அதிமுகவை நம்பிடாதீங்க! காலம் காலத்துக்கும் அந்தக் கட்சி பாஜகவின் அடிமை தான்! கரு.பழனியப்பன் பேச்சு!
கோவை: அதிமுகவை பொறுத்தவரை காலம் காலத்துக்கும் பாஜகவின் கொத்தடிமையாக தான் இருக்கும் என இயக்குநர் கரு.பழனியப்பன் பேசியிருக்கிறார்.
இஸ்லாமியர்களின் ஓட்டுக்களை பெற வேண்டும் என்பதற்காக இப்போது பாஜகவிடம் இருந்து பிரிந்திருப்பது போல் அக்கட்சியினர் நடித்து வருவதாக குற்றஞ்சாட்டினார்.
திமுக வேட்பாளர்களை ஆதரித்து கோவையில் சிறப்பு பிரச்சாரத்தில் ஈடுபட்ட அவர் இதனைக் கூறினார்.
உள்ளாட்சித் தேர்தல்
தமிழக நகர்ப்புற உள்ளாட்சித் தேர்தலுக்கான பிரச்சாரம் இன்று மாலையுடன் நிறைவடைகிறது. இந்நிலையில் கோவையில் திமுகவுக்காக கடந்த 3 நாட்களாக தொடர்ந்து சிறப்பு பிரச்சாரம் மேற்கொண்டு வருகிறார் இயக்குநர் கரு.பழனியப்பன். திமுகவுக்காக பிரச்சாரம் செய்யவுள்ள முக்கியப் பிரமுகர்கள் குறித்த பட்டியலும் அவர்களுக்கு ஒதுக்கப்பட்டுள்ள ஊர்களின் விவரங்களுக்கு 10 நாட்களுக்கு முன்னர் திமுக தலைமைக்கழகத்தால் வெளியிடப்பட்டது.
கரு.பழனியப்பன்
அதில் இயக்குநர் கரு.பழனியப்பன் பெயர் இடம்பெறவில்லை. இந்நிலையில், அமைச்சர் செந்தில்பாலாஜியின் அழைப்பை ஏற்று அவருக்கு கோவையில் திமுகவுக்கு ஓட்டுக்கேட்க வந்த கரு.பழனியப்பன், செல்லும் இடங்களிலெல்லாம் அதிமுக மற்றும் பாஜகவை வெளுத்து வாங்கினார். மக்கள் மத்தியில் வெறுப்பை விதைப்பதில் பாஜகவை மிஞ்ச வேறு யாருமில்லை என்றும் சமூக நல்லிணக்கம் உள்ளிட்ட எதைப்பற்றியும் கவலைப்படாத ஒருவர் எடப்பாடி பழனிசாமி எனவும் சாடினார்.
மக்கள் நம்ப வேண்டாம்
அதிமுகவை மட்டும் மக்கள் நம்பிவிட வேண்டாம் என்றும் பாஜகவின் கொத்தடிமையாக உள்ள அந்தக் கட்சி தேர்தலுக்காக இஸ்லாமியர்களின் ஓட்டுக்களை பெற வேண்டி பிரிந்திருப்பது போல் நாடகமாடுவதாக சாடினார். தேர்தலுக்கு பிறகு மீண்டும் அவர்கள் ஒன்றிணைந்து கொள்வார்கள் எனவும் பேசினார். இந்து, முஸ்லீம் என அனைவரும் ஒரு தாய் பிள்ளைகளாக சகோதர, சகோதரிகளாக வாழக்கூடிய இங்கு வெறுப்பு அரசியலை பாஜக முன்னிறுத்தி வருவதாக தெரிவித்தார்.
Recommended Video
வேறு இடம் இல்லை
திமுகவுக்காக கோவையில் மட்டும் இயக்குநர் கரு.பழனியப்பன் பரப்புரை மேற்கொண்டது குறிப்பிடத்தக்கது. இதேபோல் மேலும் சில திமுக ஆதரவு முக்கியப் பிரமுகர்கள் பலரை கோவைக்கு அழைத்துச்சென்று பரப்புரையில் ஈடுபடுத்தி வருகிறார் அமைச்சர் செந்தில்பாலாஜி. இன்று மாலையுடன் பிரச்சாரம் ஓயவுள்ளதால் ஓய்வின்றி வேட்பாளர்கள் கடந்த மூன்று நாட்களாக சுழன்று வருகின்றனர்.
Click it and Unblock the Notifications
Sign in with Google