முதல்முறை போட்டி.. செம டஃப் கொடுத்த மநீம பத்மப்ரியா.. 12.2 சதவீதத்தை அள்ளிய தமிழச்சி!

Updated: Tuesday, May 4, 2021, 13:23 [IST]

Subscribe to Oneindia Tamil

சென்னை: மக்கள் நீதி மய்யம் சார்பில் மதுரவாயல் தொகுதியில் போட்டியிட்ட யூடியூபர் பத்மப்ரியாவுக்கு மொத்தம் 33 ஆயிரம் வாக்குகள் கிடைத்துள்ளன. அந்த தொகுதியில் கிடைத்த மொத்த ஓட்டுக்களில் இவருக்கு மட்டும் 12.2 சதவீதம் கிடைத்துள்ளது. இது ஒரு நல்ல ஆரம்பமாகவே பார்க்கப்படுகிறது.

Recommended Video

DMK, AIADMK பெற்ற வாக்குசதவிகிதம் எவ்வளவு? வெளியானது List

யூடியூபர் பத்மப்ரியா, சென்னை தமிழச்சி என்ற ஒரு சேனலை தொடங்கி அதில் சுற்றுச்சூழல் தொடர்பான விஷயங்களை பேசி வருகிறார். அப்படி இவர் பேசிய சில வீடியோக்கள் வைரலாகியுள்ளன.

பத்மப்ரியா தனது யூடியூப் சேனலில் காட்டுப்பள்ளி துறைமுக விரிவாக்கப் பணிகள், சுற்றுச்சூழல் தாக்க மதிப்பீட்டு வரைவு அறிக்கை உள்ளிட்டவற்றிற்கு எதிராக இவர் குரல் கொடுத்தது இளைஞர்கள், சுற்றுச்சூழல் ஆர்வலர்கள், பொதுமக்கள் உள்ளிட்டோரை திரும்பி பார்க்க வைத்துவிட்டது.

பத்மப்ரியா

இதையடுத்து மக்கள் நீதி மய்யம் சார்பில் மதுரவாயல் சட்டசபைத் தொகுதியில் பத்மப்ரியா போட்டியிட்டார். டார்ச் லைட் சின்னத்தில் போட்டியிட்ட இவருக்கு மக்கள் 33401 வாக்குகளை அள்ளி கொடுத்துள்ளார்கள். புதியவரான பத்மப்ரியாவுக்கு இத்தனை வாக்குகள் கிடைப்பதிருப்பது மிக முக்கியத்துவம் வாய்ந்ததாக கருதப்படுகிறது.

மக்கள் நீதி மய்யம்

அதிக வாக்குகளை பெற்றதுடன் அந்த தொகுதியில் 3ஆவது இடத்தையும் பெற்றுள்ளார். அந்த தொகுதியில் கிடைத்த மொத்த வாக்குகளில் இவருக்கு 12.2 சதவீதம் கிடைத்துள்ளது. இதுகுறித்து பத்மப்ரியா தனது ட்விட்டர் பக்கத்தில் கூறுகையில் தமிழக சட்டசபைத் தேர்தலில் போட்டியிட்ட மக்கள் நீதி மய்யம் வேட்பாளர்கள் கடுமையாக போராடியுள்ளோம்.

முதல்முறை

கமல்ஹாசன், டாக்டர் மகேந்திரன் ஆகியோரின் வழிகாட்டுதலுடன் மக்கள் நன்மைக்காக போட்டியிட்ட ஒவ்வொரு போராளிகளையும் எண்ணி பெருமையடைகிறேன். மதுரவாயல் தொகுதி வேட்பாளராக நான் 33 ஆயிரத்திற்கும் மேலான வாக்குகளை பெற்றுள்ளேன். அதுவும் முதல் முறை போட்டியிட்டதில் இத்தனை வாக்குகள்.

அரசியல் ஆரம்பம்

எனக்கு வாக்களித்த மக்கள், தேர்தல் பணியாற்றிய அதிகாரிகள், ஊடகங்கள் உள்ளிட்டோருக்கு நன்றி தெரிவித்துக் கொள்கிறேன். எனது முழு முயற்சியுடன் நான் போட்டியிட்டேன் என்பதை என்னால் நிச்சயமாக கூறமுடியும். எனக்கு உருதுணையாக இருந்த மக்கள் நீதி மய்யம் கட்சியினர் அனைவருக்கும் நன்றிகள். இது அரசியலில் ஆரம்பமே என தெரிவித்துள்ளார்.