுக சார்பில் போட்டியிடும் டாக்டர் பிரேம் குமார், 33 முதல் 39 சதவீதம் வாக்குகளை பெறுவார் என்றும் பாஜக கூட்டணியில் தமாகா சார்பில் போட்டியிடும் வேணுகோபால் 6 முதல் 12 சதவீதம் வாக்குகளை பெறுவார் என்றும், நாம் தமிழர் கட்சி சார்பில் போட்டியிடும் டாக்டர் வெ ரவிச்சந்திரன் 7 முதல் 10 சதவீதம் வாக்குகளை பெறுவார் என்றும் தந்திடிவி கணிப்பில் கூறப்பட்டுள்ளது.
Click it and Unblock the Notifications
Sign in with Google